السلام عليكم
مش عارف الموضوع مكانة هنا ولا لا الصراحة

من فترة قليلة كانت عندي مشكلة ان مرة واحده وانا ماشي علي 60 مثلا مالاقيش بنزين تحت رجلي مهما ادوس وافضل اكارك لحد ما ييجي البنزين تاني
وبعد كده الموضوع كبر وبقي كل شوية والعربية تبطل

الميكانيكي قاللي غير الموبينة غيرتها ومافيش حاجة قاللي غير طرمبة البنزين والفلتر نفس الكلام
غير الخراطيم برضو نفس الكلام

واحد ربنا يكرمة اكيد حد يعرفة اسمة اسماعيل ابو العينين في الزاوية الحمرا بتاع قطع غيار فيات قاللي قبل كل حاجة وقبل ماروح للميكانيكي بس انا ماسمعتش كلامة قالي ماتغيرش حاجة فك العوامة بتاعة التنك ونضفها بس
ولام زهقت قلت للميكانيكي نضفلي العوامة وفعلا لما فكيناها لاقينا الفلتر في اخر العوامة مليان طينة رميناه خالص والحمد لله المشكلة اتحلت تماما


المغزي ان اي تقطيع في البنزين قبل ماتغير شيئ اكشف علي فلتر عوامة التنك