الموضوع: عايز اشتري ميزان !!

بصراحة , متوقعتش في يوم اني ممكن اسأل على ميزان

بس انا فعلا محتاج اسأل , لأني من فترة اشتريت ميزان من كارفور من غير ما اعرف عنه اي حاجة , و شكله ابتدى يهبل و انا محتاج اتابع وزني

دلوقتي انا اسمع ان الميزان الهو بتبقى واقف و قدامك حاجة زاى مسطرة و بتقعد تحرك حاجة عليه لغاية ما يتظبط (اسمه ميزان اللحمة باين ؟ ههههه) , اسمع ان دة ادق واحد

بس ممكن اعرف اجيبه منين ؟ و اسعاره عاملة ازاى ؟

و بالنسبة بقى للموازين العادية , انا عايز حاجة تكون دقيقة على قدر الامكان

طبعا الاوبشنز حلوة , زاى انه يقيس نسبة الدهون و المية و كدة , دي حاجات حلوة بس المهم تبقى مظبوطة , لو الحاجات دي بتطلع مش مظبوطة اوي يبقى بلاش منها

و عايز ميزان يقعد فترة قبل ما يبتدي يهبل

ياريت بقى تقولولي ايه افضل الماركات , و انهي احسن ديجيتال ولا انالوج , و ايه الاماكن الاشتري منها ؟؟ و ياريت برده تقولولي الاسعار عاملة ازاى ؟

يعني لو عايز واحد رهيب , هيبقى بكام ؟ (مثلا)

و شكرا

المشاركة الأصلية كتبت بواسطة the-hero

أعتقد انك تجيب واحد انلوج بس اصلى زى اللى فى الصيدليات الابيض ده بيعيش كتير ودقيق
ودكاترة كتير بيجبوا فى العيادات
وهتلاقية عند بتوع الميديكل

قصدك انهي واحد يا باشا ؟؟ , الهوا زاى العادي ولا في حاجة زيادة ؟

المشاركة الأصلية كتبت بواسطة yarisawy

فعلا النوع ده محترم جدا وموجود فى العزبى وهايبروان والفا ماركت الانالوج بيبتدى من 150 تقريبا والديجيتال اغلى اكيد , الاتنين كويسين بس انت شوف امكانياتك ولو عايز اوبشن زياده , اهم حاجة تجيب براند محترم

مانا عشان كدة بسأل , عايز اعرف البراندز المحترمة , عشان اجيب واحد يعيش من غير ما يهبل

و شكرا يا باشا

المشاركة الأصلية كتبت بواسطة cyborg_ift

فيه في التوحيد والنور ومضمون

كنت جايب واحد ألماني منه وكان بـ 105 وبقاله 5 سنين شغال ميه ميه

هو بعيد شوية التوحيد و النور , بس هل حاجاته مضمونة ؟

المشاركة الأصلية كتبت بواسطة mrbebo

الديجيتال من رايي احسن لانه ادق ... واقل وحدة قياس فيه ال 100 جرام

شوف الموضوع ده هيفيدك اكيد

http://www.nilemotors.net/nile/121100-a.html



على فكرة النوع اللي انت بتقول عليه ده انا شفته ب 800 جنيه وممكن يوصل ل 1000 كمان

هو ده اللي في الفيديو


[youtube]http://www.youtube.com/watch?v=jc73sv1iutc[/youtube]

متشكر جدا جدا يا باشا :) , و اللينك مفيد جدا

و ايه بظبط الب800 جنيه ؟؟ , بيعمل ايه بظبط ؟!

يعني هو حلو طبعا , و بستاهل ال٨٠٠

بس مش دي ميزانيتي خاااالص ههههه :) , انا بتكلم في ٣٠٠ او ٣٥٠ كحد اقصى