والله الموضوع رائع وجميل . وأنا من وجهة نظرى شايف ان الفكرة كلها سواء العربية قديمة أو لسة زيرو مبتفرقش مع صاحبها لأنه بيكون عايز عربيته تبقى مميزة عن أى عربية شبيهة ليها فالمشكله ان فى الأول مش بيكون مركز هوا عايز يعمل فبيبدأ يجرب مرة ويطلع شكلها وحش ومرة تانية تظبط شوية وهكذا.....
فأنا شايف ان المنتدى هنا بيعمل دور كبير فى التوعية عشان الناس متغلطش وتعمل أى حاجة فى عربياتها وخلاص وتكون النتيجة انه يزهق أكتر من العربية أو يبقى ماشى وفاكر عربيته حلوة والناس بتتريق عليها.
أنا واحد من الناس لما بدأت فى الفايبر والكلام ده عملت شغل فيها زى الزفت لدرجة كان فى ناس بتوقفنى وتقولى حرام عليك العربية لسة جديدة ايه القرف ده وبصراحة كنت بشتمهم على طول ..ومكنتش مقتنع انها مش حلوه واللى معمول فيها أوفر أوى..بس مع الخبرات والواحد لما بيقرأ ويسمع ويشوف اكتشفت حقيقة مهمة جدا :
لازم تسأل الأول قبل متركب أى حاجة فى عربيتك ولازم لما تركب فايبر تشوفو على العربية الأول + يكون معاك بعض الأصدقاء (اختلاف وجهات النظر مطلوب).
لازم اختيار الصنعية والورش يكون بناءا على خبرة أحد المعارف مسبقا + سمعة المكان وان أمكن مشاهدة أعمال من انتاج المكان.
وأنا بحييك مرة تانية على الموضوع ده لأن هيا دى الفائدة الكبرى من وجود المنتدى.
المفضلات