الموضوع: كروز ولا سيراتو

المشاركة الأصلية كتبت بواسطة ahmedchevrolet

1-الشكل الخارجى

العربيتين جمال بس برده الموضوع اذواق السيراتو شكلها يوحى بالقوة و السرعة اما الكروز فهو شكل هجومى فوانيس الكروز الامامية احسن لان تصميمها هجومى ايضا الفوانيس كبيرة مما يعطى مجال رؤية احسن للسائق الكروز فوانيسها الخلفية اجمل قريبة اللى حد ما من فوانيس السيفيك السيراتو الفوانيس الخلفيه تشبه فوانيس الالنترا الى حد ما

زى ما انت قلت هى اذواق وبصراحه الاتنين حلوين جدا وان كنت اميل للكروز بنسبه صغيره

2-ناقل الحركة

الفتيس فى الكروز 6 سرعات مقابل 4 للسيراتو ممايعنى تجميع سرعات افضل وراحة للموتور و توفير استهلاك البنزين لصالح الكروز

الفتيس متطور اكتر فى الكروز

الفتيس ال 6 سرعات نقطه فى صالح الكروز ولكن فتيس السيراتو برضه مش وحش

3-قوة الصاج

طبعا العربيتين ساجهم قوى يعنى مش زى الفيرنا مثلا انما نعرف منين مين اقوى

الكروز واخدة 5 نجوم فى اختبارات السلامة الاوروبية و بذلك فهى كقوة صاج تعادل الفولكس و البى ام و المرسيدس

!

Euro NCAP - For safer cars | Chevrolet Cruze

السيراتو ملقتليهاش اختبار عالنت بس الكارينز اختها واخدة 4 نجوم فى اختبارات السلامة الاوروبية و كان فيه اعضاء هنا بيقولو ان السيراتو واخدة 4 نجوم

Euro NCAP - For safer cars | Kia Carens

اذن فالكروز صاجها اقوى من السيراتو

http://www.nilemotors.net/Nile/106909-_-10-a.html (كـــــروز ^_^ السياره الأكثر أمانا فى فئتها ومن أأمن 10 سيارات فى استراليا :))

مينفعش نحسب امان السيراتو بالكارينز لازم العربيه نفسها تختبر

بس عموما الكروز فعلا 5 نجوم والسيراتو لسه مختبروهاش

وفى اختبارات استراليا الكروز 5 نجوم والسيراتو 4 نجوم

يعنى برضه دى نقطه فى صالح الكروز

4-التسارع و قوة الموتور

الكروز 107 حصان صافى بينما السيراتو 124 حصان

مع عدم ثقتى فى الارقام الكورية

السيراتو احسن من الكروز كتسارع و مع ذلك فان الكروز ليست بطيئة فمعدل تسارعها

من 0 : 100 = 12.4 ثانية

دى اكيد تكسب فيها السيراتو من غير كلام

الكروز المانيوال من 0 - 100 فى 12 ثانيه والاوتوماتيك فى 13.5 ثانيه

5-الثبات و هذا عن تجربة شخصية للعربيتين

السيراتو ثابتة و متماسكة لغاية ال120 بعد كده الثبات بيقل نسبيا و بعد ال150 بيقل جدا غير ان صوت الموتور بيعلى جدا انا عن نفسى كنت قلقان جدا من صوت الموتور العالى بطريقة مزعجة بس طمنت نفسى ان العربية فيها ايرباج

الكروز ثباتها ليه حكاية معايا هى عربيةواحد قريبى وانا اللى سايق وراجعين من عالكورنيش الساعة 3 الصبح والطريق فاضى لقيت المرسيدس اس كلاس فقولت اشد معاه انا طبيعتى فالسواقة انى ببص قدامى مش عالعداد المهم الازاز مقفول واتفجات انى ماشى عال180
طبعا انا مبحبش السرعات العالية فرحت مقلل السرعة على مراحل

بس اللى عجبنى ان العربية ثابتة جدا يعنى عال180 كانها عال100
و طبعا عزل الصوت ممتاز

اذن الكروز اكثر ثباتا من السيراتو

دى محتاجه تجربه شخصيه على سرعات عاليه وانا مجربتش بصراحه

بس نظريا ممكن تبقى الكروز اثبت بنسبه بسيطه

6-الشكل الداخلى (الطابلوه)

السيراتو



الكروز



الكروز فى رايى الطابلوه بتاعها شبابى و متناسق اكتر

اذواق برضه

7-صندوق الامتعة (الشنطة)

الكروز450 لتر مقابل 415 ليتر للسيراتو



الكروز شنطتها اكبر من السيراتو

تمام

8-العربية بتنافس مين

السيراتو بتنافس الالنترا

الكروز بتنافس التويوتا كورولا و جنرال موتورز منزلاها اساسا عشان تضرب مبيعات الكورول


ملحوظة الكروز اعلى فئة ب150 الف والكورولا اعلى فئة ب160 الف معا العلم ان الكورولا تزيد مثبت سرعة و فوانيس زينون وفيها 9 ابرباج يعنى ال10 تلاف جنيه زيادة عشان فرق ا الكماليات مش اللى يقولك الكروز بتنافس الالنترا!!!!!

موضوع المنافسه دا مش مظبوط

لان اسعار الكروز فى مصر استهبال

فى كوريا السيراتو اعلى فئه Sli اغلى من الكروز اعلى فئه CDX

9- مشاكل العربيتين مفيهمش عيوب صناعة بس ظهر مشكلات فردية

السيراتو فى اتنين هنا من المنتدى عاملين مواضيع ان العربية اتقلبت بيهم

http://www.nilemotors.net/Nile/138708-a.html (لكل اللي بيفكر يشتري كيا..بعض العيوب المتكررة واسبابها واصلاحها)

http://www.nilemotors.net/Nile/109619-a.html (للأسف... احذروا من النيوسيراتو...!!!!)

http://www.nilemotors.net/Nile/145301-a-4.html (باركولى)

الكروز فى واحد بيقول ان العربية بتبطا منه

http://www.nilemotors.net/Nile/141086-a.html (الـ كروز بتبطل !!!!!)

اعتقد فى العربيتين عيوب فردية يعنى ممكن تطلع عربية من كل الف عربية فيها مشكلة

اى عربيه ممكن يبقى ليها مشاكل فرديه وانا شخصيا عندى ثقه فى العربيتين



ـــــــــــــــــــــــــ ـــــــــــــــــــ


فى 3 نقط تانيين انت مذكرتهاش ومهمه جدا فى حسم المقارنه

1 - السعر :

السيراتو طبعا تكسب

السيراتو اوتوماتيك تبدا ب 103 الكروز 121

الهاى لاين ب 126 والكروز ب 150

الاوبشنز :

برضه السيراتو تكسب

3 - التوكيل وفترة الضمان :

السيراتو برضه تكسسب توكيل سمعته افضل وضمان 5 سنين او 100 الف كم

المشاركة الأصلية كتبت بواسطة ghazy12

تم التعديل يا باشا, و شكراا على تصحيح المعلومه يا صديقي العزيز...

دايما معايا على خط يا حسام بك...

تقبل تحياتي يا باشا :))

العفو ياكبير :)