ناوى بإذن الله اجيب اوبترا وياريت تقولولى احسن مكان اجيبها منه

السلام عليكم

بعد بحث كثير وطويل استقريت الحمد لله على الاوبترا

ربنا ما يجبش حاجة وحشة

بس كان عندى استفسار

ايه افضل مكان اجيبها منه ، انا موجود فى القاهرة

وكمان افضل مكان للصيانة

ياريت سرعة الرد علشان انا قربت اجيبها ان شاء الله

ان شاء تجيبها علي خير.......... ويعطيك خيرها ويكفيك شرها
بالنسبه تجيبها منين معارض كثيره بتزلها انا عن نفسي جيبتها من معرض في المهندسين وانا حاسس انهم محترمين الشركه العالميه في شارع السودان بالمهندسين وهما وكيل دايهاتسو.... وبلنسبه للصيانه الخوه الافاضل في الموقع موضحين اكثر من مشاركه باماكن الصيانه المعتمده وتجاربهم معها وكله يتوقف علي مدي قرب او بعد المكان عنك

عربيه ممتازه حتعجبك ان شاء الله , بالنسبالي جبتها من المنصور فرع الطيران , بصراحه ناس قمة في الذوق بس لسا مجربتش الصيانه الي بسمع عنها كلام مش كويس من الاعضاء هنا , بس ان شاء الله العربيه تجيبها و ماتحتاجش الا الصيانات الدوريه بس , بالتوفيق يا باشا :verygood:

الف مبروك مقدما

اسأل الاول فى منصور جامعة الدول او مدينة نصر وشوف اللون اللى انت عايزه متوفر ولا لأ ومانيوال ولا اوتوماتيك

لو ملقتش اسأل عند الموزعين المعتمدين ودول كتير وان شاء الله هاتلاقى اللى انت عايزه

http://www.nilemotors.net/Nile/10400-a.html

السلام عليكم
نصيحة لوجه الله تعالي راجع المواضيع الخاصة بالاوبترا في المنتدي و راجع تعليقات الاعضاء و روح اقرب مركز خدمة ليك لو من مدينة نصر يبقي عندك مركز رابعة او التجمع و قابل اصحاب الاوبترا و شوف المشاكل بتاعة العربية علي الطبيعة قبل اي خطوة لللشراء

مشكووورين على ردودكم الجميلة ديه

وانا هكلمهم انهاردة ان شاء الله وربنا يقدم اللى فيه الخير

بلاش بجد بلاش اي حاجه من وش منصوور تغور الصيانه و مراكز الصيانه خدماتها دون المستوى راجع شكاوي الاعضاء نصيحه لوجه الله ....وربنا يوفقك..

الوكيل افضل واضمن ولو لقيت فيها مشكلة بيغيروها على طول والسعر واحد في كل الاماكن .