حد فاكر أبله فضيله؟
وحواديت أبله فضيله؟
ياااااااااااااااااه.....أنا لغايه دلوقتى مبقدرش أمنع نفسى من الابتسام لما أسمع صوتها أو أغنيه المقدمه بتاعه البرنامج فى الراديو...
وجملتها الشهيره....
حبايبى الحلوين.........شاطريين.....
بالصدفه وانا بدعبس فى منتدى محاورات المصريين لقيت الروابط دى....
Takhzen.com
Takhzen.com
Takhzen.com
Takhzen.com
لتحميل حكايات أبله فضيله.....حوالى 600 ميجا أو أكتر.....
يمكن ناس كتير متعرفش أصلا مين أبله فضيله ..
بس ابله فضيله دى يعنى ذكريات طفوله وصوت بيرجعك لزمان ...
ومرتبط معايا بالفسحه والسندوتشات أو الشندوشات زى ما كنت بسميها وانا صغير ...
وبيفكرنى بعم محمود بتاع التمر هندى وعم هريدى بتاع حمص الشام والست اللى كانت بتقعد قدام المدرسه بدوم وحرنكش ولعب بلاستيك رخيصه كده...
والراجل اللى كان بيبيع العصير الملون ومعاه شفاطه إزاز ملولوه كده طولها بتاع 30 سنتيمتر.....
يلا......أنا قولت يمكن حد يحب يفتكر زمان زى حالاتى......:vctry:
تحياتى