بصراحه انا مجربتش اللانسر الأوتو , لكن النيسان جربتها وبصراحه سحبها حلو مع الأوتو
انا الصراحه مجربتش النوبيرا الاتوماتيك
بس ليه كام ملاحظه عليها
اولا النوابير الاتوماتيك سعر اعاده البيع بتاعها اقل من المنيوال وتقيله فى البيع
ثانيا المشاكل من الفتيس بتاعها اكتر بكتبير من المشاكل العربيات الاتوماتيك التانيه يعنى تسمع او تقراءه فى المنتدى عن المشاكل من فتيس النوبيرا اكتر من اى عربيه تانيه هتقول الصيانه طيب ماهو اكيد اللى بيهمل فى صيانه الفتيس هيهمل فى صيانه الماتور لكن للاسف بتلاقى عنده مشكله فى الفتيس فقط
قبل كده كده كان فيه اخ معانا فى المنتدى كان معاه نوبيرا اتوماتيك وكان لسه عامله صيانه وباظ تانى والاخر ركب فتيس مانيول والعربيه بقت احسن معاه
مقصدش والله يا عاطف معارضه يعني معارضه , اقصد ان في الأفضل من النوبيرا وبالتالي احنا عايزين الصالح العام للزميل اللي بيسأل , لا انت ولا انا ولا حد مستفيد
لكن انت شايف الكلام والطريقه عامله ازاي , والحكايه بدأت تدخل في سكه اللي ملوش فيه يطلع منها , وبنزود عدد المشاركات و و و
عالعموم كبر دماغك , بدل ما انت حاسس انك قولت اللي جواك بما يرضي الله وضميرك يبقه خلاص
مش شرط على فكره لان عندنا هنا في مصر يقولك مثلا زيت الفتيس مابيتغيرش و الكلام ده سمعته من ناس معاها عربيات اوتو من زمان و ميكانيكيه كتير مايعرفوش حكاية تغير الزيت مثلا
لكن تلاقيه عادي بيغير زيت الموتور و الفلتر و بقيت الصيانات العاديه
لكن يقولك الفتيس لما ينقص نزوده
الحمد لله انا معايا اوتو
كلام صح 100/100
اولا جربها الاول علشان تحكم صح
ثانيا مشاكل موتور الاوتو قليله علشان الفتيس بيغير اوتوماتيك فمبيتعبش الموتور زى الخواجه مضبطه
وان حسبت التكلفه هتلاقيها فى كل حاجه تقريبا زى بعض
طبعا أنا مبدئيا اتوجه بالشكر لكل أخ أخذ من وقته وأجهد نفسه ليساعدني ويدلني على الخير
سواء أخطأ أو أصاب فله مني جزيل الشكر وجزاه الله عني خيرا
وأعتذر بصفة شخصية عن أي ازعاج أو احراج أو توتر بين أي من أعضاء المنتدى
وتفضلوا بقبول اعتذاري وشكري العميق لكم جميعا
وأخيرا "اللهم أصلح ذات بيننا"
الاخ الفاضل انا عن خبرة متاكد ان النوبيرا الاوتوماتيك ليس بها اى مشاكل بالنسبة للفتيس لانها عندى بقالها خمس سنوات وانا بغير زيت الفتيس بنفسى ولكن المشاكل الحقيقية فى الاستخدام الخاطى والسىء وعدم تغيير الزيت اوالتاخر فى تغييرة كلها اسباب رئيسية تؤدى الى اعطال الفتيس
انا معايا نوبيرا 2 كورى اوتوماتيك فتيس كهربا وهو افضل من الفتيس الاوتوماتيك الواير الموجود فى نوبيرا 1 ونوبيرا 2 المصرى والفتيس الاوتوماتيك الكهربا احسن بمراحل وقليل الاعطال وجاء هذا الفتيس لمعالجة اخطاء التى حدثت فى فتيس نوبيرا 1 الواير ولكن لو تعمالت مع الفتيس وحافظت علية سيعيش معك اطول فترة ممكنة بدون مشاكل مثل تغيير الزيت المناسب له وتغيير الفلتر فالفتيس الاوتوماتيك الكهربا ياخذ زيت ابيض خاص به اما الفتيس الاوتوماتيك الواير فياخذ زيت احمر وهنا يقع بعض الاشخاص فى الخطاء نتيجة جهل الميكانيكية فبعضهم وان يكن الاغلب يغير زيت الاوتوماتيك لللفتيس الكهربا بزيت احمر وهذا خاطىء تماما ويؤثر على اداء الفتيس ويقلل من كفائتة والعمر الافتراضى له