وحده رفع زجاج للوجان

**aimangorg** · 05-05-2010 10:17 AM

ياترى ممكن تركيب وحده رفع زجاج فى التوكيل وده هايكون فى لعب فى الدفيره وياترى التكلفه هاتكون كام
ولو عاملتها بره ياترى ده هايخرجنى من الضمان

**bishoy02010** · 05-05-2010 03:09 PM

مينفعش فى التوكيل ولو عملتها بره ومحصلش منها مشاكل فعادى لكن لو سببت مشاكل فالضفيره هيا اللى هتخرج من الضمان

**nomercy22** · 06-05-2010 01:54 AM

هو فعلا ماينفعش في التوكيل

**aimangorg** · 06-05-2010 02:11 PM

والنصيحه اعملها بره ولا بلاش من اصله ولو حد عملها ياريت يحكلنا عن تجربته

**hragheb007** · 22-03-2014 04:34 PM

لسه ما حدش ركب وحدات الرفع؟

**elsokily** · 23-03-2014 09:30 AM

انا ركبت وحده رفع ل 2 زجاج أمامى فى اللوجان و الموضوع بسيط بس أكيد لو لسه فى الضمان التوكيل حيتلكك لو لا قدر الله حصلت حاجه فى كهرباء العربيه و الموضوع سهل بس محتاج كهربائى بيفهم و يكون بيشتغل ف الرينو و ما تسترخصش فى ماكينه وحده الرفع فى نوع اسمه كوبرا ده كويس بحوالى 80 جنيه عشان انا ركبت نوع ارخص شويه عمل 50 و مصنعيه 40 بس احتاجت ازود عليه ماكينه قلب سنتر لوك ب 25 لتجميع الاشاره و بقالو 6 شهور بدون مشاكل فى ما عدا كام مره الزجاج بيطلع لوحده بس ده بيحصل مع ناس كتير ف عربيات تانيه.

**hragheb007** · 24-03-2014 09:49 AM

المشاركة الأصلية كتبت بواسطة elsokily

انا ركبت وحده رفع ل 2 زجاج أمامى فى اللوجان و الموضوع بسيط بس أكيد لو لسه فى الضمان التوكيل حيتلكك لو لا قدر الله حصلت حاجه فى كهرباء العربيه و الموضوع سهل بس محتاج كهربائى بيفهم و يكون بيشتغل ف الرينو و ما تسترخصش فى ماكينه وحده الرفع فى نوع اسمه كوبرا ده كويس بحوالى 80 جنيه عشان انا ركبت نوع ارخص شويه عمل 50 و مصنعيه 40 بس احتاجت ازود عليه ماكينه قلب سنتر لوك ب 25 لتجميع الاشاره و بقالو 6 شهور بدون مشاكل فى ما عدا كام مره الزجاج بيطلع لوحده بس ده بيحصل مع ناس كتير ف عربيات تانيه.

أنا جبت وحدتين ولف ثمنهم 90 جم و روحت أركبهم فعلا الكهربائي قالي لازم قلب (قربة) سنتر لوك أو إنذار ، و جبت إنذار فعلاً سيمفوني بـ 170 جم و ده حلو لأنه بيشتغل على ريموت العربية الأصلي ، و الراجل عمل توصيلات الإنذار و توصيلات وحدات الرفع من عند زراير زجاج التابلوه و مفاتيح الزجاج الخلفي ، الإنذار إشتغل بس للأسف الوحدتين بعد كده إشتغلوا بشكل متقطع

إتأكدنا إن الوحدات سليمة و إن الموضوع في إن كل وحدة زجاج ليها كارت خاص بيها موجود في الباب و لازم نفك فرش الباب و نوصل السلك من جوا كل باب ، و لسه ما عملناش كده ، عاوز أعرف هل كده صح أو ده المطلوب لتركيب وحدات الرف في اللوجان ؟؟؟

**elsokily** · 24-03-2014 10:58 AM

المشاركة الأصلية كتبت بواسطة hragheb007

أنا جبت وحدتين ولف ثمنهم 90 جم و روحت أركبهم فعلا الكهربائي قالي لازم قلب (قربة) سنتر لوك أو إنذار ، و جبت إنذار فعلاً سيمفوني بـ 170 جم و ده حلو لأنه بيشتغل على ريموت العربية الأصلي ، و الراجل عمل توصيلات الإنذار و توصيلات وحدات الرفع من عند زراير زجاج التابلوه و مفاتيح الزجاج الخلفي ، الإنذار إشتغل بس للأسف الوحدتين بعد كده إشتغلوا بشكل متقطع

إتأكدنا إن الوحدات سليمة و إن الموضوع في إن كل وحدة زجاج ليها كارت خاص بيها موجود في الباب و لازم نفك فرش الباب و نوصل السلك من جوا كل باب ، و لسه ما عملناش كده ، عاوز أعرف هل كده صح أو ده المطلوب لتركيب وحدات الرف في اللوجان ؟؟؟

هو أنا عندى 2 زجاج امامى بس و معنديش ريموت بس محصلش موضوع فك فرش كل باب ده كل الموضوع انه بيدور على طرف سلك ياخد منه اشاره و اللى عمله انه جرب كل الاسلاك اللى داخله للبابين الاماميين بدون فك لحد ماوصل لسلك اخد منه اشاره

**hragheb007** · 24-03-2014 05:51 PM

المشاركة الأصلية كتبت بواسطة elsokily

هو أنا عندى 2 زجاج امامى بس و معنديش ريموت بس محصلش موضوع فك فرش كل باب ده كل الموضوع انه بيدور على طرف سلك ياخد منه اشاره و اللى عمله انه جرب كل الاسلاك اللى داخله للبابين الاماميين بدون فك لحد ماوصل لسلك اخد منه اشاره

ماهو فعلا ده اللي عمله ووصل للإشارة بس اشتغلت الوحدات بضكل متقطع، وهل كهرباء زجاج الفول اوبشن مختلفه خاصة انهم أربعة زجاج؟

**hragheb007** · 25-03-2014 12:54 AM

تم بحمد الله تركيب وحدات الرفع للاربع زجاج و جهاز الانذار و كله يعمل بكفاءة، للعلم وحدات ولف الموجوده في السوق حاليا معظمها ضعيف و انا ركبت نوع تايواني اسم مستورده غريب ghareb و شغال زي الفل ما شاء الله و لا قوة إلا بالله

الموضوع: وحده رفع زجاج للوجان

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة زجاج الابواب الامامية للوجان فى المطبات

وحده رفع زجاج كيا سبورتاج

وحده رفع زجاج

سؤال عن زجاج الكهربائى للوجان

وحده رفع زجاج 131 او ريجاتا

الكلمات الدلالية لهذا الموضوع

المفضلات

المفضلات

ضوابط المشاركة