زغرطي ياللي مانتيش غرمانه
أنا والله يا جماعه في قمة السعاده
النهارده ولأول مره من ساعة ما إتولدت أشوف ظبوطه موقف واحده وبيشوف رخصهه والله كنت هطير من الفرحه
والست كانت هتنزل تنط في كرشه بس يا خساره الفرحه ما تمتش :stink[1]:
أنا من كتر الفرحه مقدرتش أمسك نفسي وأنا معدي من جنبه عملتله علمة الجوده إنه ميه ميه :vctry: ولإن الطريق بطيء سألني وده معناه إيه بأه؟
قولتله أصلي أول مره أشوف حد موقف واحده فضحك أ,ي وقالي لأ واللي هتشوفه زياده إني هوقفك إنت كمان وشاف الرخص وكله كان تمام والحمد لله وفي الأخر نغص عليه وقالي إمشي يا خفيف وطبعاً مقدرتش أقوله تلت التلاته كام لإن القفه في خدمة الشرطه