رابطة حائزى الفلوينس

**essam10** · 22-12-2015 02:22 PM

المشاركة الأصلية كتبت بواسطة bukla

الف مبروك
ربنا يرزقك خيرها و يكفيك شرها ان شاء الله

متشكر جدا لحضرتك

**Ahmed Okeel** · 24-12-2015 06:40 AM

أخبارك.نت | هل نقول وداعا رينو فلوانس !؟ هل فعلا الكلام ده صح و لو طلع صح المفروض نشترى الفلوانس و لا لاء ارجو الافاده لانى عايز اشترى فلوانس

**karim_mohamed** · 24-12-2015 11:17 AM

السلام عليكم
انا كنت عايز اشتري الفلوانس بس في اكتر من حاجة مخوفاني من رينو , اولا سمعتها اللي اضمرت بسبب عربيات الميجان ومشاكلها , ثانيا الخبر اللي بيقول انها لم يتم انتاجها مرة اخري , ثالثا ودا الاهم الصيانة وقطع الغيار فبرجاء حد يفيدني عن اسعار بعض قطع الغيار مثل ( تييل الفرامل , الفلاتر عموما , المساعدين امامي وخلفي , السيور , وسمعت ان البطارية غالية جداااااا ) برجاء الافادة علشان بجد انا محتار بينها وبين ال اوبل استرا انجوي

شكرا

**Hany Saad** · 24-12-2015 06:49 PM

المشاركة الأصلية كتبت بواسطة ahmed okeel

أخبارك.نت | هل نقول وداعا رينو فلوانس !؟ هل فعلا الكلام ده صح و لو طلع صح المفروض نشترى الفلوانس و لا لاء ارجو الافاده لانى عايز اشترى فلوانس

كلام غير صحيح بالمرة....الخبر ده يخص الفلوانس النسخة الكهربية اللى اسمها fluence ze و دى اللى اتوقف انتجها، الموضوع ملهوش اى علاقة بطراز الفلوانس المتوافر حالياً
تحياتى

**Hany Saad** · 24-12-2015 07:01 PM

المشاركة الأصلية كتبت بواسطة karim_mohamed

السلام عليكم
انا كنت عايز اشتري الفلوانس بس في اكتر من حاجة مخوفاني من رينو , اولا سمعتها اللي اضمرت بسبب عربيات الميجان ومشاكلها , ثانيا الخبر اللي بيقول انها لم يتم انتاجها مرة اخري , ثالثا ودا الاهم الصيانة وقطع الغيار فبرجاء حد يفيدني عن اسعار بعض قطع الغيار مثل ( تييل الفرامل , الفلاتر عموما , المساعدين امامي وخلفي , السيور , وسمعت ان البطارية غالية جداااااا ) برجاء الافادة علشان بجد انا محتار بينها وبين ال اوبل استرا انجوي

شكرا

مفيش اى حاجة تقلق، احنا معانا الفلوانس من ٢٠١٤ و الحمدلله مفيش اى مشكلة ظهرت، طيب ما كورولا عملت الجنوب افريقي و سمعتها ادمرت و قامت تانى بالموديل الجديد و كمان شركة فولكس سمعتها ادمرت بالفتيس الجديد dsg و كتير...فشل موديل لا يعنى فشل شركة
موضوع وقف الانتاج ده خبر ليس له اساس من الصحة، على العكس موديل الميجان الجديد نزل فعلياً و هيكسر الدنيا شكلاً و موضوعاً لانه مطور جداً عن الموديلات السايقة، و موديل فلوانس الجديد هيحصله على اواخر ٢٠١٦
بالنسبة لقطع الغيار، زيها زى اى عربية فى نفس المستوى، و هى ارخص من الاسترا فى قطع الغيار، بطاريتها ٧٢ امبير ساعة تقدر تجيبها اى ماركة كلورايد و لا فارتا و لا نسر...تيل فرامل امامى سعر توكيل حوالى ٧٥٠ جنيه، سيور معدن مش بتتغير، فلتر هوا سعر توكيل حوالى ١٢٠ جنيه مثلاً و التكييف يمكن ١٥٠~ ٢٠٠ جنيه سعر توكيل...ده غير توافر قطع غيار خارج التوكيل و ان كنت لا انصح بها

تحياتى

**Hany Saad** · 25-12-2015 09:59 AM

المشاركة الأصلية كتبت بواسطة karim_mohamed

اولا شكرا علي الاهتمام بالرد وجزاك الله خيرا .. انا بالفعل شوفتها امبارح في معرض وكانت وهمية بصراحة من جوا ومن برا .. بس كنت عايز اجيب اول فئه فيها اللي هيا بحوالي ١٦٠ الف تنصحني بإيه واية الفرق بينها وبين تاني فئه اللي ب ١٧٦ الف حيث ان الفرق كبير

شكرا

تزيد فئة ال ١٧٦ الف عن فئة ال ١٦٠ الف الاتى:
جنوط رياضية 16" - 4 زجاج كهربا لمسة واحدة طلوع و نزول مع خاصية النزول مرة أخرى حالة الأصطدام بعائق - زر أمان أطفال كهربى للنوافذ و الأقفال الخلفية - راديو سى دى + AUX+USB+Bluetooth - 8 سماعات - تكييف هواء أوتوماتيك ديوال زون - مخارج خلفية للتكييف - سمارت كى فتح و غلق السيارة بمجرد الأقتراب و الأبتعاد- نظام START STOP للتشغيل - مسند يد خلفى مزود بحامل أكواب - درج تخزين أمامى بالإضاءة - مخرج كهرباء خلفى - طى المرايات الجانبية كهربائيا مع فتح و غلق تلقائى بمجرد التشغيل و الطفى- اشارات بالمرايات - ستائر بالأبواب الخلفية والزجاج الخلفى - إشارات بالمرايات الجانبية - مصابيح أمامية حساسة للإضاءة - مصابيح ليد أمامية مع خاصية ال DRL- مساحات أمامية حساسة للمطر - تشغيل الأضواء عن بعد - نظام تأخير غلق الإضاءة FOLLOW ME HOME مع اربع تظبيطات- زجاج جانبى و خلفى تظليل خفيف - فرش نصف قماش و نصف جلد - تنجيد ابواب جلد - طارة دريكسيون و فرامل يد جلد مع غرز واسعة - شاشة كاسيت و حرارة الجو فى منتصف التابلوه
قد تختلف الكماليات قليلاً عن المذكور، فبرجاء التأكد
تحياتى

**عمر مصطفي محمد** · 03-01-2016 02:05 PM

السلام عليكم يا جماعة..انا الحمد لله بعد بحث طويل جداً عن عربية مناسبة خاصة في ظل ارتفاع الاسعار كل اسبوع تقريباً رسيت علي الفلوانس والحمد لله استلمت من شهرين والعربية ما شاء الله تحفة في فتيسها وادائها وشكلها والعربية فعلاً فخمة جداً ..انا هعمل صيانة ال 5 الاف الفترة الجاية وقالولي في التوكيل الزيت اللي فيها يتغير علي 10 الاف كيلو ..هل الكلام ده صحيح !! ولا مفروض يتغير قبل كده ولما سألت ممكن اغيره بره قالولي هيخرج العربية من الضمان...ياريت حد يفيدني في الموضوع ده...
حاجة كمان بحس العريبة تقيلة في السحب شوية هل ده طبيعي في الاول وهيتحسن مع تغيير الزيت و ايه انضف نوع زيت مناسب للفلوانس عشان سمعت كلام من الناس في مشاركات ان الزيت اللي في التوكيل غير مناسب للعربية...