رابطة حائزى الفلوينس

**adfarouk** · 05-05-2010 10:29 PM

المشاركة الأصلية كتبت بواسطة sanset

اقسم بالله يا جماعة شارى من ياسر 2005 واختى 2008 وجوز اختى البانوراما الفرنساوى ووالدى قالة حلاوتك عندى يا ياسر بس خلص محمد وكان مصمم ان مفيش غير المانيوال ة125 لولا بوكلا انا بجد محتاس وعلى فكرة انا دافع 118000 نقدا والباقى قلت لما استلم
يا حماعة لو حد يعرف ياسر يوصية وهوة عارفنى لانى الوحيد الى دفع المبلغ دة قبل ميستلم او لو حد يعرف حد فى سان استيفانو
وجزاكم الله خيرا

يا باشا معلش انا بجد اتضايقت اوي من كلمة حد يوصية دية

أنا مقدر ظروفك و انك عايز تستلم العربية و خلاص

يا باشا انت صاحب حق كلم المسئول عنه في الفرع الرئيسي و هو يجبلك حقك منه لو كان اللي بيقوله مش صح

انت دافع فلوس مش واخد العربية هدية ........ احنا ليه بنفرط في حقنا بسهوله كدة

أسف للأطالة ..... بس حقيقي الراجل ده نرفزني

**sanset** · 05-05-2010 10:35 PM

يا بوكلا انت بجد محترم بص يا سيدى انا اتصلت بعبد الحليم وراجل محترم جدا فى كلامة وقالى ان الى بيستلمو دلوقتى همة الى كانوا المفروض يستلموا فى شهر 3 اما كان كان المفروض استلم فى 4 فهستلم فى الدفعة التانية الى جاية فى نص شهر 5 يعنى ذى مقال ياسر
شكرا شكرا يا بوكلا وشكر لكل من ساعدنى وتواصل معى

**bukla** · 05-05-2010 10:43 PM

المشاركة الأصلية كتبت بواسطة sanset

يا بوكلا انت بجد محترم بص يا سيدى انا اتصلت بعبد الحليم وراجل محترم جدا فى كلامة وقالى ان الى بيستلمو دلوقتى همة الى كانوا المفروض يستلموا فى شهر 3 اما كان كان المفروض استلم فى 4 فهستلم فى الدفعة التانية الى جاية فى نص شهر 5 يعنى ذى مقال ياسر
شكرا شكرا يا بوكلا وشكر لكل من ساعدنى وتواصل معى

الله ما اغفر لى ظنى السوء فى الراجل مش كنت تقولنا انت المفروض كان استلامك معادة امتى كنا عرفنا السبب علطول بس ياسر مقالش المعلومة دى ليك لية المهم يا باشا الف مبروك مقدما و خلاص اهى هانت

**bukla** · 05-05-2010 10:53 PM

المشاركة الأصلية كتبت بواسطة abbadr

ممكن يا بوكلا باشا لو ما يزعجكش أكلمك على الموبايل
أنا ها بعتلك رقمي على الخاص

ما فيش اي ازعاج فى انتظار نمرتك

**Dr Dido** · 05-05-2010 11:11 PM

بسم الله الرحمن الرحيم والحمد لله رب العالمين والصلاة والسلام على سيدنا محمد سيد الخلق أجمعين ،
اما بعد
فأولا ببارك لجميع الاخوة الاعزاء اللى استلموا على خير بصفة عامة و الاستاذ bukla صاحب هذا الموضوع الممتاز بصفة خاصة وربنا يعطينا خيرها و يكفينا شرها اللهم آمين
ثانيا اسمحولى احكيلكم على تجربتى البسيطة مع صاروخنا المتميز
انا الحمد لله استلمت امبارح من عند محمد زكى وخدتها طلعت على البيت فى الرحاب و لفيت كام لفة فى الرحاب كدة ونزلت منها بالعافية وبعدين خدت عربية مراتى الجييلى ck2 الاوتماتيك الصينى و رحت الهرم فححكيلم على ملاحظاتى الاولية بكل حيادية
أولا الشكل الخارجى متهيئلى اى حد حيشوفها على الطبيعة مش حيقدر يغمض عينيه وربنا يسترها معانا و علينا من شر العين ثانيا اتزان العربية ممتاز انا عملت بيها مناورتين كدة على 110 انا كنت سرحت حبة كدة على الدائرى والتحكم فى العربية جيد جدا بالرغم من ابعادها الكبيرة و بعد شوية كلنا حنتعود على ابعادها لانى كنت عانيت المعاناة دى قبل كدة لما نقلت من لانسر 95 لالنترا 2007 وبالنسبة لطلعة العربية طبعا بطيئة جدا بالمقارنة مع الالنترا والموضوع ده مدايئنى شوية لانه لا يتناسب مع اسلوب سواقتى وما بيسعفش فى الزحمة ولو عايز تتجاوز عربية تانية بتبقى صعبة شوية ، فى حاجة مدايئانى كمان الفتيس بتاعها مش عاجبنى اوى ، تالت حاجة العفشة اللى ورا نشفة شوية برضو بالمقارنة مع الالنترا غير كدة كل حاجة جامدة جدا من عزل للاصوات الخارجية للخامات المستخدمة للتكييف لوسع العربية لراحة جميع الركاب فى العربية لكل الحاجات الجميلة اللى كلنا اتكلمنا عليها قبل كدة وفعلا العربية تستاهل كل جنيه فيها
وفى الآخر يشرفنى الانضمام لوحوش الرينو بصفة عامة ولربطة مالكى الفلونس بصفة خاصة

**neversighs** · 06-05-2010 12:37 AM

الفين مبروك يا حاج بوكلا على الاستلام .. وربنا عوض صبرك خير .. وان شاء الله قريبا ننضم ليكم .. بس ليا عندك سؤال بصفتك رحت العبور وشفت كل الالوان .. ايه رايك في اللون الفيراني الفاتح .. انا حاجز فضي وبفكر أغير للفيراني الفاتح .

**sephian** · 06-05-2010 01:18 AM

يا جماعه انا عايز حد يقنعنى جامد ويقولى الفرق بين ال 125000 وال 135000 لانى لو اقتنعت بال 135000 ححاول اجيبها لكن هى حتزنقنى جامد فى الفلوس بس لو الفرق فعلا يستاهل ده مع ملاحظة انى خايف جدا من الاوبشن العالى لو حاجه فى باظت خايف يكون تمن تصليحه باهظ التمن فيا ريت تنصحونى لله لو الفرق مش مستاهل يبقى بلاش عشان كمان ابدا احجز واشتنى دورى

**wawoo** · 06-05-2010 01:35 AM

المشاركة الأصلية كتبت بواسطة sephian

لو حاجه فى باظت خايف يكون تمن تصليحه باهظ التمن فيا ريت تنصحونى لله لو الفرق مش مستاهل يبقى بلاش عشان كمان ابدا احجز واشتنى دورى

هى المشكلة فعلا فى لو حاجة باظت ..يعنى مثلا خد عندك المراية اللى بتضم كهربا ب 2500 و المراية الاخرى ب 800

الكارت الوير ليس ب 2000 - 3000 جنية ...العادى اخرص كتير طبعا ..

انت احسبها و فكر حيفرق معاك الموضوع دة او لاء