إشتريت فلوانس 2014 كسر زيرو عاملة 10 الاف كيلو من جار لي كان نازل بيها من السعودية والعربية ما شاء الله ممتازة
عندي إستفسار من الأساتذة الكرام ملاك الفلوانس
بسم الله
1- حتى الأن انا معرفش الفئة اللى انا اشتريتها يعني مثلا ... سمعت ان بعض الناس بتقول مفيش مفتاح للشنطة من التابلوه في حين اني عندي مفتح في التابلوه للشنطة
2- عندي مثبت ومحدد سرعة في الدريكسيون
3- لا يوجد فتحة سقف والتكييف مش تاتش
4- مفتاح مش كارت
5- تانك البنزين Gasoline 91 - 95 - 98
6- المقابض بلون السيارة وجنوط 16
--------------------------------------------------------
الغريب واللى مزعلني جدا ان كل الفيديوهات اللى شوفتها في شاشة كبيرة بتكون في التابلوه مرة تكون في حدود 6 بوصة وفي عربيات تانية بتكون حاجة كده بتاع 3 بوصة اعتقد دي شاشة النافيجيشن
عندي انا الشاشة دي مش موجودة نهائي والصورتين دول لتوضيح مكان الشاشة دي سواء كانت كبيرة او صغيرة .... ازاي ممكن اركبها وهتفيدني بإيه وتكلفتها كام
اشتريت العربيه الفلوانس الجميله من شهر تقريبا وفيما يلي بعض انطباعاتي واستفساراتي لملاك السيارة الاكثر خبره فيها اذا سمحتو
مبدأيا العربيه ما شاء الله جميله وناعمه ومريحه وتكييفها والكاسيت بتوعها جمال جدا
1- اماكن التخزين قليله اوي:
مكان الاكواب رخم حبتين وخصوصا اني بدخن وبحتاج الطفاية تبقى مش في الفتحه البعيده اللي قدام ...
مفيش مكان حلو للموبايل وخصوصا لو كبير زي الايفون 6 بلس ...
مفيش مكان للجنيهات الفضيه ...
ومفيهاش درج صغير حتى في كل التابلوه ده .. رغم ان الدرج بتاعها ملعب.
هوا صحيح الدرج فيه تبريد؟
فيه حلول او اكسسورات متجربه لعلاج موضوع اماكن التخزين ده؟
2- الفوجات:
لونها اصفر مبوظ شكل العربيه وسط الزينون والليدات ... هل ممكن اركب لمبات تلجي او زينون من غير متطلع من الضمان؟
دا غير انها مش مظبوطه وبتفرش على الارض ويادوب بشوف النور بتاعها... هل ليها رجلاش؟ وممكن اعمله انا ولا صعب؟
4- الكاسيت:
مفيش حل اني اقلب فولدرات في الفلاشه من غير مدوس على البكره اللي في الكاسيت واعمل رجوع؟
ويا سلام لو حد من محبي المزيكا يقولي احلى ظبطه للكاسيت ايه ... طبعا لما عملت Sound Localization على Vehicle الصوت بقى احلى كتير ... بس الصوت عالي اوي بزياده يعني بعمله على 16 بيبقى عالي واحيانا الصوت بيبوظ ... اعتقد ان حد حريف كاسيت ممكن يوقلي احلى ظبطه اذا سمحتو.
5- البصمة:
العربيه ما شاء الله صوتها واطي ... سعات بنسى وانزل والكارت في جيبي وافتكر ان العربيه دايره ... حاسس اني هسيبها دايره مره ... مفيش اوبشن يخليها تبطل لما الكارت يبقى مش جواها؟
6- السحب:
العربيه CVT وانا معايا عربية تانيه لانسر سوبر اكشن فواخد على الفتيس ده ... بس العربيه ساعات بتتنح شويه ثانيه كده بعد المطبات مثلا ... ومش دايما .. فدا علاجه ايه ولا لما اروح الصيانه اقولهم؟ علما بان موتورها بتاع السنترا ..السؤال هل السنتر بردو كده؟
حبيت اعرض انطباعاتي وبعض الاسئله لخبرا الفلوانس يفيدونا ويفيدو الناس في المنتدى العظيم ده
دمتم بكل خير ... وشكرا مقدما
السلام عليكم
ارجوكم الافادة ,, انا معايا اوبل كورسا 2005 وهيا كويسة بس حابب ابيع واجيب ال الفوانس , بس كل شوية واحد يقول في نتشة في الفتيس ,, في مشكلة في الماتور ,, بكل حيادية انتو شايفين اني افضل بالعربية اللي معايا ولا اجيب ال فوانس خصوصا سعرها دلوقتي بقا 210 الف الفئة الاولي والثانية 230 الثانية , بصراحة انا قلقان منها ومن كلام الاعضاء بخصوص الفتيس والماتور
السلام عليكم
ارجوكم الافادة ,, انا معايا اوبل كورسا 2005 وهيا كويسة بس حابب ابيع واجيب ال الفوانس , بس كل شوية واحد يقول في نتشة في الفتيس ,, في مشكلة في الماتور ,, بكل حيادية انتو شايفين اني افضل بالعربية اللي معايا ولا اجيب ال فوانس خصوصا سعرها دلوقتي بقا 210 الف الفئة الاولي والثانية 230 الثانية , بصراحة انا قلقان منها ومن كلام الاعضاء بخصوص الفتيس والماتور
أخر معلومة جاتني أن الفلونس اللي موجود في مصر كله موديل 2016 بس بتاريخ إنتاج متأخر وبتتباع في بعض الأماكن على انها 2017.
ولما سألت هنا في السعودية قالولي ان موديل 2016 ده أخر موديل في الفلونس وانه انتاج تركي زي اللي بتنزل في مصر وان خط الإنتاج وقف وإنهم حيشتغلوا سنة 2017 على المخزون اللي موجود عندهم لحد ما ينزلوا الميجان الجديدة هنا في السعودية أواخر 2017 بس ده راجع لسياسة الوكيل هنا أنه مش عايز ينزل الميجان إلا لما يخلص المخزون بتاع الفلونس اللي عنده الأول زي ما عملوا لما حبوا ينزلوا التاليسمان مكان السافران.
ياريت لو حد يأكد المعلومة أو يكون عنده معلومة مختلفة، تحياتي،،،،
السلام عليكم ورحمة الله
انا عندي مشكلة في رينو فلوانس 2012 اني كل ما اقلب نور او اجيب الدركسيون للاخر بيحصل زي فقد في الكهرباء ويفصل الراديو والبلوتوث هل معني ذلك وجود شورت في دوائر الكهرباء علما انه منذ فترة كانت تظهر رسالة check injection system يرجي الافادة اعزكم الله
وجزاكم الله خيرا
بنسبه للطلعه أنا شيف انها مش تقيله خلاص جايز عشان كنت راكب سيتروين ك c4 أنا شايف ان الفلونس أحسن منها بكتير في الطلعهإن شاء الله نتابع مع بعد في المشكله بتعة نور الاشاره
المفضلات