حتى الركنه في الشارع مش هانعرف نركنها حد يدلني اعمل ايه

أنا شغلي في ميدان التحرير وعشان مش بلاقي ركنه بركن في الشارع اللي قدام كازينو النيل السياحي والسايس بياخد جنيه 2 جنيه مش مشكله الدنيا ماشيه وتمام النهارده لقيت شاب لطيف كده جاي بيقولي الباركينج ده بأه تبع المحافظة والإيصالات معايا أهي والركنه ب 5 جنيه ونص ووراني الإيصالات مكتوب عليها حي غرب القاهرة ومختومه والإيصال عليه 5 جنيه ونص انا شاكك بصراحه في الموضوع ممكن يطلع نصبايه ولا فعلا المحافظه عملت كده عامة قلتله انا مش هادفع الا وانا طالع لو فعلا المحافظه عملت كده مش عارف الواحد يروح يركن فين خاصة ان انا صعب اجي من بيتي مواصلات حسيبنا الله ونعم الوكيل في البلد دي لازم نهج من البلد دي ولا نروح فين

مش عارف اقولك ايه بس لو تبع المحافظه المفروض الساعه ب 1 جنيه الايصالات بتكون مكتوب عليها كده بس هم بيخدوا اقل حاجه 3 جنيه

باشا اركن عادى ولا تدفع اى شى ولو حصلت قالوا تعالى نطلع على القسم واعطى لك 5 هناك هتلقى الباشا جرى لان دلوقتى بيطلعوا ورق ويطبعوا اسم الحى كمنفعة للناس مش لقية شغل

شكلها نصباية
جرب وخذ منه مرة واحدة ايصال وروح بيه الحى واسال هناك

ولو اتاكدت انه نصب عرفه انك عرفت الموضوع واديله فى اليوم جنيه واحد بس

غصب عنه حيوافق والا حيخاف انك تقول لكل الناس اللى بتركن

متديلوش حاجة اللا فى القسم عشان لو صح يبقى أنت مضحكش عليك لكن لو نصب يبقى ياخد على قفاه لحد ما يورموهوله

انا لما بنزل التحرير أو وسط البلد بركن ورا دار القضاء العالي بــ جنيه بس مجربتش اركن طول اليوم .

قوللة خد انت ال2 جنية و خللى الوصل معاك... لو وافق يبقى اما نصاب او حرامى

لو موافقش يبقى الموضوع بجد

MMamdouh

ممكن زى ما الاخوه بيقولو نصب واحتيال او اسئل فى قسم الشرطه اللى تابع له المكان

اقتباس:

---

المشاركة الأصلية كتبت بواسطة omaroof

ممكن زى ما الاخوه بيقولو نصب واحتيال او اسئل فى قسم الشرطه اللى تابع له المكان

---

اقسام الشرطة ممكن ما تعرفش .. اما لو عايز تتأكد اسأل فى الحى .. بس مافيش حاجة اسمها باركينج برسوم فى شارع بيمر فيه عربيات .. لكن ممكن يحطوا مكن اللى بالكارت زى اللى فى وسط البلد ... ثانيا حتى لو الشارع مقفول يبقى لازم يكون قى يافطة مكتوب عليها انه ساحة انتظار و عليها الاسعار .. لو انا مكانك تروح تركن انت و كام واحد من اصحابك و لما الواد ده يجى تسحبوه من قفاه هو و الايصالات على القسم و اللى معاك حايكونوا شهود .. بس اهم حاجة انه مايرميش الايصالات فى الطريق علشان يبقى متلبس .. و ده حايكون عمل خير انك تخلص الشارع من نصاب ممكن ينصب على حد مايعرفش القوانين

لا حول ولا قوة إلا بالله هذا هو المتوقع خلال السنين القادمة عدم وجود مكان للركن

يعني يا شباب فكركم ما ادفعش انا بفكر اقله وريني بطاقتك او وريني ورقه من الحي الغربيه انه بيعمل الكلام ده وفي أمناء وظباط واقفين وما حدش قاله حاجه مش عارف بأه ايه النظام

اقتباس:

---

المشاركة الأصلية كتبت بواسطة zalabany

يعني يا شباب فكركم ما ادفعش انا بفكر اقله وريني بطاقتك او وريني ورقه من الحي الغربيه انه بيعمل الكلام ده وفي أمناء وظباط واقفين وما حدش قاله حاجه مش عارف بأه ايه النظام

---

+11111111111111111111111111111111

موضوع الركن اصبح مشكله عويصه ومعقده في مصر وما لهاش حل يعني ولا مواصلات محترمه ولا مكان لعربيتك بجد شيء متعب وممل انك ممكن تلف نص ساعه علشان تلا قي مكان وبا لنسبه لموضوع السايس اظن انه حقيقي ما يقدرش في وسط البلد وفي ميدان التحرير انه يضرب وصل اكيد الحي اجر لهم المكان واهو ينكدو علي النا س شويه ويقرفوهم

تقول له وريني بطاقتك والكارنيه وتاخد البيانات وبعد كده تتأكد بالإيصال من الحي
وعموما عندك جراج تبع المحافظة أمام موقف السوبر جيت القديم في عبد المنعم رياض تحت الكوبري

اعتقد داة نصاب في نفس الشيء ادام قاعة المؤتمرات قالي 3 جنية واداني وصل ادينو 1.5 جنية وقلتلو خليلك الوصل قالي شكرا يا باشا ومشي

الخوف بس إنك لو إديته وش خشب
ممكن يعملك حاجة فى عربيتك و إنت فى الشغل (لقدر الله)
يكسرلك فانوس يريحلك العجل كله يكسرلك إزاز حجات كتير
أنا قولت أقوقلك عشان تاخد حذرك أنت فى مصر لو مش فاكر
و إثبت بأه لو تعرف

انت بتقول انك بتركن كل يوم يعنى حرام كل يوم تحس انه بينصب عليك ولو مش بينصب حرام كل يوم 5.5 عشان تركن فانت انزل على الحى وشوف الموضوع ايه وهناك يمكن تقع فحد يعملك كارنيه لو الموضوع بجد ولو بينصب مش هيتساب لانك عرفت اما بالنسبة للامناء اللى جنبه فممكن يكونوا ميعرفوش او عارفين وعادى خليها على الله ولما تتاكد من الموضوع قول وانا اول واحد هروح اركن هناك عشان اشوفه لسه شغال زى ما هو ولا رجع لعقله:_Alshmokh08[1]:

اقتباس:

---

المشاركة الأصلية كتبت بواسطة shouk_1987

الخوف بس إنك لو إديته وش خشب
ممكن يعملك حاجة فى عربيتك و إنت فى الشغل (لقدر الله)
يكسرلك فانوس يريحلك العجل كله يكسرلك إزاز حجات كتير
أنا قولت أقوقلك عشان تاخد حذرك أنت فى مصر لو مش فاكر
و إثبت بأه لو تعرف

---

لو عمل كدا يبقى اخونا يروح تانى القسم ومعاه بيانات الولد ده ويعمل ضده محضر تخريب ويوديه فى داهيه

ياريت تتأكد فعلا يا باشا من الموضوع دة وتقولنا
وبجد حرام ان الواحد يدفع كل يوم 5.50 فى الركنة
دة مرتب تانى خاااااااااااااااالص

عملو كده عند عمارات العبور وواضح انهم فشلو بس الناس لسه موجودين كل كام يوم الاقيه وانا مروح اديله جنيه ولا حاجة بس مابينطقش ونسو موضوع الايصالات والركنة بالساعة والكلام الفاضى ده. بيشتغلو على الناس اللى بتيجى الظهر وبتركن صف تانى وتالت

اة انت بتركن الناحية النانية من فندق سميراميس على فكرة انا لسة مديلة جنية النهاردة .موضوع الوصل دة مضروب يا باشا انا مرة ركنت فى ميدان الجيزة وواحد جابلى وصل مكتوب علية 2 جنية اديتهملو وبعد شوية لقيتة فى الدقى بيعمل نفس الحركة . فسيبك من موضوع الوصولات دية عشان دول بقو محترفين نصب احترافى يعنى

كله بينصب علي كله
يبقي انت اكيد اكيد في مصر
وسلم لي عالمترو