مطاردة الشرطة لهذه السيارة وسائقها المتهور الجبان تعتبر مخاطرة.وكان المفروض ان يتوقف فورا عن المطاردة....ويتصل بالكمين او السيارة المتحركة اللى بعده لتعترضة بدون مخاطر كبيرة....التسرع والمخاطرة فى حدود....
عرض للطباعة
مطاردة الشرطة لهذه السيارة وسائقها المتهور الجبان تعتبر مخاطرة.وكان المفروض ان يتوقف فورا عن المطاردة....ويتصل بالكمين او السيارة المتحركة اللى بعده لتعترضة بدون مخاطر كبيرة....التسرع والمخاطرة فى حدود....
هوا لازم يطاردوه ما يمكن عامل مصيبة و ان شاء الله يكونوا جابوه و بيتعشى فى الفندق عندهم دلوقتى
ده واجبهم اصلا , و بعدين هما عملوا غرامة كسر الكمين ليه !
ما لو مطاردوش الهارب مش هيبقي فى غرامة .
مرة كنا بنتفرج على مطاردة من اولها لاخرها و كانت شيقة جدا .:)
سائق ميكروباص كسر كيمن غمرة و هرب , فى ثانية كان ظابطين راكبين الموتوسيكلات الطيارة بتاعتهم دى و جابوه قبل ما يجيب التالت حتى , السواق خبطهم و كان هيقلبهم طلعوا وراه عربيتين اوكتافيا و عربية بوكس من عندنا فى قسم الظاهر كانوا ماسكينه قبل ميدان العباسية مع وجود تلفيات فى عربيات الشرطة .
الحته ديه جامده اوووي ههههههههههههههههههاقتباس:
العسكري واضح انه مفهمش أو مش متعود على حاجة زي دي (و انا كمان الصراحة)...فا بصله ببلاهة و ضحك....قام الرائد قاله إجري بسرعة...و بالفعل ركب
اول مره اعرف ان المطاردات مسموح بيها في مصر !!!
في دول كتيير منعاها ,, تقريبا عشان بتكون مخاطرها اكتر , خصوصا لما بتكون الشوارع زي بتاعتنا كده
أحب أقول بس إن الظابط أنا متأكد إنه مجريش وراه حفاظا على الأمن وكلام الجرايد ده
ده جري وراه لانه متغاظ منه و عايز يبهدله ويجيب كرامته في الأرض للجراة اللي اتجرأها على سيادته في اللجنة وهروبه منه
رد شرف وكرامة مش أكتر !!
وطبعا لو مسكه اخينا ده مش هيشوف النور كويس بعد كده
تأكيداً للموقف...
من 15 دقيقة بالظبط على الدائري من المعادي إتجاه القطامية...و قبل بنزينة إمارات مصر ب حوالي 500 متر...
عربية شرطة ماهيندرا سكوربيو (أول مرة أشوفها و شكلها جامد)...و موتوسيكل طيارة من بتوع الشرطة مشغلين السرينة...و محاوطين عربية ربع نقل محملة عمال برضو...لحد ما خلوه يركن على جنب...و نزلوا له...و الغريبة ان سواق الربع نقل نازل يزعق فيهم :)...غالباً من الخوف و الخضة
يبقى الموقف ده ينفي كون ان الظابط في الموقف اللي فات إتحرك علشان كرامته :)
و أكيد أكيد الماهيندرا الشرطة دي أخدت بتار أختها اللي إتباست في رفرفها أول إمبارح :)
ساعات بشوف حاجات زي كدة بالليل بس بيبقي سببها غالبا ان اللي سايق مش معاة رخصة فا يخاف ويطلع يجري بدون أي تفكير
ويمكن دة اللي حصل لسواق النقل انة مفكرش اصلا وجري من الخوف