الموضوع: حد يعرف دكتور أعصاب ثقه؟

السلام عليكم ورحمة الله و بركاته.

نتيجة أستخدام الماوس لفترات طويلة أشعر بوجع فى اصبع السبابة لليد اليمنى.

واحاول استخدام اليد اليسرى و لكن الموضوع شكله محتاج دكتور أعصاب كويس.

فياريت لو حد فيكم يعرف دكتور أعصاب كبير يقولى عليه عشان خايف الموضوع يكون محتاج عملية والا حاجه!

المشاركة الأصلية كتبت بواسطة بحري

مش محتاجة دكتور إن شاء الله إلا لو كان أصلا عندك مشاكل في أعصاب اليدين
غير الماوس لواحد أكبر مع محاولة الاستخدام المعتدل قدر الإمكان
اعمل مساج للإصبع
مع تمارين تنشيطية للعضلات والأعصاب
مع تدفئة وكمادات دافئة لتنشيط الدورة الدموية
مع فترات راحة جيدة
لو كنت من مستخدمي ماكنتوش كنت قلتلك اشتري الماجيك ماوس الجديد..باللمس ووهمي
ألف سلامة عليك

ألف شكر يا أستاذ بحرى لإهتمامك

المشكلة انى رحت قبل كده لدكتور و أخذت علاج و رباط و تمارين و فعلا ظبط شويه بس مش بشكل كامل
وبعد فترة الموضوع رجع تانى و الصراحة انا بشتغل كتير جداً على الكمبيوتر "طبيعة الشغل :( " وبنسى نفسى كتير وانا شغال.

على العموم انا ناوى اروح مستشفى كليوباترا عشان تبع التامين فى الشغل و كويسين. وهشوف فى ايه ولو محتاج اشعه هعملها إن شاء الله.