اقتباس المشاركة الأصلية كتبت بواسطة Ahmed Galal مشاهدة المشاركة
و لا يهمك انا بردك ما عنديش ار بى ام و هاركبه باذن الله عداد خارجى لان محاولات شرا طابلوه عدادات مزود بيه من الاستيراد بائت بالفشل عشان الضفيرة و التوصيلات اما النقلات عندى فعربيتى 1300 كربراتير مكنة 2e
الاول لحد 20
التانى لحد 40
التالت لحد 60
الرابع لحد 80 و لو دنتك عليه بدون قرص بيجيب ال 100
الخامس لحد 150 و ما عدتش اكتر من كده
لو قرصت بقلب حنين زيى يبقا ممكن تزيد 10 كيلو على اللى فات فى كل نقلة
و لو قرصت بقلب ميت زى ما ابن خلتى عمل مرة و ما شافش مفاتيح العربية تانى ممكن تزود 20 كيلو لكل نقلة من اللى فات و كان لسه فيه كمان بس انا نزلته من العربية و كان اخر مرة حد يسوقها
انا بردو مكنه 2e و بنقل زيك بزبط بس في الاولاني 20 و التاني 40 بحس اني معلي صوت الموتور شويه و انا اصلي موسوس شويه في الموضوع ده...عالعموم شاكر افضالط يا باشا و ربنا يباركلك في العربيه و يديك خيرها