رابطة حائزى الفلوينس

**moh_gawad** · 21-07-2011 11:50 PM

أنا مش خبير أوى لأن العربيه من 15 يوم بس معايا لكن أنا لاحظت أن النتشه مش موجودة إلا عند الضغط بشدة على السيارة kick down أما فى العادى فهى مش موجودة وكمان ذكر السادة الزملاء الأكثر خبرة أن موضوع النتشه بيختفى بعد أول 3000 كم

**moh_gawad** · 22-07-2011 12:26 AM

سؤال بعد إذنكم
فيه حاجه متثبته جنب البطاريه وواصله تحت الموتور يا ترى حد يعرف دى إيه؟

**hic** · 22-07-2011 09:20 AM

المشاركة الأصلية كتبت بواسطة moh_gawad

ألف مبروك عليك ربنا يديك خيرها ويكفيك شرها إن شاء الله
أنا ما جبتش المثلث أو الشنطه

الله يبارك فيك

**hic** · 22-07-2011 09:28 AM

المشاركة الأصلية كتبت بواسطة zangry

انا بعد اذنكم عندى سؤال انا معايا ميجان وعايز اغيرها وبفكر اجيب الفلوينس بس سمعت ان فى نتش فى الفتيس بين الاول والتانى هل الكلام ده مظبوط؟؟

انا عندى النتشه دى بس هى بسيطه جدا و مش حاططها فى دماغى خالص وواضح كده ان كل الفليونس كده و الله اعلم
بس هى العربيه بسم الله ما شاء الله يعنى امبارح سرحت شويه لقيت نفسى على 130 و مش حاسس اصلا مع العلم انى لسه فى التلين و كان rpm على 3 بس انا حاسس ان موضوع النتشه دى ح تختفى مع الوقت او ع الاقل الواحد يتعايش معاها على كده خصوصا و انها مش مؤثره فى اى حاجه

**hic** · 22-07-2011 09:31 AM

المشاركة الأصلية كتبت بواسطة moh_gawad

سؤال بعد إذنكم
فيه حاجه متثبته جنب البطاريه وواصله تحت الموتور يا ترى حد يعرف دى إيه؟

نصيحه ليك و خصوصا فى العربيه دى انك اصلا ما تفتحش الكابوت خالص و خصوصا فى فترة الضمان

**hic** · 22-07-2011 09:38 AM

المشاركة الأصلية كتبت بواسطة elegance

انا لسة راجعة من التوكيل

بصراحة ناس ذواق و منظمين جدا

و انا بسلمهم العربية قولتلهم انا عندي شغل و مش هينفع اتاخر و قلتلهم دي صيانة 5000 و ان شاء الله ميكونش فيها حاجة. كانت الساعة 10 صباحا

الساعة 11 صبحا كنت مستلمة العربية ميت فل

و كمان اهم حاجة متنسوش تختموا كاتلوج الصيانة اللي موجود في التلبوة و مدفعتش و لا مليم

الف شكر على النصيحه و الف مبروك على الصيانه و عقبال ال 100 الف على خير ان شاء الله

**Elegance** · 22-07-2011 11:38 AM

المشاركة الأصلية كتبت بواسطة hic

الحمد لله رخصت العربيه النهارده فى مرور طوسون و خلصت الساعه 10:30 بس للاسف ركبوا النمر القديمه علشان الكمبيوتر عطلان و كمان عطونى تصريح 3 شهور بدل من الرخصه
التكاليف لمدة 3 سنين
1- 325 جنيه تامين
2- 200 جنيه طفايه 2 كيلو
3- 650 مصاريف ترخيص 3 سنين
4- 50 جنيه خطاط و تركيب النمر
5- 70 جنيه تقريبا تمن المثلث العاكس و شنطة الاسعافات
يارب ما اكونش نسيت حاجه

مبروك عليك

ربنا يديك خيرها و يكفيك شرها

**bukla** · 22-07-2011 11:59 AM

المشاركة الأصلية كتبت بواسطة mazher_m

سؤال ؟؟؟؟؟؟؟؟؟؟؟؟؟

ممكن يجي يوم من الايام يكون اخلاق الناس كلها نفس الاخلاق والاحترام وحب الخير اللي موجود في الرابطه دي
شكرا يا بكلا لانك ادتني انا علي الاقل الاحساس ده .
واسف لخروجي في المشاركه عن الموضوع الاصلي .:copy of majd(4):

اشكرك على كلامك اللى بيدل على تمتعك بنفس الاخلاق العالية و حب الخير اللى بتتكلم عليهم
و صدقنى الدنيا لسة بخير و الحمد الله انا ربنا جمعنا هنا فى المنتدى الرائع دة اللى بيتميز غالبية اعضائة بحب مساعدة الناس لوجة الله و بدون اى مقابل
جزاك الله كل خير

**bukla** · 22-07-2011 06:55 PM

السلام عليكم
بما اني قريت تعليقات كتيير لييك وقررت أشتري الفلوانس من شكر الناس فيها فأنا عايز أسالك كام سؤال أصلي استلمت العربية النهاردة
- هي أول فئة أتوماتيك بيجي معاها مفتاحيين ريموت وبس؟
- هل في صيانة عند الألف ولا 5000 علطول؟
- موضوع ظبت الكاوتش أنا روحت للراجل في البنزينة ٌولتلو اعملي اللي قدام علي 35 و ورا علي 29 زي الالكاتالوج قلي هوا كولو 28 علشان الدنيا حر. أسمع كلامو ولا اية؟
- هل في الأستلام فية شنطة عدة ولا بس الكوريك والمفتاح وقطعة القطر ؟"

ألف شكر لييك
اللى فاتت دى مشاركة من الاخ الفاضل </B>obad_83هو عضو معانا فى المنتدى و باعت استفساراتة ليا على الخاص حبيت انقلها هنا علشان استفادة الجميع
و الاجابة على استفساراتة كالاتى
- هي أول فئة أتوماتيك بيجي معاها مفتاحيين ريموت وبس؟
صح
- هل في صيانة عند الألف ولا 5000 علطول؟
مافيش صيانة عند الاف و حتى ال 5000 دى اختيارى يعنى لو ظروفك ما سمحتش انك تروح و الحمد الله ماعندكش اى شكوى من العربية ممكن تروح على ال 10000 علطول و دى الصيانة الاجبارية علشان الضمان و كمان الكشف على العربية و تغيير الزيت
- موضوع ظبت الكاوتش أنا روحت للراجل في البنزينة ٌولتلو اعملي اللي قدام علي 35 و ورا علي 29 زي الالكاتالوج قلي هوا كولو 28 علشان الدنيا حر. أسمع كلامو ولا اية؟
لأ طبعا ما تسمعش كلامة و اسمع كلام الناس اللى صنعو العربية و اضبط الهواء فى الكاوتش داخل البلد 32 امامى و 29 خلفى اما على طرق السفر بس بيبقى 35 امامى و 32 خلفى
- هل في الأستلام فية شنطة عدة ولا بس الكوريك والمفتاح وقطعة القطر ؟
لأ ما فيش شنطة عدة بيبقى زى ما انت قولت كويك و مفتاح عجل و قطعة القطر و لو فئة اعلى بتزيد صواميل الاستبن و بعض المعارض بتدى دواسات
الف مبروك مرة ثانية و مرحبا بيك فى الرابطة و لو عندك اى استفسار فى اى وقت اطرحة و لو انا مش موجود علشان اجاوبك كل الاخوة هنا ما شاء الله بيحبوا يساعدوا كل الناس و عندهم معلومات مميزة و كافية
ربنا يبارك ليكم و فيكم جميعا