بيقولوا نغـــلى البنـــزييــن وصادراتنا فاقت ال12 مليـار$$$$

**memo_hefnawy** · 22-05-2007 08:33 AM

السويس- أكد المهندس سامح فهمى، وزير البترول، أن قطاع البترول من أكبر القطاعات المصدرة فى مصر، متوقعا أن تصل صادراته إلى 12 مليار دولار خلال العام القادم، كما أن الانتاج سيصل إلى 81 مليون طن مكافىء من الزيت الخام والغاز الطبيعى، حيث أنه يبلغ حاليا 71 مليون طن.

وقال فهمى، فى كلمته التى ألقاها خلال حضوره المؤتمر العمالى الذى أقيم الأثنين بنادى شركة النصر للبترول بمحافظة السويس، إن قطاع البترول استطاع ان يصل بإحتياطى الغاز الطبيعى الى 5ر69 تريليون قدم مكعب بعد أن كان 26 تريليونا خلال الأعوام الست الماضية.

وأضاف وزير البترول أنه يجرى حاليا إقامة مصنع مصرى ألمانى لإنتاج الطلمبات وآخر مصرى صينى لإنتاج معدات الحفر، مشيرا إلى أن المصنعين سيوفران فرص عمل لأبناء السويس.

وحضر المؤتمر المهندس أحمد أبونازل أمين عام الحزب الوطنى بالمحافظة وإبراهيم أبوهاشم رئيس المجلس الشعبى للمحافظة وأعضاء مجلسى الشعب والشورى والمهندس محمود مفيد رئيس المجموعة الجغرافية بالسويس ورؤساء الشركات البترولية بالمحافظة.

منقــــــــول عن مصراوى :
http://www.masrawy.com/News/2007/Egy...petroluim.aspx
------------------

عشان بس الناس إللى لما نقول حرام يقولوا يا جماعه إحنا معندناش بترول ....البنى آدم إللى إسمه نظيف بيقول إن سعر اللتر البنزبن لازم يوصل ذى سعره فى أوروبا ؟؟؟؟؟؟؟؟؟؟؟

هو أوروبا عندها إنتاج بترول ؟ أنا مشوفتش إن عندهم صادرات نفطية قبل كده ........

بالمناسبة يا جماعه سعر الجنيه الدهب غلى 16 جنيه على الصبح كده و صباحكم قشطة بالعسل الإسود

**أبو عبدالله** · 22-05-2007 01:43 PM

صباح الفل

**sab3aawy** · 22-05-2007 04:50 PM

لو سعر البنزين فى مصر وصل لسعره فى اوروبا يبقى قول على الإقتصاد فى مصر يا رحمن يا رحيم

لما سعر لتر البنزين يوصل 10 جنيه يبقى الناس هتلاقى انه من الأفضل ان بدل ما يروحو شغلهم يقعدوا فى البيت، او يبقى متوسط مرتب الفرد العادى فى مصر 10 ألاف جنيه علشان يكفى 2000 جنيه بنزين فى الشهر، دا طبعا غير ان كيلو الطماطم هابيقى ب20 جنيه علشان هايتحمل عليه 15 جنيه نقل، وقس على ذلك كل حاجة فى البلد

اوروبا إيه بس اللى بيتكلموا عليها

وبعدين لتر البنزين فى أوروبا 80% من سعره ضرايب ، يعنى شركة البترول بتبيعه بما يقابل 2 جنيه وبتكسب فيه، والحكومة بتاخد عليه ما يقابل 8 جنيه ضرايب فى مقابل انها بتوفر طرق زى الحرير وخدمة مرورية مافيهاش غلطة واسعاف على كل الطرق وشبكة مواصلات محترمة وآدمية تقدر تستعملها فى المدن الكبيرة بديلا عن السيارات تظل فى نفس الوقت محتفظ بأدميتك وكرامتك

لما تبقى عندنا حلول بديلة لا يهدر فيها كرامة الإنسان الذى تراق آدميته على اسفلت الطريق اذا فكر يركب مواصلة عامة نبقى نتكلم على سعر البنزين فى اوروبا

يبقى لو عايزين يخلوه زى أوروبا يبقى أخره اتنين جنيه، بدون ولا قرش زيادة، علما بان كدة هايبقوا كسبانين فيه وكسبانين كويس كمان

ولما تبقى عندنا حلول بديلة لا تهدر فيها كرامة الإنسان الذى تراق آدميته على اسفلت الطريق اذا فكر يركب مواصلة عامة نبقى نتكلم على سعر البنزين فى اوروبا

**memo_hefnawy** · 22-05-2007 05:02 PM

معاك و مش معاك يا أبو السباع :)

مش معاك فى نقطة إنه من الأساس مش ينفع أبدا مهما كانت الظروف إن سعره يبقى ذى أوروبا لأن :

1- إحنا دولة منتجة للبترول (أوروبا لأ)
2- إحنا متوسط الدخل عندنا مايجيبش ربع أفقر متوسط دخل أفقر دوله فى أوروبا
----------------------------
مش هاقول أكثر عشان محدش يورم دوول كفاية أوى

**PRO-DRIVE** · 22-05-2007 05:08 PM

هات لى دوله منتجة للبترول سعرة فيها زى مصر :( غير كدة جييب مستوى الدخل هنا زيهم و جيب نفس شبكة المواصلات و جيب مفس تنظيم المرور بعدين يبقى يتكلم على سعر البنزين