شكرا على مجهودك في نقل الخبر بس في حاجة انا مش فاهمها هو ينفع يكون هناك موزع بدون ما يكون هناك وكيل.؟؟؟
شكرا على مجهودك في نقل الخبر بس في حاجة انا مش فاهمها هو ينفع يكون هناك موزع بدون ما يكون هناك وكيل.؟؟؟
رجال أعمال شغالة بالفهلوة وعاوزين الدنيا كلها تمشى على هواهم
عاوز اعرف الرواس عنده أصلا كام مركز خدمة خاص بيه هو شخصيا
أنا ساكن فى إسكندرية
تعتبر تانى مدينة بعد القاهرة والجيزة
تقدر تقولى الرواس عنده مركز صيانة واحد يخصة شخصيا
ولا واحد
كلها مراكز صيانة خاصة ومديلة تصريح بعمل صيانة للسيارات
المتسيوبيشى
فين بقا التوكيل هنا
والله لولا العربية ماسكة نفسها وطريقة صيانتها سهلة ومفيهاش مشاكل كبيرة زى باقى السيارات
لكان إنكشف من زمان الأخ رواس ده
وأكبر دليل على إنه موزع إنو أكبر مستورد سيارات خليجى
عمرك شوفت فى الدنيا توكيل بيستورد سيارات خليجى معاد تصديرها
يعنى بمعنى أصح الأخ الرواس كان واخدها سبوبة بالفهلوة
الراجل ده كسب مكاسب لا تتخيلوها من الفرخة الى كانت كل يوم بتبيض دهب (الأنسر)
له حق يتجنن لما يتاخد من التوكيل قصدى التوزيع
وكفايا عليه كده
وانا أنصح اى شخص ناوى يشترى لانسر انه يستنى شوية عشان الدنيا هتحلو اوى
مين اللي رسي عليه الوكالة الجديدة ؟
شكرا على الخبر
الموقف ده بيفكرنى لما امريكا دخلت العراق بعض المحاميين راحوا رفعوا قضيه على بوش وبلير فى محكمه زنانيرى او روض الفرج او لاهاى مش فاكر بصراحه وقالوا ان هما هايجرجروهم فى المحاكم
واكيد يا جماعة شركه زى ميتسوبيشى اعتقد يعنى ان هى شركة محترمه وبيعملوا عربيات احسن من عربياتنا شويه واليابانيين محترمين
اكيد قراوا العقد و
اكيد مش من السذاجه ان هما يعرضوا نفسهم لأى حد يرفع عليهم قضيه ب 900 مليون دولار بسهوله كده
اكيد عندهم محاميين فى قسم الشئون القانونيه
مش احنا بس اللى بنفهم بس
فعلا العربية كفاية انها بتبيع لغاية دلوقتي في موديل انتهى من كام سنة .. واعتقد كانت اكتر عربية انتشارا في مصر
وفي العربيات الكبيرة الباجيرو برضه انتشارها مناصفة مع البرادو
يعني الموضوع مش مبيعات لأنهم المفروض لو درسو السوق المصري هيعرفو انه كده فل أوي .. مش معقول هينزل جالانت 1600 مثلا
انا عن نفسى اتمنى نار الرواس ولا جنه ابوالفتوح .. هو ابوالفتوح ايام ماكان وكيل بى ام ثم وكيل دايو كان عامل شغل زى الفل وكانت سمعته كويسه بس اول ماخد اسبيرانزا والمشاكل من التوكيل بتاعه بقت بالكوم وعلى مااسمع معاملتهم سيئه فى مراكز الخدمه ... فاءذا كان هايعمل كده مع المتسوبيشى يبقى بلاش منه احسن
انا با تعامل مع ابو الفتوح مراكز الصيانه يعني من سنتين مفيش مشاكل با لكوم زي ما حضرتك قلت وبعدين يعني ايه معامله سيئه بشتمو الناس ويضربوهم بصراحه مش فاهم الراجل خلي عربيه مجهوله وصيني تنافس عربيات لها سنين في السوق المصري وحقق نسبه مبيعات عاليه جدا ولو اخد متسيو بيشي اكيد ها يعمل شغل جامد ويخليها رقم واحد لانه عقليه ناجحه وبيعرف يعمل تسويق كويس وينجحه ما تنساش الدايو نفس الكلام مفيش حد في مصر كان يعرف حاجه اسمها دايو عمل اسم ليها ونسبه مبيعات طبعا الكل عارفها وخلاها العربيه الشعبيه رقم واحد لحد منصور ما ضيع اسمها في السوق
معنديش فكره عن مدى جوده خدمه بعد البيع لأبو الفتوح , بس اللى انا متأكد منه
انه لعيب فى التسويق والدليل اسبيرنزا , بس شخصيا اضعه فى اخر اللسته المرجوه قبل غبور ومنصور