السادة
انا عندى مشكلة انى بدوس على الدبرياش كتير حتى ساعة ما بهدى
مش عارف اتخلص من الموضوع ده
هل ده يقصر عمر طقم الدبرياش
ولو حصل حاجه فى الطقم ده هعرف منين
ايه علامات تلف اى حاجه فى الدبرياش
وشكرا
عرض للطباعة
السادة
انا عندى مشكلة انى بدوس على الدبرياش كتير حتى ساعة ما بهدى
مش عارف اتخلص من الموضوع ده
هل ده يقصر عمر طقم الدبرياش
ولو حصل حاجه فى الطقم ده هعرف منين
ايه علامات تلف اى حاجه فى الدبرياش
وشكرا
حاول تتخلض من المشكلة دى وماتدوسش دبرياج وانت بتهدى غير لما تكون العربية خلاص هتبطل
والاهم انك ماتريحش رجلك ع الدبرياج على طول وانت سايق
ده كلة بيؤثر على عمر الطقم معاك
اما علامات تلف الاسطوانه تحس بضعف السحب وخصوصاً مع الاحمال او فى المطالع وصوت الموتور يعلى ومفيش سحب
الدسك بقى يعمل معاج رجرجه وانت طالع بالعربية وبرض بيؤثر فى السحب
هذا والله اعلم
اللي أعرفه انك طول أما بتدوس دبرياج وانت مش دايس بنزين مفيش ضرر أو ضرر قليل للغايه
نفس العيب و نفس المشكله
متابع باهتمام
- تلف الأسطوانة (الأكثر شيوعاً) :
- وده بيكون في شكل ضعف في سحب العربية بشكل عام وعلى المطالع والتحميل بشكل خاص .
- سخونة زايدة وغير مبررة للمحرك .
- رائحة غريبة تشبه رائحة إحتراق الكاوتش وخصوصا عند بداية التحرك وعند المطالع
الكلام دة نقريبا ظاهر عندى الا سخونة المحرك المؤشر مبيعلاش + العربية بتقطع احيانا وهيا مشية لوحدها ..زى كدة بيجلها صغتة ...وخصوصا فى الحرر او ونا مشغل التكيف فترة طويلة ..!!؟
يبقى كدة الدسك رااح ....السلانسية مظبوط والار بى ام بيجيب سرعة مظبوتة ؟؟؟؟
استخدام الدبرياج سواء دايس بنزين او لا بيستهلك الدبرياج
الدبرياج مكون ميكانيكى زى اى مكون فى العربية و كل ما تستخدمة اكتر بيزيد استهلاكة بالتالى من الحكمة اسعمالة عند الضرورة فقط... يعنى عشان تنقل لنقلة اعلى او اقل او عشان تمور... اكتر من كدة يبقى اجهاد على مكونات الدبرياج بالذات الدسك
تحميل الرجل على الدبرياج اثناء القيادة بيتلف بلية الدبرياج
MMamdouh
موضوع مفيد جدا
كانت عندي المشكله ديه بس الحمد لله اتغلبت عليهه وهيه مسألة تعود بس
انا عندى نفس المشكلة وغيرت طقم الدبرياش مرتين خلال 3 شهور
انا بستعمل الدبرياج كتير جدا
نفس المشكله ومش عارف اتغلب عليها فى الملفات ادوس دبرياج وامر و رجلى عامله الدبرياج مسنده لدرحه انى ساعات بحس انى بكون ضاغط عليه اصلاً هتجنن وبحاول بكل المقاييش انى اغير الطريقه دى
انا متابع معاكم وعاوز اعرف هو بيتكلف كام لتغييره لان فى صوت زنه وانا بدوس على الدبرياج ودى بتكون من فتره الى اخرى ومش عارف يتظهر وبتختفى ليه بضطر انى ازيت الكاوتشه اللى فى الصوره دى والدراع اللى عليها بيقلل من الحكه شويه لحد ما تختفى والميكانيكي قالى دى الديسك خرب او استهلك
في الملفات المفروض تدوس دبرياج او تمور العربية عشان تحافظ علي الكبالن
بالنسبة لسعر طقم الدبرياج بيعمل من 300-1000 حسب نوع العربية وبعدين الفتيس بيتحل عشان بتركب يعني شغلانة
لو هاتغير يبقي تغير الطقم كله (بلية -دسك-اسطوانه) لان تلف مكون واحد ممكن يمون أثر علي باقي المكونات ويبقي هات الصلي عشان انت ما بتغيرش طقم دبرياج كل يوم
وحاول تغير من اسلوب قيادتك وتريح رجلك الشمال علي الرض جنب الدبرياج وتستخدم الدبرياج عند الحاجة فقط
ومعلومة حتي لو انت ماشي علي الخامس وهتهدي عشان في مطب تدوس فرامل بس لحد المطب وبعد كده تدوس دبرياج وتعدل الغيار وهتلاقي العربية بتقف اسرع من انك تكون دايس دبرياج