الموضوع: موضوع جديد و مهم جدا جدا لاعضاء المنتدى وارجوا المشاركه

يا جماعه الشغل الصح هو جنط استيراد محترم و العربيه بويه بتاعتها تكون تمام و الفوانيس كويسه و يا سلام لو كريستال و تكون حاله العربيه من الخارج الى هوا الفبريكا وملوش لزمه حوارات الاكسطدام و التنفيخ من الاخر شغل اوفر و تحس ان حرام الفلوس بالشكل ده العربيه لما تكون سيمبل كده و نضيفه هيا دى الشياكه ومش عايز حد يزعل شياكه مثلا 128 فى شكلها العادى لكن تلاقى واحد عامل شغل و صارف مصاريف ولامؤاخذه تلاقى الناس تقولك ايش تعمل المشطه مش عارف فى ايه و تحس بكميه تعليقات مش طبيعيه ده ناتج عن العربيه مش مستحمله الشغل الى فيها و فى ناس تخاف تشتريها و تقلك ملعوب فيها لكن تلاقى 128 بسيطه و جميله و تلاقيها ملفته للنظر و الناس تشوفها تقول العربيه ما شاء الله شيك و بيتى و صاحبها محافظ عليها و ساعه البيع تلاقى الناس هتموت عليها مش خايفه من العربيه وقيس على ذلك الكثير من السيارات و الموديلات
انا جارى معاه عربيه مازدا قديمه و الله العربيه تشوفها تقول لسه طالعه من المصنع و شياكه ايه بجد ملهاش حل عشان الشغل الى فيها بسيط مش اوفر

المشاركة الأصلية كتبت بواسطة disha_2020

هوا ده اللى انا بتكلم فيه حرام اروح اصرف فيبر و حاجات غريبه مش عارف بيجيبوها منين وتلاقيه صارف بس مبوظ العربيه طيب انتوا شوفوا الصور فى 128 عاده بتاعت واحد صاحبنا بجد ماشاء الله عليها فيها جنط بى بى اس و متسقطه و فيها من قدام فوانيس الجولف علشان دى انضف حاجه و من ورا عامل فانوسين بجد تحفه العربيه بجد الناس مش مصدقه ان دى 128 عاده من بتوع زمان و عندكم ال 127 الصفراء والقحلى عربيات نضيفه و تمام ومصروف عليها صح و بعدين العربيات القديمه بعد ما بتنضف شكلها بيكون شيك جدا ولله وتمشى تلاقى الناس بتقولك بايع بايع علشان شايفين عربيه محترمه

بس انت كده بتتكلم من وجه نظرك
لان برضه فى عربيات متعدله فى الشكل وجميله والى بيشوفها برضه بيقول لصاحبها تبيع
انا شفت عربيات متعدله فيبر تحفه وكان نفسى اشتريها وغيرى كان حيموت ويشتريها
دى مسأله ازواق

كلام جميل لكن لازم نفرق مابين التعديل في الأداء و التعديل في الشكل طبعاً في ناس بتحب ومهتمة بالأداء وناس الشكل وناس الأثنين وكل ما كان في توازن بين النوعين كل ما كان أفضل وايان كان نوع التعديل المفروض الشخص ميسترخصش ويجيب الحاجة المكلفة وينساها سنين بمعنى( أعمل الحاجه صح من أول مرة أو زى ما بيتقال - Do it well or not at all ) يعنى من الحاجات اللى لفتت انتباهى الفترة الأخيرة موضوع رش اللون الأسود المط عربيات كثير رشه وطبعاً بجودة وحرفية سيئة بتكلفة 500 جنية و 600 و شكلها بيطلع سىء للغاية ان لم يكن بشع ده رأى الشخصى .. وغيره .. من جنوط و فرش .. الخ
يبقى المقياس عندك 1- الخامات و جودة المنتج وأسم الشركة المصنعة بيكون أكيد عندك أختيارات بأسعار مختلفة، 2- كفاءته على أداء وظيفتة بالسؤال من قام بتجربته، 3- أختيار مكان سمعته كويسة ومشهود ليه بالكفاءة في تنفيذ العمل المطلوب بإتقان زى ما تفضل وائل و قال يعنى أعرف ناس بره بتقعد 3 و 5 سنين بتعمل Tuning لعربياتها على العكس هنا تلقى الواحد عاوز يخلص العربية كلها بالكثير في شهرين بأقل تكلفة يلا تصبحوا على خير ونشوفكو بكرة ان شاء الله :))