لو حبيت أركب abs للوجان خارج التوكيل حيكلف كام
عرض للطباعة
لو حبيت أركب abs للوجان خارج التوكيل حيكلف كام
أعتقد ان الفرق بره التوكيل و جوه التوكيل..
لا يوازى الدقه اللى ممكن تحصل عليها داخل التوكيل..
يعنى اللى حتوفره برده التوكيل...ممكن تلاقيه فى مشاكل نتيجة التركيب بره التوكيل..
طيب لو جوه التوكيل هيكلفني كام ولو بره التوكيل هيكلفني كام بردو:shyy:
مافتكرش انها موجودة فى التوكيل ..
انا مفتكرش ان حد يعرف يركبه و يظبطه غير مصنع العربيهاقتباس:
المشاركة الأصلية كتبت بواسطة egyzizo
خسارة أنا كان نفسى أركبة أنا كمان.http://www.nilemotors.net/Nile/image...ink%5B1%5D.gif حسأل علية فى التوكيل وأقولكم على التفاصيل.اقتباس:
المشاركة الأصلية كتبت بواسطة cheetos_892005
حيكلف كتير و ملوش لزمة
MMamdouh
يعني هيكلف في حدود كام يعني
اللي غايظني انو المفروض بينزل في العربية يشيلووه لييييييييييييييييييييييه ="(
معتقدش انه موجود فى التوكيل أصلا لأنى سألت عليه من شهرين قالى لأ منفعش يركب ومعندهمش
إزاي مينفعش وإزاي ليه لمبه في العربيه ده جنان ده ولا إيه !!!!!!
مينفعش عشان معندهمش :)اقتباس:
المشاركة الأصلية كتبت بواسطة exart2u
مالوش لازمه اوي
هو الناس فاكرة اني بيخلي الفرامل اقوى...اقتباس:
المشاركة الأصلية كتبت بواسطة mmamdouh
طب وجهة نظر حضرتك اية؟؟
قوة اى نظام فرامل بتعتمد على حجم و خامة كل من الطنابير و التيل و المساتر الفرعية و الماستر العمومى و السيرفو... اضافة طبعا الى معامل تماسك الكاوتش مع الاسفلت
لو جبت عربيتيت متطابقتين تماما وواحدة فيها ABS و التانية مفيهاش حتلاقى المكونات المذكورة هى هى بالمللى فى العربيتين... الفرق بس زيادة مكونات جهاز الABS المككونة من دوائر كهربائية و حساسات و طلمبة زيت
معنى كدة ان عناصر الفرامل الاساسية اللى بتاثر على قوة الفرامل هى هى فى العربيتين بالتالى "قوة" الفرامل فى العربيتين واحدة
طيب يبقى بقى الABS بيفرق فى ايه؟؟؟؟؟؟؟؟
الABS بيفرق فى طريقة عمل الفرامل مش قوتها... اساسا فى الفرملة العادية اللى مش قوية كفاية لان العجل يقفش الABS مبيشتغلش ولا بيعمل اى حاجة
فى حالة ما الفرامل كانت اقوى من تماسك العجل بالطريق العربية اللى مفيهاش ABS عجلها حيقف و يزحف على سطح الطريق... العربية اللى فيها ABS حيتدخل نظام الABS و يمنع ان العجل يقفش و بالتالى حتقدر توجة العربية يمين و شمال اثناء الفرملة القوية
اذا نفهم من كدة ان وظيفة الABS هى منع العجلات من الانغلاق و الزحف و بالتالى فقد السيطرة عليها... دة ملوش اى علاقة بقوة الفرملة خالص بل بالعكس...
فيه مواقف ممكن الABS يطول مسافة التوقف و يسبب حوادث... يعنى تخيل انك ماشى على طريق اسفلت و علية طبقة رمل خفيف و ماشى 40 و عربيتك فيها ABS و ضربت فرامل قوية.. الABS حيشتغل و العجل مش حيعمل lock و حتقدر تحود يمين و شمال براحتك... بس العربية حتاخد مسافة طويلة جدا عشان تقف لان تماسك العجل ضعيف جدا مع الارض بسبب الرمل و ممكن تفضل ماشى لحد ما تخش فى العائق اللى انت فرملت عشانه اصلا
القصة دى حصلت بالفعل معايا فى عربية BMW بس الحمد لله مدخلناش فى حاجة... بس الاحساس كان فعلا وحش جدا لان العربية مبتقفش... العربية اللى مفيهاش ABS فى الموقف اللى زى كدة بتقفش عجلها و تزجف بالتالى بتزيح الرمل من على سطح الطريق و تقفش فى الاسفلت و تقف
الABS عنصر امان عشان بيديك مساحة تحكم اكبر فى الظروف الصعبة زى الامطار و التلج من خلال قدرتك على انك تحود اثناء الفرامل القوية... قوة الفرامل هنا بعيد عن كل القصة دى... و بما اننا فى مصر فا الظروف اللى اتعمل عشانها النظام دة مبتحصلش غير كام يوم مطر فى السنة و شكرا
رائى الشخصى ان العربية اللى فيها ABS فى مصر زى اللى لابس بدلة مضادة للرصاص و هو بيلعب بنج بونج... صحيح البدلة حتحميك من الرصاص... بس ايه احتمالات ان حد يضرب عليك نار و انت بتلعب بنج بونج؟؟؟
MMamdouh
أنا بشكر حضرتك على التوضيح المفصل ده , أنا كنت فاكر إن الabs بيقوي الفرامل مش بيتحكم في طريقة عملها :D
طب ايه معنى
abs+ebd
شكراً يا باشا عالتوضيح الجميل
اقتباس:
المشاركة الأصلية كتبت بواسطة mmamdouh
الحتة دي حلوة
بجد :b4_388:
انا بحب اوى التشبيهات دى... بتوضح وجهة النظر و الفكرة بشكل هايل
MMamdouh
يعنى ebd يوزع الفرملة على اربع عجلات؟؟؟؟؟
بيوزع قوة الفرملة بين الاربع عجلات للحفاظ على استقامة اتجاه العربية اثناء الفرامل على طرق زلقة
برضة عنصر بيزود جزئية الامان مش قوة الفرامل
MMamdouh