يا جماعة انا عاوز اعرف حاجة من ملاك الماروتى و هى اية نظام الكاسيت فى الفاتحة الى فى التابلوة دى الى جنب الساعة هل هى تنفع لكاسيت سىدى او عادى ولا لأ انا سمعت ان حجمها بيبقى صغير شوية و لازم نعد نحفر فى التابلوة هل دة صحيح ولا لأ
و شكرا
عرض للطباعة
يا جماعة انا عاوز اعرف حاجة من ملاك الماروتى و هى اية نظام الكاسيت فى الفاتحة الى فى التابلوة دى الى جنب الساعة هل هى تنفع لكاسيت سىدى او عادى ولا لأ انا سمعت ان حجمها بيبقى صغير شوية و لازم نعد نحفر فى التابلوة هل دة صحيح ولا لأ
و شكرا
كيف الاحوال يا اخوان
بالنسبه لموضوع الشد عندى تعليق بسيط ان احنا متفقين ان المسأله مسأله نسبه و تناسب يعنى الماروتى موتور 800 و ووزنها 650 كيلو و دا بيديها سحب كويس لكن مش مسأله 800 و 1600 و على سبيل المثال انا شبه يوميا بارجع على الطريق بعربيتى و بيبقى راجع برضه واحد زميلى معاه رينو كليو 2005 و بنشد مع بعض مع نزله كل مطب و انا باسبقه كويس مع انه بيبقى حارق هو كمان على النقلات بس دا طبعا لحد 100 او 110 و بعد كده بلاقيه بيعدى منى عشان الماروتى بعد ال 110 سحبها بيقل نوعا و دا عشان اصلا العربيه عدادها 150 لكن تحت ال 110 العربيه سحبها هايل و النقلات حلوه فمثلا:
الاول: 40
الثانى: 70
الثالث: 110
ودا طبعا لما اكون حارق من الاولانى عشان كل نقله تاخد حقها بالاضافه يكون العربيه فيها بنزين كويس مش 80 مثلا
اما بالنسبه لموضوع الجين 2 فانا اظن ان بتاع الجين مكنش حارق اوى عشان انا اصلا باشترى عربيه تانيه و كنت محتار بين الافيو و النيو اكسنت و الجين2 و كل الناس قالوا ان الجين مكنتها اقوى منهم بكتير فاظن ان ال1600 بتاعه الجين تخليها تشد مرتاحه عشان العربيه وزنها خفيف برضه
دى حاجه الحاجه التانيه موضوع الالتو بصراحه انا كنت فى معرض اوتوماك و ركبت الالتو من جوه و هيه اوسع سنه بسيطه من الماروتى و شكلها طبعا احدث و اكثر انسيابيه من الماروتى بس انا انصح ان اللى هيجيب التو لازم يجيبها مكيفه و انجيكشن حتى لو 800 لكن لو ال800 الفاضيه فى رأيى يبقى الماروتى احسن و انت اولى بالفارق اما ال1100 الكامله دى عربيه خرافه و موتورها بيجرى بافتراء و دى اللى ممكن نقول انها تشد مع الجين2 عشان حجمها اد كده و موتور 1100انجكشن و انا شايف انها احسن كتير من الاسبيرانزا 113 و و البيكانتو والعربيات دى
اخر حاجه موضوع الكاسيت و دا كان عاملى صداع عشان مكنتش عايز اركب كاسيت البكره اللى بيركب فيها و كمان مفيش مكان الا لسماعه واحده جوه التابلوه و انا كنت عايز اركب كاسيت سى دى حلو فرحت لواحد خليته يقطع من جنب الساعه بربع سم لحد ما خد الكاسيت بس المشكله ان الكاسيت مكنش داخل فى التابلوه للاخر و كان بارز بمقدار 2 سنتى بس دا عشان الكاسيت بتاعى كبير شويه(sony Gt-470u) اما فيه عربيات كتير فيها كاسيتات سى دى راكبه براحتها و متخلوش حد يشيل الساعه
اما السماعات فانا كان فيه مشكله ان مكان السماعت ورا مش موجود بالاضافه ان الحاجز اللى ورا اللى بيركب فيه السماعات -بيسموه الكوبسته - مش محكم فمبيطلعش صوت حلو لو ركب فيه سماعات فبدلتها بكوبسته خشب و عملت مقاساتها بحيث تعزل الشنطه عن الصالون تماما و ركبت فيها دلوقتى 4 سماعات بيونير تايلاندى 400 وات
و مخليتش الراجل يثبتها بمسامير و خليتها كبس مع باب الشنطه مع وضع اسفنج طعا
على حافه الكوبسته تحت الموكيت عند مكان التقائها بباب الشنطه والحمد لله الصوت تمتم
بالنسبة لموضوع الكاسيت ممكن حله جدا
انا عملته بايدى فى العربيه
وهقولك طرية ظريفة اوى .... روح لاى محل اكسسوار واشترى علبة كاسيت 128 تقريبا عاملها فى حدود 8 جنيه .... تمام ولو كان عندك سنتر او من اى واحد بيركب سنتر هات منه عمودين سنتر وثبت العمودين فى العلبه وركبها مكان علبه الشرايط اللى موجوده فوق الفتيس وبدون لاتخريم ولا تقطيع ولا تركيب وانا مركب الوقتى فيها كاسيت بايونير 5950 زى الفل خالص ومركب وراه كوبسته خشب واحطط سمعتين بايونير 400 وات والصوت زى الفل ...... بس معلش طلاما احنا فى الموضوع ده كنت عاوز اسال سؤال هى فى مكان السماعه اللى قدام سماعه فعلا ام هى مجرد كلام .... ؟
فعلا فكره جميله يا ozydreams بدل التقطيع و كده بس انا لما الراجل قالى كده كنت محتاج العلبه دى بحط فيها مفاتيح و حاجات فقلت لكن لأ اللى مبيحتجهاش فطبعا دى فكره روعه.
اما بالنسبه للسماعه فعلى حسب ما الناس قالولى فهى فعلا مكان سماعه و لو حد عنده افاده تانيه يا ريت ميبخلش بيها.
والسلام...
أنا حفرت السماعات وراء فوق الشنطة
ولي الكاسيت جيبت حامل كاسيت 128 وراكبت فية الكاسيت تحت الساعة بس شيلت مكانة حامل الي تحت الساعة
مظبوط العيب فى السواق
ياجماعة اى واحد يشاء له القدر ان يسابق واحد غلبان ( معاه عربية قوية بس مش قادر يستخدم امكانياتها صح ) ويقدر يتغلب عليه ده مش معناه انه محترف ممكن يكون دخل سباق مع واحد مش قادر يستغل امكانيات عربيته لاقصى حد
وده الفرق بين المحترف والغلبان
على فكره يا جماعه عمر الاحتراف ما كان بالشد و الجرى دا بالعكس كتير جدا من اللى بيجروا اوى بيبقوا غشم فأنا مش مقتنع بالمقارنه بين واحد حريف وواحد غلبان على اساس الجرى
الحرفنه بتيجى بالخبره و الواحد يعرف امتى يعمل ايه و فين يعنى امتى يجرى و امتى يمشى هادى و امتى ياكل الغرزه و امتى ماياكلهاش و هكذا لكن مش جرى و خلاص او شد مع دا ودا
و احنا هنا فى الموضوع
و احب اقول فى الاخر السواقه مالهاش كبير
و الثقه الزياده معناها =استهتار زياده = حوادث تر لا قد الله
على فكره يا جماعه عمر الاحتراف ما كان بالشد و الجرى دا بالعكس كتير جدا من اللى بيجروا اوى بيبقوا غشم فأنا مش مقتنع بالمقارنه بين واحد حريف وواحد غلبان على اساس الجرى
الحرفنه بتيجى بالخبره و الواحد يعرف امتى يعمل ايه و فين يعنى امتى يجرى و امتى يمشى هادى و امتى ياكل الغرزه و امتى ماياكلهاش و هكذا لكن مش جرى و خلاص او شد مع دا ودا
و احنا هنا فى الموضوع بنناقش قدرت عربيه مش سواقين و احب اقول فى الاخر ان السواقه مالهاش كبير
و الثقه الزياده معناها =استهتار زياده = حوادث اكتر لا قدر الله
وربنا يستر معانا جميعا
عندك حق مليون المية كل ما الواحد بيبقي عنده ثقة في نفسه اكتر الواحد بيحس انه بيتعرض لمواقف صعبة في السواقة اكثر ........
بس ما نقدرش نقول ان المفروض ما يبقاش فيه ثقة في النفس خالص لانه لو كده يبقي الواحد مش حيسوق في و سط الشوارع بتاعتنا العجيبة بما فيها من غرز و استهتار باشارات المرور ...... يبقي لازم يكون فيه ثقة في النفس بس مع توافر الحذر
فعلا معاك حق و عشان كده انا ركزت على الثقه الزياده و زى مانت قلت لازم ثقه مع حيطه و حذر و شكرا لكل من يسهم فى افادتنا