خدمه بقدمها للاعضاء على مسئوليتى

**Mshawky** · 05-05-2010 09:35 PM

السلام عليكم ورحمه الله
----------------

انا بقترح عليكم فكره واللى حابب يشاركنى فيها انا تحت امره لانى انا عن نفسى هعملها ان شاء الله

انا طبعا ليا بوكس فى امريكا خاص بيا وبجيب عليه طرود وحاجات من مواقع ومحلات داخل امريكا مفيش مشكله خالص
ففكرت ان فى مواقع كتير جدا ورسميه بتبيع اكسسوارات للعروسه بتاعتنا برخص التراب وفى نفس الوقت حاجه اوريجنال ونضيفه جدا زى مانتو عارفين

فعندنا مثلا مواقع كتير زى امازن واى باى وغيرهم بيبعوا حاجات كتير جدا جميله اوى وممكن متلاقيهاش فى مصر خالص

فانا بعرض عليكم الى حابب اعمله اوردر لاى حاجه من بره ولكن فى حدود الاكسسوارات بس طبعا مش هجيب قطع غيار والكلام ده انا تحت امره ولكن بشرط بسيط بس
هو ان كلنا نجمع طلباتنا علشان نستفاد بسعر الشحن والوزن لاكبر كميه لان الاكسسوارات زى مانتو عارفين خفيفه
وبالمناسبه انا بصيت على اسعار الزينون اللالمانى بره مصر فى المواقع الامريكيه لقيته بعد ضريبه المبيعات المصريه كمان ب 600 جنيه h7

وانا بكره هقولكم على باقى التفاصيل الخاصه بالجمارك والصريبه علشان نكون ماشين صح وعارفين الحاجه هتقف على كل واحد بكام ولو حتى الحاجه جبناها بسعرها هنا انت الكسبان برضه فى الاخر كواليتى وحاجه نضيفه وشيك فى نفس الوقت

مستنى ردودكم واقتراحتكم وانا تحت امركم فى اى شيىء

المهندس \محمد شوقى

**Mshawky** · 05-05-2010 09:50 PM

وديه مواقع جمعتها على اد ماقدرت موقتا تشوفو منها اللى يعجبكو وكل واحد عايز حاجه يحط اللنك بتاعها

Korean Store
Amazon Store
AutoLamps store
Ebay Store
KIA Accessories Store global

**Ahmed Nouh** · 05-05-2010 09:56 PM

خدمه اكتر من رائعه منك , ربنا يقدرك على فعل الخير

**MOSTAFABASAL** · 05-05-2010 10:01 PM

تسلم و ربنا يديم بينا المعروف

**M7amD_7amDy** · 05-05-2010 10:13 PM

ايه الحلاوة دى ياشوقى باشا :)))))

انت برنس والله وربنا يباركلك على المساعدة الجامدة دى

انا معاك طبعا وهشوف كده واتفرج واللى هيعجبنى هقولك عليه

أخييييييييييييرا ممكن نخلى البرنسيسة زى أختها بتاعت بره وندلعها :)))

**Mshawky** · 05-05-2010 10:20 PM

يارجاله انا تحت امركم وانا بجبها باقل الاسعار لانى مبعملش شحن دولى من الموقع انا ببعتها على البوكس بتاعى فى امريكا عنوانى هناك يعنى وبجبها براحتى هنا كوزن فقط فعلشان كده هتلاقى الاسعار ان شاء الله جامده جدا وهتتمتعو بشويه حركات اخر حلاوه

**Mshawky** · 05-05-2010 10:31 PM

المشاركة الأصلية كتبت بواسطة vodanet

حضرتك ازاى تقدر تشترى من ايه باى معظم التجار بيستخدموا باى بال وده ممنوع فى مصر

مش كل المعاملات بتتم عن طريق الباى بال فى معاملات تحويل بنكيه ومعاملات فيزا ومستر كارد وده كله متوقف على التاجر اللى عارض وكلن لو السلعه ديه سعرها كويس ومحتاجينها ضرورى وهو عايز الدفع بالى بال انا بتصرف وبزبطها لكن احنا غالبا فى موضوعنا ده مش هنعتمد على الحاجات المستعمله لانها فى الاخر اكسسوارت ومش غاليه للدرحه الى تخلينى اشترى مستعمل

وتحت امرك فى اى استفسار ولو عايز حاجه من اى بى اجبهالك عادى