الموضوع: هل ال sx4 مش ثابتة بعد 120 km/h ؟؟؟؟؟؟

العربية كانت عندى اسبوعين تقريبا

الثبات خرافى جدااااااااااااا ما شاء الله ..

المشكلة الوحيدة الى ظاهرة فيها هيا ان العفشة ناشفة شوية وبتحس بالطريق ..بس فى المقابل ثبات عالى

العربية سوزوكى sx4 هاتش باك موديل 2008 او 2009 مش فاكر والله بتاعة قرايب ليا وكانوا سايبينها عندى اسبوعين لظروف السفر

انا كنت ناوي اشتريها و كنت معجب اوي بيها و سالت واحد عندو عربية دي قالي ان هية عربية كويسة بس مش ثابتة بعد 120 km/h و كنت عايز اعرف كلام ده صح ولا ﻷ ؟؟؟؟؟؟

انا عامل بالسيدان 77 الف ، الحمد لله الثبات ممتاز زى لما كانت جديدة بالضبط ، والعربية لحد 160ّّ-170 ثبات ممتاز ، احسن من اى عربية يبانى فى نفس الفئة السعرية ، طبعا لو سايق على اى طريق مفتوح طبيعى انك تلاقى نفسك ماشى على 140-150 ومش حاسس بأى سرعة اساساً غير لما تشوف العداد.

نفس حيرة اللى بيشترى اى ماركه موش منتشره بس العربيه شكلها حلوه لكنى للاسف ماركبتهاش عشان اقدر اقول رائى فيها
بس انا عاجبانى ال4*4

المشاركة الأصلية كتبت بواسطة gero77hero

انا كنت ناوي اشتريها و كنت معجب اوي بيها و سالت واحد عندو عربية دي قالي ان هية عربية كويسة بس مش ثابتة بعد 120 km/h و كنت عايز اعرف كلام ده صح ولا ﻷ ؟؟؟؟؟؟

لا العربيه ثباتها ممتاز وبتتقل اكتر كمان لما تزود عن 120 بس هي عشان عاليه ممكن تدي احساس خاطئ انها مش ثابته لكن في الواقع ثباتها رائع

المشاركة الأصلية كتبت بواسطة gero77hero

انا كنت عايز أسألك علي أسعار قطع الغيار و موجودة برة توكيل و لا ﻷ ؟؟؟؟ و أنا خايف اجبها و بعد 4 او 5 سنين ماعرافش ابعها ؟؟؟ و أه رايك في توكيل و موجود فين توكيل ؟؟؟؟؟؟ و اكيد انها ثابتة ؟؟؟؟

على فكره هي بدات في الانتشار بقيت بشوفها كتير ... بالنسبه لقطع الغيار مش متاكد من وجودها بره التوكيل ما سالتش لكن التوكيل موفر قطع غيارها ... بالنسبه لاعادة البيع طالما بعد 5 سنين مش هتفرق كتير لكن هي هتخسر لو بيعتها بسرعه او كسر زيرو

التوكيل مودرن موتورز ومراكز الخدمه في ابو رواش والدقي والهايكستب ( بعد السندباد بشويه ) هو معامله ومكان مش اوي لكن كصيانه وخبره ممتاز وهو نفسه توكيل نيسان

واكيد ثابته

انا معايا سيدان 2009