الموضوع: مصر اصبحت ساحة ضخمة للهبوط بالباراشوت

ههههههههههههههههههههههه
الحمد لله انا مش من هواة الرياضه دى

هذه المظلات كما قال الا خ سبعاوي ناتجة من النظام الاشتراكي الفاشل الذي تم ابتلائنا به في الخمسينيات

بالإضافة للزيادة السكانية
التكدس السكاني

طيب والحل ايه يا سبعاوى
إحنا بنجييد النقد بشكل ممتاز وكل من فينا يتحدث وكأنه ليس طرفا فى المشكله (مش قصدى عليك والله) لكن لا أحد يبحث عن حل
ياريت نبحث عن حل واقعى وعملى ونحاول تطبيقه من أجل تحسين الوضع لأن البلد بقت فعلا فعلا فظيعه وسيئه للغايه

المشاركة الأصلية كتبت بواسطة محمد ابراهيم 1

طيب والحل ايه يا سبعاوى
إحنا بنجييد النقد بشكل ممتاز وكل من فينا يتحدث وكأنه ليس طرفا فى المشكله (مش قصدى عليك والله) لكن لا أحد يبحث عن حل
ياريت نبحث عن حل واقعى وعملى ونحاول تطبيقه من أجل تحسين الوضع لأن البلد بقت فعلا فعلا فظيعه وسيئه للغايه

انا من رأييى ان فيه حلين

حل اجتماعى وحل رسمى

الحل الرسمى انا ذكرته فى مداخلة سابقة فى نفس الموضوع عن اعلاء قيمة العمل

والحل الأجتماعى هو ان انا وانت وكل الناس اللى حوالينا نتكاتف لرفض ثقافة الباراشوات، يعنى اى حد يتنحدف علينا من اى مصيبة لازم تنتهى الحدفة بأنه مياخدش منى ومنك ومن اى حد اتحدف عليه اى مصلحة مادية او معنوية، انا من اكثر محاربى ثقافة الباراشوت فى حياتى، عمرى ما اشتريت منديل كلينكس من اشارة وعمرى ما اديت حاجة لشحات فى اشارة مرور او على القهوة، وواول ما الواد ابو جيل فشعره بتاع محطة البنزين بيطلع لى زى عفريت العلبة ابو سوستة من جنب شباك العربية بروح قافل الشباك المذكور فى رسالة انا متعمد انها تكون قليلة الذوق يمكن يفهم ويحس ان اللى بعمله دا لا هو شغل ولا اكل عيش، ولا عمرى بدى ودن لحد من اللى بيعترض طريقى فى الشارع بادئا اياى بالالإستهلالة المملة اياها"مساء الخير ناخد من وقت خضرتك خمس دقائق" وبعمل نفسى اطرش، فول كلنا لتكاتفنا لرفض الباراشوتات مع الوقت القافزين بالباراشوت هيحسوا انهم مرفوضين من المجتمع ويدوروا على سبيل تانى لكسب الرزق

بشمهندس سبعاوى انت بجد أفكارك هايلة فعلا
إحنا بقينا بلد بنبيع و بس ولا ننتج

المشاركة الأصلية كتبت بواسطة sab3aawy

عمرى ما اشتريت منديل كلينكس من اشارة وعمرى ما اديت حاجة لشحات فى اشارة مرور او على القهوة، وواول ما الواد ابو جيل فشعره بتاع محطة البنزين بيطلع لى زى عفريت العلبة ابو سوستة من جنب شباك العربية بروح قافل الشباك المذكور فى رسالة انا متعمد انها تكون قليلة الذوق يمكن يفهم ويحس ان اللى بعمله دا لا هو شغل ولا اكل عيش،

بس فى فرق بين الناس ديه و بين الشحاتين، يعنى اللى بيبيع مناديل ده و الواد اللى لابس بدله عايزين يشتغلوا و اكيد مش لاقيين عمل افضل من كده، و بالتأكيد الواد أبو بدله ده مش راضى عن نفسه و تلاقيه خريج جامعي و مش لاقى شغل، يبقى مفيش داعى تهينه...و يبقى تصرف حضرتك معاه بالطريقه ديه خالى من اى إعلاء لقيمة العمل.

المشاركة الأصلية كتبت بواسطة mars3v

بس فى فرق بين الناس ديه و بين الشحاتين، يعنى اللى بيبيع مناديل ده و الواد اللى لابس بدله عايزين يشتغلوا و اكيد مش لاقيين عمل افضل من كده، و بالتأكيد الواد أبو بدله ده مش راضى عن نفسه و تلاقيه خريج جامعي و مش لاقى شغل، يبقى مفيش داعى تهينه...و يبقى تصرف حضرتك معاه بالطريقه ديه خالى من اى إعلاء لقيمة العمل.

كلامك صح تماما بالنسبة لمن يبيع سلعة مفيدة وبشكل حضارى، يعنى مثلا الراجل اللى بيبيع كلينكس فى الإشارات بدون ما يتلزق فى العربيات ، هو معاه بضاعته وبيعرضها بدون الحاح ولا غتاتة ولا مستفتحناش يا بيه ولا ربنا يخليلك المدام ده معنديش اى مشكلة معاه وكل اللى بتمناه له ان ربنا يوفقه لحاجة احسن، لكن الطفل المأجور اللى بيلزقلى بقه فى قزاز العربية ده متسول مش بياع ، والشاب ابو جيل اللى هو عارف كويس انه بيبيع الهواء فى قزايز هو قبل على نفسه انه يشتغل عند ناس نصابين وبيشاركهم فى نصبهم، يعنى انا مثلا لما بلاقى شاب من ابو جيل جاى يكلمنى عن اشتراك فى قنوات فضائية او تايم شير بعتذرله بأدب وخلاص، لكن الأخ التانى بتاع حضرتك كسبت معنا فى مسابقة شركة الأحلام لتسويق الأوهام ده اللى بقفل الشباك فى وشه