كل الحاجات دي موجودة من اول ال e3
ازاى مشوفتش الموديل بتاعك قبل ما تجيبه
عرض للطباعة
الستائر منفصلة فعلا عن الباب؟؟
مساء الخير علي كل اللي موجودين
بصراحه موضوع مفيد جدا جدا في التقييم للعربيه الجميله دي
و بصراحه كده عايز استشاره من كل اهل الخبره في عالم الفلوانس
انا ناوي إن شاء الله اشتري زيرو و بصراحه كده محتار جدا العربيه دي عجباني و بلاقي فيها كل اللي انا عايزه لكن مشكلتي ان استهلاكي كتير تقريبا بعمل 1000 كيلو في الاسبوع و كنت راكب فكترا c و قبلها بيجو 406 و معظم استهلاكي سفر فيه نقط معينه تهمني اوي اوي لو تقدروا تفيدوني بيها ابقا شاكر ليكم لانها هي اللي هاتحسم القرار بالنسبه لي
1- مدي ثبات العربيه علي الطرق لان معظم مشاويري سفر مع العلم انا مش هواة تقفيل عداد و الكلام دا بمشي 120 او 130 لما يعني افجر اوي اوصل لل 140
2- اعتمادية العربيه و قطع غيارها يعني تحس انها عربيه شغل و لا عربيه دلع مع اني عارف الفرنساوي مش بتوع دلع
3- التوكيل ظروفه ايه ؟ الامانه و سرعة الاستجابه للمشاكل يعني فاهميين العربيه كويس و لا لأ
4- اخيرا انا اللي في دماغي يا فلوانس يا اما امبريزا و في اخر الحسابات بيجو 308sw ومش حاططها في الاخر علشان عيب فيها بس هي حجمها اكبر من اللي انا بافضله وخصوصا اني دائما سفري لوحدي و حتي جوا البلد علشان الواحد يلاقي ركنه و دخول في شوارع ضيقه مشكله
طولت عليكم واسف جدا جدا بس بجد محتاج كل النصائح منكم لاني عايز إن شاء الله الاسبوع الجاي انفذ
يا جماعه في حد أرجوكم يعرف معرض يبيع العربيه E3s renault fluence facelift باقل من 178
و هل حد عنده فكره لو هندفع 160 و يتبقي 18 أقساط بيكون النظام عامل ازاي رجاءا و شكرا
دمتم للخير
بالنسبة للفلوانس 2014
1- ثبات العربيه على السرعات اللي انت كاتبها دي وهم انا كنت مسافر على 140 وكنت حاسس اني واقف من نعومة العربيه وكمان اخدت ملفات بسرعة عاليه جدا بدون ي شعور بالخوف.
2- دي يفيدك فيها الملاك القدام.
3-أنضف توكيل في مصر فعلا eim انا كان معايا لوجان وباظ فيها طلمبة المياه وهي في الضمان روحت التوكيل اتكلمت مع المهندس في صوت صفارة بسيط اوي
قالي اتفضل في الاستراحه
بعد ساعتين اداني المفتاح وريبورت عن اللي غيره بدون اي نقاش او جدال
غيرو طلمبة المياه وسير الكاتينه وسير الدينامو وغير السيور لان لو فك حاجة مش بيركبها تاني حتى لو سليمه
4- انا حابب الفلوانس ولازم تركبهم وتحم بنفسك
ربنا يوفقك
الف شكر ليك يا باشمهندس علي معلوماتك القيمه وتعبك
السياره ممتازه فى الثبات و نعومه الاداء والسحب على السرعات المتوسطه والعاليه و مريحه جدا سواء للسائق او الراكب بالخلف فهى سياره سفر بامتياز و التوكيل ممتاز اما الاعتماديه فلم نسمع عن مشاكل من الاخوه الملاك القدامى منذ 2010 يبقى تكلفه الاصلاح عند الخروج من الضمان خاصه ان معظم اصلاحها يكون فى التوكيل وهى النقطه التى ستحدد بشكل كبير حصه هذه السيارا فى السوق المصريه فى السنوات القادمه
سؤالى للساده الاعضاء هل يمكن تركيب جهاز انذار خارج التوكيل بدون فقد الضمان و كم سعره بالتوكيل
وهل يمكن تركيب كاميرا لاسلكيه او حساس للركن من خارج التوكيل بدون فقد الضمان؟
حد هنا عنده الفيس ليفت الفئه اللي فيها زينون؟ عايز اعرف الزينون عالي وواطي ولا واطي بس؟
وكمان عايز اعرف تعتيم المرايات موجود في المرايه الداخليه بس ولا الخارجيه بس ولا كله؟
وهل فيه سخان في المرايات الخارجيه للشبوره؟
شكرا مقدما.