انا عربيتى موديل 2010 ولما بمشى فى شارع مظلم بحس ان الاضاءة بتاع العربية ضعيفة ومش منوره الشارع كفاية وحسيت بيها اكتر وانا راجع ع الطريق الصحراوى بالليل فهل دى مشكلة عندى انا بس ولا ده الطبيعى فى الشيفورليه لانوس .... وايه الحل ؟؟؟؟
عرض للطباعة
انا عربيتى موديل 2010 ولما بمشى فى شارع مظلم بحس ان الاضاءة بتاع العربية ضعيفة ومش منوره الشارع كفاية وحسيت بيها اكتر وانا راجع ع الطريق الصحراوى بالليل فهل دى مشكلة عندى انا بس ولا ده الطبيعى فى الشيفورليه لانوس .... وايه الحل ؟؟؟؟
ده الطبيعي يا باشمهندس وائل
والحل انك بتركب كتاوت وتجيب لمبتين وات اعلى
http://www.nilemotors.net/Nile/146112-a.html
http://www.nilemotors.net/Nile/107949-2.html
الحل فى 2 كتاوت واحد لكل فانوس
ولمضات 220-190
والدنيا هتبقى زى الفل ان شاء الله
الواطى بيعمى اى حد امامك ولازم توضى الفاوانيس شوية
الكهربائى بجانب البيت بيعملها بكل حاجة
ب 300
متابع.......
من معرفتى بمشاركات قديمة الموضوع حسب ميزانيتك.
1- فى أعضاء بتقول لو الفوانيس فيها مشكلة تصنفرها أولا و تركب كتاوت فقط على اللمض اللى عندك علشان هى مابتنزلش بكتاوت أصلا.الموضوع يكلفك حولى 50 جنية فقط.
2- رأى أخر بميزانية وسط زى ما أفادك أستاذ محمد الشامى فى المشاركة الأولى اللى ذكرها و دى اللى أنا عملتها بميزانية 140 جنية بالتركيب و اللمض كانت ماركة eagle eye و دى مكونات المانى و تصنيع كورى
3- رأى أخير بميزانية مفتوحة ودى حتغير اللمض بالأنواع الأتي’:
فيليبس اكستريم باور 60/55 عامل 130 جم. أو اوسرام نايت بريكر المانى 60/55 عامل 110 فى المشاركة دى
http://www.nilemotors.net/Nile/113299-a.html
أرجو أن نكون أفدناك
انا اتعرض عليا كيت زينون عالى وواطى ببلاش و مرضيتش عشان حوارات المرور و اللجان و كدة
MMamdouh
مهو يا باشا موضوع الإضاءه ملهوش علاقه بالموديل , الموضوع ليه علاقه باللمبات الإفتراضيه اللي بتنزل مع اللانوس (60 - 55 وات تقريباً)
وعشان كده الناس اللي بتضايق من ضعف الإضاءه بتعمل التعديله دي على العربيه , انهم يركبوا كتاوت ولمبات اعلى في الوات , عالأقل بتكون اقوى حوالى مرتين من العادي
مش صعب ولا حاجه , لان الإضاءه بتكون ساقطه على الأرض بأبعاد معينه (النور الواطي)
والنور العالى هو اللي بيكون مدى إسقاط الضوء بتاعه اعلى وابعد , و الإستخدامات بتكون غالبا على الصحراوي والطرق المظلمه تماماً عشان ينور اطول مسافه ممكنه للسائق , او عشان تقلب نور لحد جاي معاكس