استفسار من أهل الخبرة بخصوص صيانة ال 5000
وانا باحجز لصيانة ال 5000 سألت الموظف بتاع مركز السبع اللي رد على عن تكلفة الصيانة واني مش هاغير زيت لاني حاطط زيت ال 10000 عند عمل صيانة الألف فقال انها 86 جنيه - رجعت شفت كتيب الضمان .. لقيته بيقول ان في صيانة ال 5000 كم مفيش حاجة بتتعمل الا تنظيف فلتر الهواء .... معقولة دي بس تكلفتها 86 جنيه؟؟ ... أنا شايف انه مبلغ كبير نوعا ما على عملية زي كدة تعتبر بسيطة .. ولا فيه خدمات تانية بتتعمل غير اللي موجوده في الكتيب
؟؟؟
حاجة كمان مكتوب ان الصيانة تتم عند ال 5000 كم او 3 شهور ايهما اسبق والصيانة اللي بعدها عند ال 10000 او 6 شهور ايهما اسبق .. انا عديت 6 شهور منذ شراء السيارة وعديت ال 5000 بحاجة بسيطة (ما حدش يستغرب من قلة الاستهلاك الكيلومتري ..لاني باستخدم سيارة العمل غالبا للانتقال الى مكان العمل والمشاوير العائلية قليلة خصوصا اثناء الدراسة والشتاء ) ....هل كدة لما يشوفوا الكتيب هيحاسبوني على صيانة ال 10000/ 6 شهور ودي شاملة تغيير الزيت ولا هيحاسبوني على خدمة ال 5000 بس بغض النظر عن الفترة الزمنية المنقضية منذ شراء السيارة...
افيدونا يا أهل الخبرة .. بارك الله لكم ....
وشكرا