الموضوع: كروز ولا سيراتو

فيه نقطتين عايز اقولهم العربية لو كانت نزلت فى 2008 ب 160 الف و 170 الف كانت الناس اشترتها

ثانيا العربية ديه لو بنفس اسعار السيراتو يعنى بتبتدى من 96 الف كان زمان مافيش عربية بتتباع فمصر غيرها

بردو ايه علاقة الجينسس بالسيفيك...!!!! دي فئه و دي فئه تانيه خالص, و مايتقارنوش ببعض ابدا!!!

انت فاهم موضوع الفئات و التصنيف غلط تماما يا باشا... و الموضوع مش مواتير ولا شكل!!!

أنا فهمتك في ردي اللي فات المقارنه بتكون قائمه على اساس ايه... و قيس على ده اي عربيه

لكن كده مقارناتك كلها مش مظبوطه, و مش متزنه اطلاقا...!!!

انت مفهمتنيش ياباشا انا كنت برد لما حضرتك قلت ان الناس بتقول ان اليابانى احسن من الكورى لا انا قلت كده كمثال ان فيه سيارات كورى احسن من بعض السيارات اليابانى

انما حضرتك فهمت انى حاطط السيفيك و الجينيسيس ففئة واحدة لا طبعا انا كنت برد عنقطة معينة و حضرتك فهمت حاجة تانية
انا ما ظلمتهاش أبدا..!!! و بالنسبه لجودة الخامات و غيره, فأنا انصفت الكروز فيه و قلته و اديتها حقها
و كمان اديتها حقها في حاجات تانيه انت ماذكرتهاش...

يبقى ازاي ظالم الكروز..؟؟؟؟

تمام انا برده كان قصدى لما حضرتك اديت الاتنين 6 على 10

شكراا ليك بردو على ردك الهادي, و اسلوبك الراقي في الحوار...
ياريت يبقى سلوك الجميع انه يتحاور بهدوء و بموضوعية

1) دة رأيك و إنت حر فيه بس فيه ناس كتير أوي شايفة غير كدة

2) كلامك بيدل على عدم فهم للعلاقات بين عدد لفات الموتور و الفتيس و السحب

6 سرعات بيدي توفير أكتر للوقود و لكن في المقابل الفتيس ال-4 سرعات بيتميز بتجميع أحسن على السرعات العالية

3) كلامك بيدل على عدم فهم لطبيعة إختبارات السلامة لدرجة انك اختزلتها في قوة الصاج فقط لا غير

على فكرة ال-cerato مش حيتم اختبارها في EURO NCAP لإنها مش بتتسوق أصلاً في أوروبا

العربية بتتسوق في أمريكا و تم اختبارها فعلاً في إختبارات السلامة الأمريكية NHTSA NCAP

العربية أدت أداء محترم و حصلت على 5 نجوم من خمسة في إختبار التصادم الأمامي
أما إختبار التصادم الجانبي فحصلت برضه على 5 نجوم من خمسة بالنسبة للركاب الأماميين و 3 نجوم من خمسة بالنسبة للركاب الخلفيين

http://www.nilemotors.net/Nile/110636-ncap.html


حاجة كمان في كل إختبارات السلامة المحترمة من المعايير إلي تضيف نقاط لتقييم سلامة أي عربية تجهيزات الأمان

بمعنى لو العربية إلي بيختبروها مثلاً مش مجهزة ب-ESC كتجهيز أساسي بتخسر نقاط على طول و العكس صحيح لو فيه تجهيزات سلامة إضافية حتى لو حاجة بسيطة ذي SEATBELT REMINDER لراكب واحد ولا اتنين بتاخد نقاط زيادة

في إختبارات ANCAP ال-cerato إلي تم اختبارها افتقدت ESC كتجهيز أساسي و كان فيها SEATBELT REMINDER للسائق فقط و كمان ال-cruze إلي تم اختبارها في ال-euro NCAP كان ESC تجهيز أساسي فيها و فيها SEATBELT REMINDER للراكبين الأماميين

يبقى قبل مانيجي نقول العربية دي أأمن من دي نقرا كويس الأول كدة و نفهم على أساس إيه دي واخدة 5 نجوم و دي أخدت 4

قولي بقى ال-cruze إلي من عند عمو منصور فيها ESC ال-air bags في أنهي فئة و بكام

4) في فتية مصرية أصيلة بخصوص القدرة الحصانية لمواتير العربيات

مفيش حاجة اسمها 107 حصان net و 124 حصان gross

القدر الحصانية لأي موتور عربية يقاس بحاجة اسمها Dynamometer

إلي بيتكتب دة خرج الموتور نتيجة رسم منحنى العزم مع تحميل الموتور ب-loads مختلفة عند عدد لفات معينة

بص اللنك دة

http://www.howstuffworks.com/horsepower1.htm

إذن كلامك غلط


5) دة رأيك الشخصي بردو و ناس كتير مش حتوافك على كدة

6) دة رأيك الشخصي و دي أذواق

7) كلام مظبوط

8) أنا مش فاهم حاجة يعني إيه ينفع نقارن كروز بالكورولا و ماينفعش نقارنها بالإلنترا

بص لم تجي تقارن بين عربيات أولاً تعرف هي passenger car ولا SUV ولا إيه بالظبط يبقى نقارن بين العربيات إلي من نفس فئة الركوب

و بعد كدة نقارن العربيات بناءً على ال-size يعني دي mid-size car دي compact size car كدة و بعد كدة السعة اللترية

9) معظم الناس إلي بتدخل تهاجم ال-cerato مجرد كلام منقول و كلو كلام في الهوا إلى من رحم ربي

دة غير واحد راح إشترى cerato خليجي من معرض من غير ضمان و بعد ما أخد العربية على طول لقى كلها مشاكل و أصوات و بدل مكان جرب العربية قبل ما يشتيريها أو ياخدها و يرجع للمعرض إلي جبها منو لأ دخل هنا يشتم في العربية

طب العربية ذنبها إيه إنت إلي اضحك عليك

10) دور تاني بالراحة

11) إنت مكلمتش على السعر

12) إنت متكلمتش عن التوكيل

13) إنت متكلمتش عن options


أخيراً محدش قال إن ال-cerato أحسن من الباسات أو من الفنتازيا بس الحقيقة إن ال-cerato هي أحسن قيمة مقابل السعر

و بعدين إنت زعلان ليه كل واحد حر يشوف عربيته ذي ما هو عايز
بس أنا لي سؤال

حضرت لسة عمل عضوية إنهردة في المنتدى لحقت تقرا كل الموضيع إلي في المنتدى إلي حضرتك حاطت لنقتها دي امتى؟؟؟؟؟

و أول موضوع ليك داخل شمال كدة على طول في ال-cerato

ولا هو إنت عندك عضوية تانية قديمة و لم حبيت تهاجم ال-cerato عملت الجديدة ؟؟؟

يلا قول ماتخافش

1) دة رأيك و إنت حر فيه بس فيه ناس كتير أوي شايفة غير كدة

الحياة وجهات نظر

قولي بقى ال-cruze إلي من عند عمو منصور فيها ESC ال-air bags في أنهي فئة و بكام
انا متاكد ان فيها 4 عجلات!!!

2) كلامك بيدل على عدم فهم للعلاقات بين عدد لفات الموتور و الفتيس و السحب

يا باشا انت بس اللى بتفهم دى حقيقة!!!!!!!

6 سرعات بيدي توفير أكتر للوقود و لكن في المقابل الفتيس ال-4 سرعات بيتميز بتجميع أحسن على السرعات العالية

هههههه يعنى الفتيس الاربع سرعات تجميعه احسن من ال6 و ال7 سرعات ملحوظة الباسات الاوتو بتجيب ال 100 ف
10.5 ثانية والسيراتو فى 11.7 برده الاوتو


3) كلامك بيدل على عدم فهم لطبيعة إختبارات السلامة لدرجة انك اختزلتها في قوة الصاج فقط لا غير

على فكرة ال-cerato مش حيتم اختبارها في EURO NCAP لإنها مش بتتسوق أصلاً في أوروبا

والله الاوروبيين دول نلس بتفهم!!!
العربية بتتسوق في أمريكا و تم اختبارها فعلاً في إختبارات السلامة الأمريكية NHTSA NCAP

العربية أدت أداء محترم و حصلت على 5 نجوم من خمسة في إختبار التصادم الأمامي
أما إختبار التصادم الجانبي فحصلت برضه على 5 نجوم من خمسة بالنسبة للركاب الأماميين و 3 نجوم من خمسة بالنسبة للركاب الخلفيين
كويس العربيةادت اداء محترم فى الاختبار

4) في فتية مصرية أصيلة بخصوص القدرة الحصانية لمواتير العربيات

مفيش حاجة اسمها 107 حصان net و 124 حصان gross

القدر الحصانية لأي موتور عربية يقاس بحاجة اسمها Dynamometer

إلي بيتكتب دة خرج الموتور نتيجة رسم منحنى العزم مع تحميل الموتور ب-loads مختلفة عند عدد لفات معينة

بص اللنك دة

HowStuffWorks "Measuring Horsepower"

إذن كلامك غلط

انا مش هجادل حضرتك فى كلام هندسى لانى مش مهندس ده اولا

ثانيا يا باشا انت دايما اللى صح وكل الناس غلط ده شى معروف عالميا!!!!!!


5) دة رأيك الشخصي بردو و ناس كتير مش حتوافك على كدة

6) دة رأيك الشخصي و دي أذواق

7) كلام مظبوط

تمتم الحياة وجهات نظر و لولا اختلفت الاذواق لبارت السلع

8) أنا مش فاهم حاجة يعني إيه ينفع نقارن كروز بالكورولا و ماينفعش نقارنها بالإلنترا

يا باشا حتى لو قارنتها بالفيرنا او الماروتى ديه حريتك الشخصية وانا معنديش مشكلة

بص لم تجي تقارن بين عربيات أولاً تعرف هي passenger car ولا SUV ولا إيه بالظبط يبقى نقارن بين العربيات إلي من نفس فئة الركوب

و بعد كدة نقارن العربيات بناءً على ال-size يعني دي mid-size car دي compact size car كدة و بعد كدة السعة اللترية

طيب مانا قارنت عربيات بنفس الحجم و نفس السعة اللترية و نفس فئة الركوب

السيراتو والكروز انا ماقرنتش مثلا الكروز بالديهاتسو تيريوس او بالدودج شارجر

9) معظم الناس إلي بتدخل تهاجم ال-cerato مجرد كلام منقول و كلو كلام في الهوا إلى من رحم ربي

دة غير واحد راح إشترى cerato خليجي من معرض من غير ضمان و بعد ما أخد العربية على طول لقى كلها مشاكل و أصوات و بدل مكان جرب العربية قبل ما يشتيريها أو ياخدها و يرجع للمعرض إلي جبها منو لأ دخل هنا يشتم في العربية

طب العربية ذنبها إيه إنت إلي اضحك عليك

طيب ايه التحيز ده اشمعنى انت مصدق موضوع الكروز منوال اللى بتبطل و مش مصدق السيراتو اللى اتقلبت وهى على سرعة 60 و السيراتو اللى كلها اصوات

11) إنت مكلمتش على السعر

السيراتو ليها زبونها والكروز ايضا

يعنى لو واحد معاه 103 الف و عايز يشترى عربية اوتو مقدموش غير السيراتو والالنترا

12) إنت متكلمتش عن التوكيل
ده بناء على التجربة الشخصية يعنى لو واحد عنده مشكلة مع توكيل محمد نصير او محمد منصور اكيد هيشتم فالتوكيل

انما لو بيروح يعمل الصيانة الدورية بس و مطلعلوش مشاكل فالعربية اكيد هيمدح فالتوكيل
13) إنت متكلمتش عن options

انا مبقارنش كماليات انا بقارن اساسيات
أخيراً محدش قال إن ال-cerato أحسن من الباسات أو من الفنتازيا بس الحقيقة إن ال-cerato هي أحسن قيمة مقابل السعر
اكيد


ولا هو إنت عندك عضوية تانية قديمة و لم حبيت تهاجم ال-cerato عملت الجديدة ؟؟؟

يلا قول ماتخافش
اه عشان ميسحبوش الرخص بتاعة العضوية القديمة!!!!!!!1
ملحوظة صغيرة انا مبيهمنيش حد