السلام عليكم ، بدور على عربية عشان مراتي وهي عايزة عربية تكون صغيرة، فالإختيار حالياً بين السوزوكي السيلاريو Full Options Manual والكيا بيكانتو منوال بردو
فياريت تشاركوني بأراكم مع ذكر السبب
عرض للطباعة
السلام عليكم ، بدور على عربية عشان مراتي وهي عايزة عربية تكون صغيرة، فالإختيار حالياً بين السوزوكي السيلاريو Full Options Manual والكيا بيكانتو منوال بردو
فياريت تشاركوني بأراكم مع ذكر السبب
والله لو مرات حضرتك لسه جديده في السواقه يبقى توكل على الله وهات البيكانتو على اساس انها منتشره جدا عن السيلاريو الى انا عن نفسي مشوفتهاش ولا مره لغايه دلوقتى في الشارع ..... فا طبعا ما ادراك وسواقت الستات فا هتلائيها كل يوم راجعالك بحاجه شكل فى العربيه مره فانوس ومره اكصدام ومره شبكه .... ربنا يحفظلك زوجتك طبعا من كل سوء بس هي دى الحقيقه المره فى سواقت الستات
فا مع الوضع ده طبعا البيكانتو افضل لانها زي ما قولتلك منتشره وقطع غيارها موجوده في كل حته واسعارها معقوله .
وربنا يوفقك
شكراً جزيلاً على الرد ، هي فعلاً وجهة نظر سليمه ١٠٠٪ ، اللي بس مخليني متردد إن البيكانتو مفيهاش أي عوامل أمان مقابل السيلاريو بتنزل ب airbags ، و-ABS و-EBD
انا فعلا محتار بين الاتنين دلوقتى
طيب هى السيلاريو يابانى ولا هندى؟؟
اعتقد انها لو يابانى هاتكون أفضل بالرغم من انها ارخص من البيكانتو.
و كمان البيكانتو ضمانها 5 سنين او 100000 كيلو بس ماعرفش السيلاريو ضمانها ايه؟
ياريت حد يفيدنى.
البيكانتو افضل بس العفشة ناشفة شوية
بصراحة أنا عن نفسي ميال للسيلاريو لسببين:
1. عوامل الأمان
2. عربية ياباني ( تقفيل مش تصنيع هندي)، والياباني ياباني
والسوزوكي عموما معروف أنه حمار شغل
كمان شكلها أحلى من البيكانتو في رأي ، وبتنزل بجنوط أسبور
غير أن موتورها أقوى من البيكانتو واستهلاكه في البنزين قليل جدا
يعيبها من وجهة نظري الشنطة الصغيره ، ودي لصالح الصالون الداخلي
عموما خد فكره من الموضوع ده:
http://www.nilemotors.net/Nile/152444-a.html
صحيح
نسيت أقول كمان إن المواصفات اللي بتنزل بيها خليجي
يعني مش متقلبه
والله الاتنين قريبين جدن من بعد في الفوارق استخير ربنا وتوكل على الله والاتنين كويسين مفيهومش مشاكل ان شاء الله
بجد السيلاريو تكسب من وجهة نظرى ماعدا فى كام حاجة فى مقابل حاجات كتير جدا
انا رايى لانوس عربية منها سيدان وصغيرة مش كبيرة وتقريبا الزيرو بتاعها دلوقتى ب 63 الف
الاسباب
1-عربية طبعا كويسة و معقولة فكل حاجة يعنى باور ناعم ثبات كويس لغاية ال 100
2- الشنطة حضرتك لازم هتحتاجها سواق لو رايح كارفور او لو مسافر
3-طبعا سعراعادة بيع ممتاز
انما لو هاتش باك يبقىانصح حضرتك بالفيات بونتو او البيكانتو
عشان السوزوكى اولا مش منتشرة يعنى هتتعبك كقطع غيار وصيانة و اعادة ييع
ثانيا انا كنت قريت ان طلع فيها عيب وسحبوها مالاسواق