الموضوع: ظاهرة النور العالي

المشاركة الأصلية كتبت بواسطة gadix

السلام عليكم
- انا بسوق بقالي 4 شهور بس يعني طبيعي جدا اني اكون في اول شهر اكون ماشي براحة يعني بالكتير علي 60 و طبيعي جدا اني لما امشي بالراحة اني اكون واخد الحارة اليمين
ليه بقي الموضوع ده بيضايق الناس و الاقي شوية ناس اقل ما يقال عنهم انهم تييييييييت الاقيه ورايا و فاتح النور العالي؟ و تخيل لما انا اكون جديد في السواقة و لاقي حد بيعمل معايا كدة اكيد اعصابي هتتوتر و اكيد هعمل حاجة غلط و انا سايق ممكن تؤدي بحياتي او ابهدل العربية

- ليه لما ميكروباص يقف في نص الطريق و يكون نصيبي اني اقف وراه الاقي واحد من التيتتتتت
واقف ورايا و يفتح النور العالي في وشي؟

- ليه و انا ماشي في شارع ضيق و الاقي عربية نقل بتكسر عليا و اضطر اني اقف عشان اعديها و متفرمنيش الاقي واحد من التيتتتتت واقف ورايا و يفتح النور العالي في وشي؟

- ليه لما الاقي حد من المشاة او طفل بيعدي الشارع و اقفله الاقي واحد من التيتتتتت واقف ورايا و يفتح النور العالي في وشي؟

- ليه لما الطريق بيبقي واقف و ماشيين بالعافية الاقي واحد من التيتتتتت واقف ورايا و يفتح النور العالي في وشي و بيتوقع اني المفروض اعمل غرز او المفروض اكسر يمين و شمال زي سواقين الميكروباصات؟

انا حبيت افش غلي شوية معاكم عشان انا متغاظ جدا من الموضوع ده

عايزين يلحقوا ياباشا !!!!! مهمين بقى تقول ايه
حاول بالتدريج كدة تاخد بالك من وسائل المواصلات عموما والتاكسي بالذات انه ممكن في اي لحظة يقف وساعات بيقف وهو بيعمل حساب العربية اللي وراه لكن العادي يقف زي مايكون لوحدة في الشارع وكل كام ثانية تاخد فكرة عن الطريق وراك اخباره ايه عشان لو حد وقف مرة واحدة ولا اي حاجة تضطرك تطلع من حارتك يبقى الموضوع سلس

المشاركة الأصلية كتبت بواسطة amrrr

عايزين يلحقوا ياباشا !!!!! مهمين بقى تقول ايه
حاول بالتدريج كدة تاخد بالك من وسائل المواصلات عموما والتاكسي بالذات انه ممكن في اي لحظة يقف وساعات بيقف وهو بيعمل حساب العربية اللي وراه لكن العادي يقف زي مايكون لوحدة في الشارع وكل كام ثانية تاخد فكرة عن الطريق وراك اخباره ايه عشان لو حد وقف مرة واحدة ولا اي حاجة تضطرك تطلع من حارتك يبقى الموضوع سلس

عاوزين يلحقوا ايه بظبط؟ شغلهم في مصانع الطائرات و لا المفاعلات النووية هتوقف عشان خاطرهم؟؟؟؟؟؟؟

المشاركة الأصلية كتبت بواسطة eng_ahmedryad

فعلا أنا مش فاهم أيه الموضه بتاعت طفي النور الواطي ده ، يعني كل اللي جاي مقابل عايزك تطفي النور الواطي وهو كمان يطفي الواطي وأحنا الأتنين نمشي على عمانا في الشوارع اللي مليانه نقر ومطبات ، ولو ماطفيتش يفضل يقلب أو حتى يدي العالي ، أمال هما اخترعوا النور الواطي ليه أصلا علشان ينطفي !!!!!!!

دى ناس غريبه جدا و بتحصل معايا كتير .. خصوصا مع سواقين التاكسى مع احترامى ليهم .. اما اكون ماشى و منور النور الواطى الاقيه ادانى النور العالى فى وشى عشان هما طبعا بيمشوا مش منورين النور خالص عشان يحافظوا على البطاريه .. أقوم انا بأه مديله رعشه بالعالى كده عشان يفهم ان ده النور الواطى و يلم نفسه.

من اكتر الحاجات اللي بتدايق وانا سايق بالليل