عايز أشتري موبايل و محتــار بين Nokia E63 وSamsung B5310 CorbyPRO؟

**AymanPt** · 05-05-2010 05:37 PM

السلام عليكم ورحمه الله وبركاته أخواني بمنتدانا الغالي نايل موتورز

بصراحة انا محتار حيرة شديدة في شراء موبايل جديد بعد ان توفي موبايلي القديم Nokia 6111 من كام يوم بس بعد خدمة شاقة لـ 4 سنين ,, حاليا شغال بـ Nokia 3310 اللي معايا بقاله 8 سنين تقريبا (عمر برضه :) )

دلوقتي انا محتار موبايل ممتاز عشان تصفح النت و يدعم الـ Wifi , و يكون معاه كيبورد , و شاشته ممتــازة (أحبذ شاشته تكون 16 مليون لون) و صوته حلو , سريع , وبيدعم ملفات الأوفيس من وورد و باوربوينت و أكسل و PDF , يشيل ذاكرة كبيــرة .

مش فارق معايا الكاميرا او الملتي ميديا عموما او التاتش

الميزانية 1500 جنية .

أستقريت علي Nokia E63 و ده بـ 1325- 1350 جنية
و Samsung B5310 CorbyPRO و ده بـ 1450 جنية

المنافسة بينهم شرسة جدا , لدرجة اني محتار بجد بينهم .

ما رأيكم أساتذتي الأفاضل ,, ترشحولي اي واحد منهم ؟

بأنتظاركم و جزاكم الله كل خيـــر

**أبو صلاح** · 05-05-2010 05:38 PM

عن تجربة بجد
بلاش ال e63 والله موبايل ملوش اي لازمة غير في الوايرلس والشاشة الكبيرة والزراير الكتيرة
ما دون ذلك فهو اقل من المستوى

**Xander2010_Evo** · 05-05-2010 05:46 PM

لو مكانك
هاختار نوكياe63
شاشة كبيرة زراير معقولة
Wirelessجامد
بالذات تظهر ميزته ف التصفح
كفاية إنه بينزلوopera mobile browser
ده بجانب التطبيقات المرطرطة ليه ع النت
ده إلي هاجيبو الخطة الجاية
إن شاء الله
أنا بكلم حضرتك دلوقتي من إن 81
بالوايرلس =))

**أبو صلاح** · 05-05-2010 05:53 PM

المشاركة الأصلية كتبت بواسطة أبو صلاح

عن تجربة بجد
بلاش ال e63 والله موبايل ملوش اي لازمة غير في الوايرلس والشاشة الكبيرة والزراير الكتيرة
ما دون ذلك فهو اقل من المستوى

وعلى فكرة كاميرا في الضياااااااااااااااااع
انا الموضوع ده كان خانقني جدا

**mando_07** · 05-05-2010 05:57 PM

طب ليه مفكرتيش في samsung monte جامد جدا وفيه كل اللي أنتي عايزاه وشكله شيك اوي وملحقش ينتشر

**shouk_1987** · 05-05-2010 06:00 PM

يص هو ال corby أقوى من ال e63 خش على gsmarena.com و قارن بنفسك بس لو إنت ملكش فى البرامج و القصة ديه أو عامل حسابك أنك مش هتعرف تبيع ال corby يبقى هاته و توكل على الله الأول

**AymanPt** · 05-05-2010 06:20 PM

انا شايف ان معظم الأراء تنصحني بالبعد عن الـ E63

انا من النوع اللي مش بحب أبيع و أشتري موبايلات كتيــر ,, بشتغل بالموبايل لحد لما يطلع عينه , و بعد كده أشتري واحد غيره..

المشاركة الأصلية كتبت بواسطة mando_07

طب ليه مفكرتيش في samsung monte جامد جدا وفيه كل اللي أنتي عايزاه وشكله شيك اوي وملحقش ينتشر

الـ Samsung monte كله تاتش و مش بيدعم شلة برامج الأوفيس ,, وبيني و بينك مش بحب التاتش أبدأ إلا في نظاق ضيق جدا , و محتاج حاجة فيها كيبورد أفضل ..

بأنتظار المزيد من أرائكم أخواني و جزاكم الله كل خيـر ..

**DR/WAFEK** · 05-05-2010 07:42 PM

رائى الشخصى لو عايز نت يبقى تدور على شاشه كبيره قبل ما تدور على الكيبورد انا معايا 5800 ممتاز فى النت بالاضافه للجى بى اس
YouTube - 5800 internet

**AymanPt** · 05-05-2010 09:59 PM

بارك الله فيك أخي asdcat39 ..

انا محتاج الكيبورد بشدة لآني بكتب أيميلات و بستخدم الوورد بكثرة ,,
والموبايل كان هيساعدني كتيــر في الموضوع ده .

أتوكل علي الله يا شباب و أشتري السامسونج ؟

**ABDULLAH AHMED** · 06-05-2010 12:04 AM

E71 افضل بمراحل من e63 من ناحية الشكل والحجم والصوت ومش عارف ايه ,,,,
قصدي لو عجبك e63 فانا برشحلك ال e71

وليه ما تفكرش في السوني في حاجات كتييييير في 1500 واقل روح كده موبايل شوب او اي محل وشوف الموبايلات قدامك وجرب براحتك