يا جماعة تحت البيت عندى عربية نوفا ريجاتا لونها بترولى ملاكى القاهرة 378066 مركونة ليها مدة كبيرة جدا و مالهاش صاحب
عرض للطباعة
يا جماعة تحت البيت عندى عربية نوفا ريجاتا لونها بترولى ملاكى القاهرة 378066 مركونة ليها مدة كبيرة جدا و مالهاش صاحب
اعتقد انك لازم تبلغ
وحتكسب ثواب اكيد فى صاحبها اللى تلاقيه عمال يدور عليها
هى فعلا فكرة ممتازة!
الواحد كتير قوى بيعدى على عربيات مركونة وبيكون شكلها مامشيتش من شهور، فلو فعلا ممكن كل واحد يشك فى عربية يكتب بياناتها ومكانها هنا، وبالتالى بعد فترة ممكن اى حد عربيته مسروقة يدور عندنا فى المنتدى يمكن يلاقيها.
لأن انا لفت نظرى ان فى يوم واحد فى عضوين اعتذروا عن مقابلة يوم الجمعة علشان عربيتهم مسروقة :shock:
تم الابلاغ عنها و لكن لا حياة لمن تنادى
والله فكرة ممتازة يا h_hezzah :D :D :D
أي حد يلاقي عربية مركونة بقالها فترة طويلة يعلن عنها هنا في المنتدى عشان صاحبها يلاقيها وهو يبقى ثواب في الدنيا والآخره
واظن علشان الثواب يعم، نقوم بعمل اعلان السيارة التى نشبه فى كونها مسروقة فى كل منتديات السيارات اللى نعرفها....
فكرة هايلة يا جماعة
كفاية الثواب بتاعها
كل واحد يلاقي عربية مركونة بقالها كتير ومشكوك في امرها
يبلغ علي طول
ويقول في المنتدي
وفعلا ننشرها في المنديات التانية
فى بعض الدول الاوربية بيكون فى جمعية خاصة بهذا الامر وبتكون تابعة لهيئة تجميل هذة المدينة وبيبقى دة شغلهم لو وجدوا سيارة عليها تراب فقط او من فترة مركونة يتم الابلاغ عنها فورا الغريب بقى ان لو صاحب العربية موجودة تحت بيتة مثلا ولفترات طويلة وتؤثر على الشكل العام لازم يدفع غرامة -حتى لو مش مسروقة ولا حاجة -
ده فى اوروبا والدول المتقدمة
احنا فى مصر
على فكرة يا حازم بية احنا اللى بينفعنا هنا فى هولندا ان البلد دية 11 شهر بتمطر وشهر الجو مش لطيف ---يعنى العربية بتتغسل او تو ماتيك --لكن ساعات بقى بتيجى الطوبة فى المعطوبة --وتظهر الشمس يبقى فى تراب يبقى فى غرامات لاما تروح المغسلة --
يا جماعه انتو نسيتو حاجه مهمه الكلام ده ممكن يتم لو الدنيا كلها بخير والناس عندها ضمير بمعني ان احنا انهارده اعلنا في المنتدى عن عربيه مركونه من فتره واهل الحي مش عرفين لها صاحب كده ادينا فرصه للحرامية السيارات وسهلنلهم الموضوع عربيه مركونه ومحدش هيبص عليه
اعتقد ان من الافضل ابلاغ الشرطه
محنا اكيد اول خطوة نبلغ البوليس
وبعد كدة ننشر الموضوع
وبعدين هو ممكن حرامي يسرق عربية كانت مع حرامي تاني
واتبهدلت لا طبعا
يروح يسرقلوا حاجة كدة فابريقة :roll:
بوليس مين يا عم أنا فى عربيه فضلت تحت بيتى 3 شهور وكانت مسروقه وايه بالاكراه واللى سرقها ركنها تحت بيتى اللى جنب نقطه سموحه يعنى العربيه كان بينها وبين النقطه حوالى 100 متر وعربياتهم رايحه جايه عليها والحمد لله ربنا وفقنى وكنت انا السبب ان العربيه دى رجعت لصاحبها لما أخدت رقمها وسألت عن اسم المالك من المرور واتصلت بيه وبالمناسبه انا ممكن اساعد فى الموضوع ده بس فى اسكندريه بمعنى لو حد فى اسكندريه وجنبه عربيه مشكوك فيها انا ممكن اجيب بياناتها من المرور
فكره ممتازه يا ديدو... يا ريت بقه لو فيه حد واصل في القاهره و يكون يقدر يجيب اسماء اصحاب العربيات هناك تبقى اتحلت
كلام ممتاز يا ديدو
وربنا يعينك علي فعل الخير
فيه عربية فيات 132 زرقاء اللون موجودة بميدان الحجاز مصر الجديدة منذ شهر تقريباً وتم إبلاغ قسم الشرطة عنها
ولامجيب
بس مش فاكر رقم العربية كام ، إن شاء الله أجيب الرقم النهاردة وأعلنه بالمنتدى