عرض للطباعة
معروض عليا لانسر كريستاله موديل 98 اتوماتيك فتحة سقف بحالة ممتازة بسعر 51000 نهائى
وايضا تويوتا 99 عيون اتوماتيك بحالة ممتازة بسعر 46000
ومعروض تويوتا 2005 1300 اتوماتيك سوداء راشة بره ممتازة بسعر 74000
واخيرا نيسان صنى 2007 اتوماتيك بحالة الزيرو بسعر 71000 نهائى
كل الاسعار نهائية وعايز اشترى اكتر واحدة لقطه فيهم من حيث السعر لانى هركبها لمده سنه واحده وبعدين اغير لزيرو ان شاء الله المهم تكون سعرها لقطة جدا شكرا
لو التويوتا 99 عيون فابريقة تبقى لقطة وبعديها الصانى لو فابريقة برضو
بس انت ما قلتلناش كل واحدة عاملة كام كم ؟؟؟ و فابريقة ولا لا ؟؟؟
العيون والكريستاله والكرولا2005 فابريقة دواخل
الصنى دواخل وخوراج
الكيلو بتاعهم هعرفه اليوم شكرا للاهتمام
افضل شئ تويوتا عيون انا شخصيا ناوى عليها تويوتا واقتصاديه فى البنزين وعمليه وقطع غيار رخيصة
التويوتا العيون طلعت واخدة خبطه فى الشنطه ووحشه من برا وخرجت من الاختيار
والانسر واخده خبطه فى السدر وحسب البحث سعرها مش لقطه
مش فاضل غير الصنى وهى عامله 42000كم بحالة الزيرو فعلا والسعر نهائى 71000
والكرولا 2005 ودى حاسس ان سعرها لقطه ب 74000
مش عارف اختار ايه خصوصا انى هركبها 4 شهور بس وبعدين اما اغير لزيرو او اشترى شقة جديدة
الكرولا 2005 بس خللي بالك انها راشة من برة وده ممكن يعيق عملية البيع بسهولة مشتقبلاً
التويوتا عموما سوقها كويس
شكرا لاهتمامكم جميعا وربنا يجازيكم خير
والله انا راى الصنى هى اى نعم التيوتا افضل بس حسب الحاله اللى انت بتقول عليها طبعا الصنى افضل بكتير و خصوصا انك بتقول انها فابريكه بره و جوه وده ليها تمن تانى خالص لما تيجى تقول يابيع