عاجل - الأخوه الخبراء

**kamalsamir** · 06-05-2010 01:30 PM

تحيه للمنتدى الرائع و كل المشاركين فيه ، انا فى الحقيقه محتاج سياره فى حدود 25000و فكرت فى سياره لادا استعمال بحاله جيده لأن انا يهمنى الاعنماديه واسعار قطع الغيار خاصه و ان المسافه اليوميه لعملى 60ك ذهاب و عوده لكن انا معنديش خبره فى السيارات و خايف تكون عربيه سيئه والبعض نصحنى بسياره زيرو حتى لو صغيره و الحقيقه انا اقصى قسط ممكن اتحمله هو قسط سوزوكى ماروتى بس خايف متتحملش مشوارى اليومى 60ك و طبعا الطرق السيئه جدا ، طولت عليكم بس انا رجائى النصيحه لان انا حددت اختيارى بين لادا استعمال و سوزوكى ماروتى زيرو
تحياتى للمنتدى الرائع

**moma333** · 06-05-2010 01:50 PM

السلام عليكم رايى ان الماروتى ناعمه وكويسه ولكن مش هتستحمل وهتهلك بسرعه شوف لادا 2105 او 2107 موديل عالى بس اهم حاجه تكون روسى و دواخل فبريكه على الاقل لو مش كلها فابريكه

**smsm061274** · 06-05-2010 04:09 PM

طبعا لادا احسن لكن تكون حالتها جيده فلازم لما تشترى تاخد معاك ناس بتفهم.

**kamalsamir** · 06-05-2010 04:12 PM

شكرا يا moma333 بس ازاى اتأكد ان العربيه كويسه يعنى انا اعرف واحد فى محطه مصر للبترول مهندس سيارات وقالى ممكن اكشف على العربيه هل دا يكفى و لا لازم سمكرى و ميكانيكا وهل فى طريقه اعرف بيها حاله الموتور الحقيقيه
مع الشكر

**jojajo** · 06-05-2010 04:14 PM

انا عندى لادا 2103 فابريكة بلكامل وريداتير نحاس جديد وبطارية جديدة وكاوتش جديد ان شاء الله على 18.500 بس حالتها ما شاء الله موبايل 0182502082 ايميل Minawork@hotmail.com

**moma333** · 06-05-2010 06:12 PM

ممكن الراجل اللى فى المحطه يرفعها وتشوف حله الشاسيه من تحت واهم حاجه ميكنش فى باروما ولو صغيره لان معنى كده ان هيبقى فيه برومه فى حتت تانيه مستخبيه وبالنسبه للموتور شوف الشكمان العادم فيه شكله ايه لو مزيت يبقى المكنه خفيفه ولو مهبب جامد يبقى عايزه ضبط وممكن كربرتير لانها هتاكل بنزين وبالنسبه للكبس عشان تعرف الحاله كام فى الميه فى ساعه بتتحط مكان بوجيه والفنى يقدر يقولك منها حالة الموتور وربنا يوفقك وعلى فكره من تجربتى مع اللادا ال2105 افضل حاجه لكن مكذبش عليك معرفش حاجه عن السمارا

**Ahmed_Emad** · 07-05-2010 02:30 PM

أنا معايا لادا لكن سقت الماروتي وشايف انها سيارة ممتازة وعندي اتنين من أصدقائي عندهم ماروتي وبيقطعوا بيها نفس مشوار حضرتك اليومي إن مكانش اكتر ومفيش فى أي واحدة فيهم مشاكل حتى الآن، المهم الاهتمام بالصيانة الدورية وفى مواعيدها

لو حضرتك متمكن فى السواقة اشتري ماروتي زيرو، لو لسه مبتديء يبقى يفضل اللادا المستعملة عشان تستحمل خبطات بداية مشوار السواقة التي لا مفر منها :)

لأن للأسف واحد من الاتنين أصدقائي دول لسه مبتديء وهراها خبطات وطبعاً هي ليست بقوة تحمل اللادا :)

**kamalsamir** · 07-05-2010 09:23 PM

الاخ احمد شكرا لاهتمامك و انا مش جديد فى القياده انا عندى 127 من 3 سنوات و خلاص تعبتنى جدا و مصاريفها ذادت جدا و انا مشوارى اليومى 60 ك و اسرتى صغيره - طفل واحدا - و بصراحه انا خايف من المستعمل جدا جدا لانى شفت تجارب مرعبه عشان كده فكرنت فى الماروتى حسب امكانياتى الحاليه و سفرى تقريبا القاهره مره شهريا لان انا فى لاسكندريه فهل دا مناسب للماروتى

مع الشكر

**kamalsamir** · 07-05-2010 09:24 PM

الاخ احمد شكرا لاهتمامك و انا مش جديد فى القياده انا عندى 127 من 3 سنوات و خلاص تعبتنى جدا و مصاريفها ذادت جدا و انا مشوارى اليومى 60 ك و اسرتى صغيره - طفل واحدا - و بصراحه انا خايف من المستعمل جدا جدا لانى شفت تجارب مرعبه عشان كده فكرت فى الماروتى حسب امكانياتى الحاليه و سفرى-تقريبا القاهره مره شهريا لان انا فى لاسكندريه فهل دا مناسب للماروتى

مع الشكر

**Ahmed_Emad** · 08-05-2010 02:03 PM

بالنسبة للسفر متقلقش حضرتك هيا تستحمل وكويسة والصديقين اللى حكيت لحضرتك عليهم بيسافروا بيها عادي من دون مشاكل بس مبيقرصوش على الماتور ومبيتعدوش ال100 أو ال120 بالكتير وبيحافظوا على الصيانة الدورية فى مواعيدها

مشكلة اللادا ان مالكها بيستخدمها استخدام شاق من دون انه يحافظ عليها ويهتم بيها باعتبارها قوية التحمل وهيا فعلاً كده لكن لحدود برضه، واما يبيعها تبدأ تظهر كل المشاكل للمالك الجديد اللى اشتراها مستعملة، ونادر اما تلاقي لادا مستعملة حالتها كويسة ومالكها كان مهتم بيها

وبالتالي أعتقد أن الماروتي الجديدة اختيار أفضل طبعاً، ولو ممكن حضرتك تدور على نظام تقسيط أريح ومدته أطول وتدفع المقدم ده لسيارة لادا روسي جديدة يبقى أفضل بكتير كمان نظراً لأنها هتبقى سيارة لعائلة مش لفرد، بالتالي على المدى الطويل هتبقى أفضل من الماروتي