لأ أنا مش قصدي ال ron ومقابله من aki وغيره أنا قصدي إن البنزين اللي عندنا ron 95 هو في الاساس ron 89.7 مش 95 ده تحليل معمل مرسيدس مصر على حسب ماسمعت !!
عرض للطباعة
طيب يا استاذ ايفو ممكن تقولنا نجيب النفتلين دا منين ونعرف المصري من المستورد ازاي لاني بصراحه متقنع بكلامك ما لم يثبت العكس
متااااااااااابع
انا جربت النفتالين جبت كيس شفاف كدا بجنيه وفيه كور بيضه مش مكتوب عليه اي حاجه بس طالما بجنيه يبقا اكيد البلدي انا بصراحه حطيت 4 كور في التنانك اللي كان فيه 10 لتر وبعدين حطيت عليه 10 لتر كمان يعني بتاع 20 لتر في التانك انطباعي انه فيه فرق واكيد مش وهمي لان السحب بقا احسن شويه الاستهلاك مع الحرق برده بقا احسن شويه بس فيه سؤال محيرني لما حطيت ال 4 كور حسيت ان فيه حاجه وقفتهم زي مصطفى كدا يا ترى 10 لتر كفايه يدوبو ال 4 كور ولا الكور لسه موجوده في المصطفى ومفيش مصطفى والكور وقعت في البنزين يا ريت حد يفدني
متابع الموضوع
النافتالين ماهو إلا صورة من صور البنزين بس في حالة صلبة وبالتالي بيحصله تبخر أو علميا تسامي
الكور المحجوزه في المصفى مع الوقت هتتبخر في البنزين .
احنا لما بنحط في التانك بنحط على فل تانك و بنرج العربية كام مرة علشان نتأكد انهم دابو تماما
بس أنا أحب أقول حاجة قلتها قبل كده كذا مرة أنا عرضت تجربة ونجحت معانا مش معاني كده إنه بقول للناس تعملها .
واللي يعملها ميتوقعش إنه هيجيب من 0-100 في 4 ثواني مثلا لكن الأداء بـيكون أحسن والموتور هيحس بيه أقوى ودي بالذات بتكون باينة قوي حتى والعربية واقفة مكانها .
انا فولت لتانى مرة و حطيت 3 كور بصراحه العربيه فايقه جدا و شكرا يا ليفو للمعلومه الجامده د ى
الافضل ان انت تدوبهم فى اى كمية من البنزين برة (فى جركن مثلا) وبعد مايدوبوا ادلق الكمية دى فى التانك.....بس بردو ياريت نتأكد من حكاية تآكل الموتور
و لو مافيش اى اثار جانبية على الموتور ,ياريت الناس ماتحطش اكتر من كرتين بس لأننا مانعرفش تأثيرهم الصحى على الناس ايه....
مش عشان نفوق العربية يبقى ندمر الموتور ونسرطن الناس....
اهم حاجة حكاية الغازات المسرطنة دى...الموتور لو باظ ممكن يتغير اما حياة الانسان هى واحدة بس مابتتغيرش
ومن فضلكم محدش يهاجم قبل مايتأكد علميا من حد متحصص (مع فائق احترامى وتقديرى لآراء حضراتكم)ان مافيش اى اضرار منه
تخيلوا لو انتشرت الحكاية دى بين فئات الشعب الغير مثقفة من سواقين ميكروباصات وتاكسيات وتكاتك وتريلات..وطلعت فى الاخر بتسرطن لا قدر الله...شوفوا بقى الكارثة دى هاتتلم ازاى
انا باتكلم بصراحة وبجدية مطلقة وحيادية وياريت محدش يزعل من كلامى
واسف على الاطالة
ياريت بس الموضوع دة مننشروش و يبقى مقتصر على اعضاء المنتدى بس :) عشان لو اتعرف السر دة النفتالين هيغلى و مش هيبقى لية فايدة بقى بعد كدة :)