استعلام من اصحاب الساجا اوتوماتيك

**malta** · 06-05-2010 09:47 AM

السلام عليكم
انا يا جماعة كنت عايز اشترى عربية جديدة و بعد طول فحص و تمحيص رسيت على اللوجان لكن و انا ماشى بعربيتى القديمة غيرت طقم الدبرياج و هى فيات 128 ب 400 جنيه و مش هاتصدقوا ان انا لسه مغيره من سنتين بالظبط فانا قولت يبقى بلاش مانيوال خالص المهم لقيت فى نفس رنج الفلوس دى اقدر اجيب الساجا الاوتوماتيك بس عايز اسال ا عمرو عبد الباقى حيث ان هو من اوائل الناس اللى اشتروا العربية دى اخبار استهلاك البنزين ايه دلوقت و هل فعلا ظبط بعد ال5000 ك و لا لا انتوا عارفين ان خلاص الحكومة نوت على البنزين و بيقوللك 92 مدعم ب 46% يبقى اللتر هيبقى ب 3 جنيه تقريبا انا العربية عاجبانى جدا بس هى النقطة بتاعت البنزبن دى لان انا قريت عنها ريفيوهات اجنبية و لقيتهم بيشتكوا من نفس النقطة دى معلش طولت عليكم بس انا محتاج العربية ضرورى جدا

**amr1973** · 06-05-2010 03:03 PM

مساء الخير اخى العزيز ز ربنا يهديك للقرار السليم
اخى العزيز بخصوص استفسارك بخصوص استهلاك البنزيين فى الساجا كل اللى اقدر ارد علية ان الاستهلاك كويس جدا حيث انه وصل على الطريق السريع و العربية محملة وزن زيادة على الطبيعي و كمان السرعه كانت عالية وصلت 250 ك فى ال 20 ليتر
طيب نحكى القصة كلها تمشى ازاى
فى عوامل كتير بتاثر على معدل الاستهلاك هاقولها لك كلها
1- اولا الحمولة يعنى لو حضرتك محمل العربية اوزان كتيرة طبعا الاستهلاك بيزيد
2- السرعه و افضل سرعه للوصول الى الاستهلاك الامثل هيا ار بى ام 3000 سرعه 100 فى الساعه كل لما بتزيد السرعة بيزيد الاستهلاك
3- التكيف طبعا التكييف لما بيشتغل بيزود من الاستهلاك
4- طبعا الاوتو ازيد شوية فى الاستهلاك عن المانيوال بس اقول لك على سر قيادة الاوتو متعه بجد
5- اهم نقطة كيفية قيادتك للسيارات الاوتو هيا اهم عامل فى تحديد معدل الاستهلاك يعنى كل العربيات الاوتو استهلاكها داخل البلد عالى وده لانكل شوية تقف و ترجع تمشى فطبعا بتستهلك بنزين شوية
انما عن راى و تجربة استهلاك معقول جدا و بالطبع بيظبط بعد الالف و ان شاء الله بعد ال 5000 لانى لسة ماوصلتش ليهم عشان انا معايا سيارة اخرى
اتمنى انى اكون قدرت اجاوبك على كل حاجة و لو اى سؤال رقمى 0126525352 تحت امرك