الموضوع: رابطة حائزى الفلوينس

المشاركة الأصلية كتبت بواسطة gasco

ياجماعة ممكن حد يقول اخبار التكيف بتاع الفلوانس ايه و كمان اقصى سرعة للسيارة كام مع تقيم الثبات

بالنسبة للتكييف ممكن يقييم على انه جيد جدا، (لو انت راكب يابانى هتعرف معنى كلمة ثلاجه) لكن على كل حال تكييف الفلونس بيسقع العربية وكمان عشان أتوماتيك بيوصل درجة الحرارة للدرجة المطلوبة

أما اقصى سرعة فأنا وصلت مرة واحده فقط لـ160 وبدون إى مشاكل فى الثبات وبدخل ملفات على 140 بمنتهى السهوله الحمد لله

المشاركة الأصلية كتبت بواسطة bukla

ايوة فاكر كان 3.5 و انا فعلا كنت قافل الشباك و بسمع الراديو و ماكانش فية اى اصوات ثانية خالص (لا هوى و لا موتور) و يمكن دة اللى خلانى ما احسش بسرعة العربية

مقارنة بالهوندا سيفيك 2009 هتلاقى حوالى 0.5 فرق لصالح الهوندا فى الـrpm على السرعات من 100 وانت طالع

الف مبروووك يارجاله علي الاستلام والترخيص
وربنا يباركلوكو فيها

المشاركة الأصلية كتبت بواسطة bukla

انهاردة يا جماعة فى الجو الولعة دة شغلت التكييف و انا راجع من الشغل و مع ان العربية كانت راكنة فى الشمس من الصبح لحد الساعة 4 لما نزلت لكن بسم الله ما شاء الله العربية فى خلال 5 دقائق بقت كويسة و بعدها بخمس دقائق اخرى التكييف بقى ثلاجة
ربنا يحفظنا جميعا

المشاركة الأصلية كتبت بواسطة bukla

بالنسبة للتكييف انا علقت علية امبارح فى التعليق التالى
اما اقصى سرعة دى فصعب الواحد يعملها ولسة العربية جديدة متهيألى قلبة ما يجيبوش لكن انا حقولك على تجربة حصلت معايا
طبعا زى ما فى التوكيل نصحونى انا ملتزم ما اعليش ال rbm بتاع العربية عن 3.5 اول 1500 كيلو و كمان ما بزودش السرعة عن 90 لكن و انا ماشى على الدائرى امبارح الصبح كان الطريق فاضى على غير العادة سرحت للحظات و لما رجعت ركزت مع الطريق لانى لمحت عربية نقل كبيرة بمقطورة مدية اشارة فقولت ابعد عنة فجت عينى على العداد فوجئت ان ماشى على 130 و كمان داخل على 140 الغريبة ان بسم الله ما شاء الله ما حسيتش خالص بان العربية مسرعة مع ان كان فية ملف فى الطريق انا عارف انى عديتة لكن مش فاكرة خالص لأن من الواضح انى خدتة و انا سرحان

المشاركة الأصلية كتبت بواسطة bukla

ايوة فاكر كان 3.5 و انا فعلا كنت قافل الشباك و بسمع الراديو و ماكانش فية اى اصوات ثانية خالص (لا هوى و لا موتور) و يمكن دة اللى خلانى ما احسش بسرعة العربية

الله يطمنّك يا Bukla ....... ربنا يباركلك فيها ان شاء الله

السلام عليكم:
عايز أعرف أزاى استلم العربية(يعنى اشوف ايه وشغل ايه وكده)
وكمان ايه الاوراق اللى محتاج استلمها من المعرض (علشان انا بستلم من معرض مش من التوكيل)
وشكرا
ويارب استلم علشان انا خلاص

المشاركة الأصلية كتبت بواسطة bukla

وعليكم السلام ورحمة الله وبركاتة
شوف يا سيدى اهم حاجة فى استلام العربية
1- تتأكد ان ما فيهاش حكات فى اى حتة يعنى تراجع عليها كويس من كل الجوانب
2 تتأكد من وجود الاستبن (مقاس اصغر و مش جنط علشان ما تتخضش) و الكوريك و مفتاح العجل و طقم مسامير علشان الاستبن مش زى الجنوط و القاطرة (قطعة معدنية علشان لو حابب تقطر حد او لاقدر الله محتاج تتقطر) و حافظة انيقة فيها الكاتالوجات و الصيانة و طفاية السجائر (قطعة منفصلة على شكل كوباية بغطى) و ولاعة السجائر و الايريال
3- المفروض ان يكون حد فى المعرض فاهم فى العربية علشان يشرحلك كيفية تشغيل الكاسيت و يديك الكود بتاعة و يديك فكرة سريعة عن العربية, هيا العربية مش معقدة قوى يعنى انت ممكن تعرف كل حاجة بعدين عن طريق قراءة الكاتالوج و التجربة بس لازم يدولك فكرة اولية عن الاساسيات زى الفتيس و الكارت وكيفية التعامل معهم
4- الاوراق عبارة عن عقد البيع من المعرض ليك باسمك فية رقم الشاسية و رقم الموتور و لو باقى الورق جاهز بعض المعارض المحترمة بتديلك شهادة البيانات و البعض الاخر بيديلك صورة من الاقرار الجمركى اللى فية رقم الشاسية و الموتور بتاع عربيتك و انت بتروح تطلع شهادة البيانات من المرور اللى المعرض تبعة
يارب ماكونش نسيت حاجة و يكتبلك السلامة و تستلم على خير فى اقرب وقت ان شاء الله

هيه القطعه المعدنيه دي بتكون فين عاش تقريبا مش عندي ؟