حكايتى مع نوبرتى النهارده
امبارح وانا بركن عند الشغل وبشد الهاند بريك قطع منى اتعقد من اول اليوم وقولت الحمد لله بسيطه حسبة 50 جنيه وتبقى فل روحت النهارده عند محمد هاشم بين السريات قالى الواير قطع هات واحد جديد سالت عليه عند ابو الحسن قالى 45 ج قولت كويس رخيص المفاجأه هاشم اول لما عرف انه الصينى قال مش شغال فى العربيه دى ليه ياهاشم قالى يا الاصلى يابلاش وطبعا انا عايز البريك ضرورى روحت اجيبه لاقيته 190جنيه بعد الفصال طلع اغلى من طنابير المانى 170ج كان واحد بيشتريها قدامى
بس الحمد لله ركب وبقى فيها بريييك احسن من الفابريكا بكتييييير
وهاشم ظبطلى الفرامل خلها امريكانى ماشاء الله عليه الميكانيكى ده فاهم هو بيعمل ايه بالظبط وشغله نظيف
دا اللى حصل النهارده مع نوبرتى ممكن اكون طولت عليكم شويه
بس حبيت اقولكم الاسعار وافضفض معاكم شويه