انا لسة ماشترتش عربية قبل كدة ومابسوقش خالص لكنى اتعلمت وطلعت رخصة بس انا مش ممارس:shyy:
عرض للطباعة
انا لسة ماشترتش عربية قبل كدة ومابسوقش خالص لكنى اتعلمت وطلعت رخصة بس انا مش ممارس:shyy:
الافضل انك تتعلم علي مستعمل عشان ماتقلقش من اي خبطة او حكة
ولكن في ناس بتفضل تتعلم علي عربيتها
فالموضوع راجع لحضرتك.......وربنا يوفقك
انا اول سواقتي كانت علي الجين 2 برده....بس دي اوتو....وكمان انا من المنصوره يعني مفيش زحمه ولا قرف القاهره.......... والحمد لله ماشي الحال ودلوقتي تمام
اهم حاجه انك تاخد الموضوع خطوه بخطوه . وتسوق من غير تسرع .ومتسعجلش انك تبقي سواق علي طول. مع الوقت هتلاقيك بتتعود علي العربيه اكتر
انما عشان تشتري مستعمل وكده وجع قلب....واللي هتخسره في البيع انت اولي بيه.....ده رائي.
بس اهم حاجه التأني في السواقه.
وبالتوفيق.
جديد يا باشا و دوس لأن أولا هتخسر فى البيع زى ما قالك العضور brashy + الفلوس اللى هتدفعها صيانة لأن مافيش مستعمل بحالة الزيرو قطعا + اتعود على الاستاندرد مادام دى أول عربية عشان ماتفهمش غلط يعنى الفرامل لو مش سليمة أوى أو المياه لو كانت بتنقص باستمرار لو أول عربية خدتها فيها عيب بالمنظر ده مثلا ممكن يتهيألك إن ده الطبيعى بتاع العربيات مش حاجة بايظة ففكرتك نفسها هتتكون غلط
طيب وإذا كان الاستاندرد في تغيير أساسا ،، زي موضوع الفرامل وطول المشوار بتاعها المعروف :shyy:
أنا رأيي مع إحترامي لوجهة نظرك .. إن الواحد يتعلم علي عربيه Used في الأول :M_yes[1]:
كفايه إن الواحد هيتعلم كل حاجة فيها بغض النظر عن موضوع التخبيط والحوادث
>>> يوم ما تبوظ في أي حاجة هيغيرها ويفهم إيه سببها
>>> ويشيل ويحط كل شويه في قطع غيار ويعرف أماكن وصنايعيه في كل حته
>>> ويعرف كل قطعة غيار وأجزاء ومكونات العربيه
وبعدها هيكون فهم يعني إيه عربيه وبتمشي إزاي ،، ويوم مايفكر يركب زيرو هيبقي ماشي بيها ع الشعره ... ويوم مايبقي فيها فسفوسه هيبقي عارف إيه سببها ومحدش يشتغلوا ويقولو الجمله المشهوره ( أصل ده الإستنادرد بتعاها يا أستاذ )
واضح إنك فاهمنى تماما على فكرة و يمكن يكون رأيى اتبنى على تجربة شخصية مريرة بس حتة التخبيط اللى كلكم بتتكلموا عليها لو فكرتوا فيها صح هتلاقى أقصى تخبيط بتعمله و انت بتتعلم سواقة حكة فى حيطة جراج أو فى اكصدام عربية و انت بتركن لكن لا قدر الله الحوادث اللى بجد ما بتعملهاش إلا لما بتعدى مرحلة التعليم لمرحلة الاحتراف و ثقتك فى نفسك تزيد و يبقى نفسك تعمل زى كل اللى حواليك عشان ما حدش يقول عليك إنك ما بتعرفش تسوق ولا لسه متعلم فما ما بتبقاش خايف أو حريص زى زمان فبتعمل حوادث أقوى أكبر ربنا يكفينا شر الحوادث جميعا يا رب + نقطة تانية للناس اللى بتقول حادثة فى عربية مستعملة أهون من عربية جديدة أنا برده بختلف معاهم فى إن عربيتك بتبقى غالية عليك سواء مستعملة أو جديدة ما تفرقش خالص خاصة لو انت جايبها بكامل إمكانياتك فى الحالتين أنا شخصيا قبل العربية دى كان معايا سويفت 93 ما كنتش بستحمل عليها الهواء حتى و هى متخبطة أصلا و قبلها كان معايا ريتمو كان نفس الوضع و أدينا حطينا للرجل كل الاختيارات و ربنا يوفقه و يختار صح إن شاء الله
انا معايا رخصه من سنه 2003 و والدي ما كانش بيخليني المس العربيه الا وهوه معايا
و ما شقتش عربيه لوحدي الا لما جبت البيكانتو بتاعتي و دي زيرو و اول حاجه اسوقها لوحدي و ما فكرتش لمجرد التفكير اني اجيب حاجه مستعمله جبت زيرو على طول
و على رأي المثل الغلبان يركب زيرو و الغني يركب مستعمل:funny34d:
الإجابة :-
تنفع بالطبع بس لابد من التعليم في مدرسة تعليم قيادة عشان تبقى متمرس وتعرف تسيطر على الاوضاع الطارئة وتحافظ على عربيتك