أنا برده إستلمت كتيب الضمان من المعرض بعد الترخيص....و لكن أنا أستلمت المفتاحين مع العربية و ضمان الكاسيت و البطارية...أي قبل الترخيص...يبدوا فعلا إن كل معرض له نظام مختلف عن التاني...
عرض للطباعة
انا استلمت كل حاجة بعد مدفعت فلوس العربية (كاش) ورحت ارخص تانى يوم وانا معايا كل حاجة ...المفاتيح .... كتيب الضمان للسيارة والكاسيت و البطارية ....كتيب شرح السيارة وجميع اوراقها
بخصوص تقييمى للسياره فى خللا الاسبوعين الماضيين أى منذ أستلام السياره :
أولا كانت أهم الاشياء بالنسبه لى فى السياره هى مسأله الثبات على الطريق وهى ماشاء الله فى ثباتها مطمئن ويديلك ثقه وثباتها أفضل من الكرولا بكثير
ثانيا حاسس أن أستهلاك البنزين عالى شويه بس فى ناس بتقول فى الاول كده بعد كده هيتحسن ( هناقش المسأله دى فى صيانه الالف )
ثالثا فى بعض حاجات كان ممكن تكون أفضل من كده زى كاوتش الابواب كان ممكن يكون أحسن شويه بس نقطه مش مؤثره أوى يمكن التغاطى عنها
رابعا قابليه السياره للسرعه عاليه أوى بس أنا لسه لم أتجاوز سرعه 90 علشان لسه ما جبتش الالف الاولى
خامسا حاسس أن نور السياره مش قوى أو محتاج تظبيط خاصه العالى ( برده هناقش المسأله دى فى صيانه الالف )
وعلى كل حال الحكايه كلها يدوب أسبوعين و600كيلو لحد دلوقت أعتقد لسه الواحد ماخدش على العربيه علشان يكتشفها أوى .. أنا أساسا لسه مش مستوعب أن بقى عندى عربيه أساسا لأنى بصراحه أنتظرتها كتير بس بقى ربك لما يريد وعلى كل حال أنا درست العربيه أكتر من سنه وجبتها عن أقتناع والله الموفق
حركة كتيب الضمان دى حصلت معايا ، وأنا سألتهم بصراحة عن سبب تسليمهم الضمان عند صيانة ال 1000 بمركز صيانة أبوغالى بالعبور وفهمت إن الهدف من ذلك هو أن أكون مجبرا أول مره على الذهاب إلى مركز الصيانة الخاص بهم للتعرف عليه - لمحاولة جذب العملاء - وقد قال لى مسئول التسليم بالمعرض أننى غير مجبر بعد ذلك على إجراء الصيانة لديهم وأننى حر فى إختيار أى مركز صيانه أرتاح إليه ، وأكد أننى بعد أن أجربهم أول مره فى صيانة الألف فإننى لن أندم على ذلك وسأعود لهم فى المرات التالية من تلقاء نفسى ..
وأعتقد أننى سأفعل .. :S_thum1[1]:
أنا برده لسه عامل 500 كياومتر و لاحظت بالضبط نفس ملاحظاتك في ما عدا النور..النور كويس جدا (عالي+واطي+فوج لايت)...و عايز أضيف حاجات:
- العجل أفضل لو كان 195/65 r15
- خامات التابلوه كان ممكن تبقي أفضل من كده
- إضافة عازل لغرفة الموتور (صوت الموتور عالي نسبيا)
- كمبيوتر لحساب إستهلاك البنزين(موجود حتي في الجيتز)