الموضوع: الكروز نزلت مصر خليجى (أيه رأيكم)

المشاركة الأصلية كتبت بواسطة amribrahim

زي مانتو شايفين من الصورة إن ال-1600 بتنزل بس في سوريا و كمان الأردن بس واللينك ده من gm arabia و اخترت الكويت زي مانتو شايفين اللينك بادي ب-kw

فعلا هو دا اللى انا اعرفه ان ال 1600 فى سوريا والاردن فقط

المشاركة الأصلية كتبت بواسطة aly_hosny

طب مش كاتبين مصر ليه

مش مكتوب مصر عشان تقريبا الموقع دا خاص بالدول العربيه اللى فى اسيا والله اعلم

المشاركة الأصلية كتبت بواسطة tamer2020

أيه يا وحش نايل موتورز
مافيش وحش يتبرع ويروح يشوف ايه الحكايه ويجبلنا الخبر اليقين
أنا لولا ان انا فى شرم ولمده شهر -نظرا لظروف العمل- كنت روحت وقلبت العربيه
وعرفت كل حاجه عنها. ولا أنتوا شايفين ان الموضوع ما يستاهلش.

الموضوع طبعا يستاهل ياباشا

لو قدرت ممكن اروح النهارده او بكره

بس اللى مش مشجعنى عدة اسباب

اولا حسب معلوماتى مفيش خليجى 1600

مفيش جنوط سبور 15

فخايف اروح واتصدم

الاقيها هى هى بتاعت منصور بس مركبلها جنوط سبور من عنده وبيشتغلنا ويقول كويتى

لان لو كانت الكروز نزلت خليجى فعلا كانت الدنيا اتقلبت اعلانات فى الجرايد وكل التجار الكبار جابوها

عموما ربنا يسهل

مش قولتلكم حاسس انها اشتغاله

اتصلت بالراجل تانى وسألته على العنوان بالظبط وسألته بيقفل الساعه كام

قاللى انت عايز انهى عربيه الفضى ولا النبيتى عشان اظبطهالك

قولتله لأ انا مش عايز ولا دى ولا دى انا عايز اتفرج على العربيه وبعدين تجيبلى اللون اللى انا عايزه

قاللى ماشى ياباشا مفيش مشكله بس العربيه مش معروضه عندى دلوقتى انا عارضها فى معرض تانى فى الحى السابع , عموما تعالى واروح معاك المعرض التانى تتفرج عليها ولما توصل عباس العقاد كلمنى عشان اوصفلك بالظبط

قولتله تمام

روحت عباس العقاد

اتصل بالراجل

مقفول !!

جربت كذا مره برضه مقفول

حاولت اوصل للعنوان محدش عارف شارع عبد العزيز عيسى دا فين

شوفت اللى حصلى ياعم تامر , حسابك معايا لما تيجى من شرم :):):)