4 تحقيقاتNile Motors بالصوت والصوره(نموذج حي لتخزين السياره)

**PAYOO** · 22-05-2007 08:18 AM

[align=justify:91d13144f1]اليوم وكاميرا Nile Motors تجوب الشوارع بالتحديد في منطقة مدينة نصر عثرنا على سياره مخزنه بطريقه مثلى لا غبار عليها

فصاحب هذه السياره قام بتخزين السياره ورفعها كما قال الكتاب المتخصص في الأمور الفنيه

فالسياره مرفوعه عن الأرض على بلتات حديديه (حصان أو احصنه) وموضوعه في الأماكن الأكثر صلابه في شاسيه السياره ومنزوع عن السياره الإطارات ... والطنابير مغلفه بأكياس بلاستيكيه لمنع الصدأ والسياره مغطاه بالكامل بغطاء ضد تسريب الماء والغطاء مربوط بحبل ملفوف حول جسم السياره

كل ذلك إن دل فهو يدل على أن صاحب هذه السياره رجل يدرك معنى كلمة تخزين سياره

وتعالو نتفرج مع بعض على النموذج الذي يـُحتذى به في التخزين[/align:91d13144f1]

[youtube]http://www.youtube.com/watch?v=f9Fjez55pm4[/youtube]

----------------------

هنا سوف نجد ان الغلطه الوحيده التي فعلها صاحب السياره هو نسيان تغطية الطنبوره الاماميه مما جعلها تصدا

يا ترى عجبتك الطريقه دي في التخزين؟

**memo_hefnawy** · 22-05-2007 08:24 AM

تسلم إيدك بجد يا هانى :)

بس كان ناقص الراجل ده إنه يحطها فى جراج بعيد عن عوامل الطبيعه ذى الشمس و الهوا و المطر و طبعا الكلاب و القطط و السيارات الغير صديقة :) إللى مكن تريح عليه أو تخبطه :)

بس بجد جامدها يا هانى .............فعلا دينامو

**sh_masry** · 22-05-2007 09:23 AM

بجد مجهود جبار منك يا بايو انك تصور العربيه كده ...... بس الراجل مغلفها تغليفه وللا كأنها سمكه رنجه و هاتحطها فى التلاجه .....ههههههههههه
و اعتقد انه مانسيش الكيس على التنبوره بس حد من عيال المدارس شاله هههههه

a7'ook
Sherif

**PAYOO** · 22-05-2007 10:02 AM

المشاركة الأصلية كتبت بواسطة memo_hefnawy

بس كان ناقص الراجل ده إنه يحطها فى جراج بعيد عن عوامل الطبيعه ذى الشمس و الهوا و المطر و طبعا الكلاب و القطط و السيارات الغير صديقة :) إللى مكن تريح عليه أو تخبطه :)

ماهو لو عنده جراج ماكنش عمل كده يا محمود

بس إللي عمله ده في حدود الأمكانيات المتاحه يعتبر بجد حاجه ممتازه جدا

بس الراجل مغلفها تغليفه وللا كأنها سمكه رنجه و هاتحطها فى التلاجه .....ههههههههههه
و اعتقد انه مانسيش الكيس على التنبوره بس حد من عيال المدارس شاله هههههه

a7'ook
Sherif

ياعم الحاج أنسى الأكل شويه رنجة ايه وفسيخ أيه بس الراجل عامل حساب الزعابيب والرياح والحراميه

أما بقى الأطفال بتوع مدينة نصر فهم مختلفين عن أطفال عين شمس والمطريه

**sh_masry** · 22-05-2007 10:17 AM

ما هو العنوان يا بايو (نموذج حى لتخزين ..........)
حى يعنى صاحى
و صاحى يعنى بيلعب
و انا اموت فى السمك اللى بيلعب هههههههههههههه

**Abdallah** · 22-05-2007 01:23 PM

هههههههههههههه يا صباح الزفارة يا شريف, تخيل كدة يا مستر هانى وانت بتلف حوالين العربية جه عسكرى صعيدى جفل وقفشك من جفاك واصر انك حرامى وعايز تسرق الكاوتش والعربية وتمشى :D:D

**PAYOO** · 22-05-2007 01:47 PM

المشاركة الأصلية كتبت بواسطة Abdallah

تخيل كدة يا مستر هانى وانت بتلف حوالين العربية جه عسكرى صعيدى جفل وقفشك من جفاك واصر انك حرامى وعايز تسرق الكاوتش والعربية وتمشى :D:D

المصيبه إن كاوتشات العربيه أصلا مش موجوده وأنا راكن عربيتي قريب من العربيه إللي من غير كاوتش يعني التهمه لبساني لبساني ومهما أقوله أني بصور عشان خاطر الناس أعضاء Nile Motors (طبعا مش هايفهم دي) هايتصللي بمسشتفى المجانين

ولما تخيلت موقفي لقيت نفسي واقف مع الناس دي