-
عاجل - الأخوه الخبراء
تحيه للمنتدى الرائع و كل المشاركين فيه ، انا فى الحقيقه محتاج سياره فى حدود 25000و فكرت فى سياره لادا استعمال بحاله جيده لأن انا يهمنى الاعتماديه واسعار قطع الغيار خاصه و ان المسافه اليوميه لعملى 60ك ذهاب و عوده لكن انا معنديش خبره فى السيارات و خايف تكون عربيه سيئه والبعض نصحنى بسياره زيرو حتى لو صغيره و الحقيقه انا اقصى قسط ممكن اتحمله هو قسط سوزوكى ماروتى بس خايف متتحملش مشوارى اليومى 60ك و طبعا الطرق السيئه جدا ، طولت عليكم بس انا رجائى النصيحه لان انا حددت اختيارى بين لادا استعمال و سوزوكى ماروتى زيرو
تحياتى للمنتدى الرائع
-
حضرتك الآجابة الواضحة ذى الشمس هى الماروتى زيرو وهى تقدر على 100 كيلو كل يوم وأكتر فأنت لو تقدر تجيبها بالتقسيط هيكون أفضل 100 100 وتقدر تأخذ معاك ثلاثة كمان فى العربية غيرك وموفرة فى البنزين وأقتصادية وتصلحها عند أى حد قصدى الصيانة ممكن عند أى ميكانيكى مش محتج توكيل وكمان بتشتغل مع جميع أنواع البنزين ممكن 80 وممكن 90 والآفضل والآحسن طبعا 92 فهى أقتصادية بمعنى الكلمة وممكن تسافر بيها أى مكان ممكن تتخيلة وأقل حاجة تروح أسكندرية والعين السخنة وممكن أى مشوار أبعد من كدة مع عمل أستراحة بسيطة وممكن تعملها حمالة سقف وتشيل عليها الآمتعة لآنها يعتبر ملهاش شنطة ودية من ضمن العيوب البسيطة التى ممكن تلفيها عند السفر بتركيب حمالة سقف وأيضا هى تصلح لآسرة صغيرة زوج وزوجة وثلاث أطفال أو أنت ومعاك بالكتير ثلاثة كمان وزن محترم زيك يعنى 4 أفراد وزن كبير فقط مش خمسة ذى اللادا
اللادا ممكن أشجعها فقط وتكون أفضل فى حالة واحد فقط ودى أنا ممكن أقولك عليها وهى تشترى اللادا الروسى الزيرو هى دى اللى تكسب الماروتى شوية لكن مش كتيير لآنها بردة مش أقتصادية ذى الماروتى حتى لو زيرو . لكن اللادا أكثر عملية وأكثر قوة وأكثر سرعة وأكثر تحميل وواسعة بردة وفيها شنطة لكن وهى زيرو فقط علشان تخدمك وتستريح بس فى الآخر الماروتى تكسب بردة فى الآقتصادية ودى نقطة مهمة جدا ومن الناحية الميكانيكية والعفشجية بردة الماروتى تكسب لآنها أقل فى المشاكل والآعطال
كل دة طبعا فى الماروتى الزيرو مش المستعمل
والماروتى الزيرو بالتقسيط أحسن من أى عربية مستعملة هتشتريها بالمبلغ اللى معاك دلوقتى كاش
الخلاصة يا أما لادا زيرو روسى أو ماروتى زيرو . والآختيار هيرجعلك حسب أستخدامك ومشاويرك ومدى التحميل الكتير اللى بتحملة وهل هى أكثر المشاوير فى المدينة وبدون تحميل كتير وتعمل مثلا بالكتير 80 : 100 يوميا يبقى ماروتى .هتحتاج مشاوير كتيير قوى وتحميل كتير قوى وسفر كتيير قوى ومسافات يومية أكتر من 100 كيلو يبقى اللادا الروسى الزيرو
والله الموفق والمستعان
-
شكرا
شكرا abdm انا فعلا خايف من المستعمل جدا جدا و موضوع البنزين فعلا مهم و انا فعلا مشوارى 60ك ذهاب وعوده و اسرتى صغيره -طفل واحد - لكن فى سؤال لما يكون فى عربيه لادا صاحبها يقول مرفوعه:هل معنى كده انه تكون جيده
كل التحيه للمنتدى الرائع
-
أنا قولتلك النصيحة قبل كدة ومش هكررها .
أبعد عن أى لادا مستعملة حتى ولو مرفوعة لآنها فى الآخر مستعملة
أنت ذكرت فى سؤالك السابق أنك ممكن تشترى ماروتى زيرو لوتقدر فعلا حتى بالتقسيط أتكل على الله أما مش هتقدر وهتفكر فى مستعمل أبعد عن اللادا المستعملة ألا لو كانت كسر زيرو روسى يعنى موديل 2007 أو 2008 وطبعا دى هتكون غالية غير كدة فكر فى أى عربية تانية كيا برايد العصفورة أو أونو أو سكودا هتش باك أو 128 لكن لادا تحت موديل 2005 حتتعبك قوى وأتكل على الله ولو تقدر خش فى الماروتى الزيرو أحسن من كل ما سبق من المستعمل
والله الموفق والمستعان
-
حضرتك لو لفيت شوية ممكن تجيب عربية ماروتي كسر زيرو ب 27000- 29000
وموجود كتير مش قليل
وده هوا الخيار الافضل ان شاء الله
موفق
-
انا كمان نفسي في ماروتي بس عيبها القاتل موضوع التكييف خصوصا في الحر ده
يا سلام لو تنزل بالتكييف وتبقى بنفس السعر ده تبقى فعلا ملهاش منافس
-
شكرا
كل الشكر للاخوه فى المنتدى و انا ان شاء الله نويت على الماروتى بس رجاء من الاخوه اصحاب الماروتى يساعدونى بأى نصيحه او معلومه عن الماروتى وخاصه من ناحيه السفر على فترات القاهره مثلا و مطروح - بالمناسبه انا من الاسكندريه
-
فى موضوع لآحد الآخوة الآعضاء بأسم سفر مرسى مطروح بالماروتى وأكد فية أنها تسافر عادى جدا بس ذى أى عربية محتاجة تأخذ أستراحة كل ساعة أو ساعة ونصف يعنى طريق ذى أسكندرية دة هى مرة واحدة أستراحة فقط منها بتريح العربية حتى لو العربية تقدر تأخذ الطريق كلة على مرة واحدة يفضل بردة تريحها شوية وتشوف البنزين وتزودة من أى بنزينة والناس كمان اللى معاك اللى عايز يريح رجلة شوية واللى عايز يدخل الحمام وتراجع على مياة الريداتير وتذودها لو محتاجة
دة الآنسان ذات نفسة بيتعب لو خد المشوار كلة مرة واحدة لازم الواحد يريح شوية فى أى فرصة هو والناس اللى معاة وكمان العربية
والله الموفق والمستعان
Content Relevant URLs by
vBSEO 3.6.0 PL2