الكومبيوتر

**turboman** · 28-01-2008 02:00 AM

العربية عندي لما بمشي مشوار طويل ساعة مثلا ولا حاجة و اركن وبعدين ادور تاني الكومبيوتر مش بيعمل الصوت بتاعة اللي قبل صوت طلمبة البنزين اما لو ركنت ربع ساعة او اكتر بيرجع الصوت تاني في رايكم فية مشكلة ولو فية اية علاجها و يتكلف كم؟ ولكم الشكر مقدما و خصوصا محمد ممدوح

**ahmedsrs** · 28-01-2008 02:33 AM

مفيش مشكلة هى العربية ساعات بتعمل كدة

**turboman** · 28-01-2008 02:37 AM

يعني اطمن يا جماعة ؟........................................... ابو ممدوح ليك وحشة

**amrokhafagy** · 28-01-2008 08:25 AM

الصوت ده صوت طلمبة البنزين تمام؟
صوت الطلمبة لما بتركن وقت طويل بتشتغل لتحضير البنزين اللازم استهلاك السيارة
اما لما بتكون لسه راكن بيكون خراطيم او مواسير البنزين لازالت مملوءة بالبنزين فبيكونوا لسه مضغوطين مش محتاجين لتحضير الطبمبة فمتشتغلش والله اعلم

**MMamdouh** · 28-01-2008 12:10 PM

ايه هو صوت الكمبيوتر اللى قبل طلمبة البنزين؟

الكمبيوتر مبيطلعش صوت و الطلمبة بتشتغل لما تفتح كونتاكت عشان تحضر ضغط لتشغبل الموتور... فين الصوت اللى مبيطلعش عندك؟

MMamdouh

**Hesham A.Megid** · 28-01-2008 04:01 PM

المشاركة الأصلية كتبت بواسطة turboman

اول ما بتلف مفتاح الكونتاك بييجي نغمة كدة اربع او خمس مرات ........تن .تن .......تن زي الصوت اللي بيحصل لو بطلت وفتحت الباب و النور شغال

النغمه دي عشان تفكرك تلبس الحزام مش اكتر....جرب تدور العربيه وانت لابس الحزام مش هتسمعها.

**ahmedezzat78** · 28-01-2008 07:26 PM

المشاركة الأصلية كتبت بواسطة turboman

اول ما بتلف مفتاح الكونتاك بييجي نغمة كدة اربع او خمس مرات ........تن .تن .......تن زي الصوت اللي بيحصل لو بطلت وفتحت الباب و النور شغال

انت بس تلاقيك لما بتبطل مش بترجع الكونتاكت على الآخر

بمعنى اخر ....... لو بطلت العربيه و خرجت المفتاح من الكونتاكت و بعدين دورت هتسمع صوت الزنان سواء مبطلها من 5 دقايق او من يومين

الزنان ده مجرد تنبيه لربط حزام الامان مش اكثر يعنى لو مش شغال برضو ما فيش داعى للقلق