الموضوع: الميكانيكى مش عارف يحلها

السلام عليكم ورحمة الله وبركاته
اخوانى اعضاء نايل موتورز
اتعرض لمشكلة مش عارفلها حل انا ولا الميكانيكى المشكله هى ان عربيتى بولو 95 1300
ومن ساعة ما جبتها وانا حاسس ان العربية ما تسحبش ويمكن فيه بعض الاخوة على المنتدى راسلتهم مراسلات خاصة بخصوص هذا الامر وتوصلنا فى اخر المطاف ان البوجيهات هى السبب
وغيرت البوجيهات الواحد شمعه الى 3 شمعة وفعلا العربيه بدأت تسحب سنه وعلى فكرة السحب عندى تعبان يعنى لما باجى اسقط غيار بس مش اكثر
انما لما بفتح على ال 80- 90- 100 كم العربيه بتطير وبتسحب جامد جدا
اللمهم قال لى بعض الاخوة المشكله فى ظبط الكهرباء والكاربيراتير والاسبيراتير بتاعها وكمان العربيه كانت بتعمل حوالى 200 كم فى الصفيحة وده فى طرق السفر يعنى 80 120 فكان لازم اروح لميكانيكى فولكس علشان يظبط الاداء وكمان كانت العربية بترج لما المروحه بتشتغل
المهم اتوكلت على الله ورحت لميكانيكى قريب منى ومتخصص المانى
قالى انه ظبت الكاربيراتير ورجعة لظبتطه الاصليه وكان وكمان ظبت الاسبيراتير وكان ال RPM عند 600 وقالى ان هى دى ظبتة ال RPM بتاعتها مع انى بعض الاخوة جاب الRang بتاعها من البرنامج الخاص بتاع الفولكس وكان 750 - 850 ولما قلت ده للميكانيكى قالى لا هى دى ظبتطها
وقالى غير فلتر الهوا علشان مش حلو وجرب وادعيلى ها تركب عربيه تانية
المهم اول ما مشيت من عنده حاسيت ان العربيه مخنوقه جدا بمعنى - انى لما بدوس على دواسة البنمزين وانا على الغيار الاول او التانى او الثالث ال rpm ما بيتحركش من مكانه غير بعد 3 او4 ثوانى وبحس ان العربيه مش واصلها بنزين وانها ها تبطل اتصلت بيه قالى فوول التانك تفويله نظيفه وغير فلتر الهواء واطلع الدائرى وجرب وهاتلقيها حاجه تانى كلاكيت تانى مرة
وكمان قالى ان استهلاك البنزين كان عالى قلتله كلامك مظبوط قالى كده الاستهلاك ها يطظبط
المهم ما كدبتش خبر
غيرت فلتر الهواء جبت فلتر فرنساوى ب40 جنيه وركبته وفولت العربيه مش للاخر وطلعت الدائرى
وعينك ما تشوف الا النور
العربية زى ما هى بلعكس كانت الاول ما بتسحبش دلوقتى ما بتسحبش ومكتومه واسنهلاك البنزين زاد اكتر من الاول فولت كان العدا 793 كم رجعت وفولت تانى 8.7 لتر وكانت قراءة العداد 820 كم حد يحسبها
المهم انا لسه ما رحتش للميكانيكى علشان ابنى كان عيان وها اروح لحضرة الميكانيكى بكرة حد عنده حل لانى بصراحه مش فاضى وابنى مدوخنى شويه فاياريت حد يجيبلى حل ويكون من الاخر
وجزاكم الله خيرا ارجوا الرد والتعقيب والتعليق والتوضيح والتبيان والكل كليلة ودمنه

أنا شايف إنها لو إسطوانه فالعربيه مش حيكون إدائها كويس بعد ال 100 وشريف بيقول إن أدائها حلو بعد ال 100 والفرامل لو قافشه حيبقى شي دائم مش متغير ، أكشف عليها كمبيوتر الأول يا شريف وشوف ضغط طرمبة البنزين وإن شاء الله تكون حاجه سهله