الأطفال الابرياء فى الشارع كل ما يعدوا على بيتنا بيضربوا الجرس و اطلع ابص مين اللى بيخبط الاقيهم جريوا و بقوا فى اخر الشارع الجرس عالى بس هما يا اما بيقفزوا مسافات طويلة يا اما بيشيلوا بعض ايه الحل يا جماعة عشان ما اتحولش للتوربينى قريب
عرض للطباعة
الأطفال الابرياء فى الشارع كل ما يعدوا على بيتنا بيضربوا الجرس و اطلع ابص مين اللى بيخبط الاقيهم جريوا و بقوا فى اخر الشارع الجرس عالى بس هما يا اما بيقفزوا مسافات طويلة يا اما بيشيلوا بعض ايه الحل يا جماعة عشان ما اتحولش للتوربينى قريب
خليه بيكهرب
:3mla:
اعتبر اول رنة للجرس انذار كاذب ومتخرجش الا لو رن كمان مرة ولا اتنين
ولو عرفت تركب الزرار بتاع الجرس في مكان أعلي يبقي احسن لأن احباب الله مش هيطولوة إلي حد ما (بس دة ما يمنعش انهم بيعرفو يتصرفو)
لا كهرباء ايه , خليهم يرنوا على الجرس وانت اقف من الشباك ب ال
sniper gun and shoot them :70[1]:
كله فى مصلحة الأولاد :w6266d
يا باشا بعد الشر عليك...
الحلول :::
1-تشيل الجرس وتحط بدالة لمبة بتنور...
2-تركب جرس صوته واطى....
3-تركب الكاميرا اللى بتتوصل بالتليفزيون...
4-تشيل الجرس خالص,,والناس تبقى تخبط على الباب...
:satelite:
تخلي مفتاح الجرز القديم ينور لمبة جوة عندك في البيت
و تعمل جرز جديد في حتة تانية عاليه عليهم
ولا يهمك يا باشا....
هههههههههههه نفس المشكلة الى بعاني منها عندي انتركم يرنو ويابوفكيك وطبعا اخوكم يركبوا 100 عفريت ما بهداش الا لما افتكر نفسي وانا صغير كنت شقي جدا وبعمل نفس العمايل دي اضحك واستغفر ربنا
عيال مقرفة و اهاليهم مربهومش
(نفس المشكلة عندي...حاجة تحرق الدم)
حضرتك ممكن تركب زرار جرس تاني و توصله على الدائرة بحيث أن الجرس ميرنش إلا إذا اللي بيضرب الجرس ضغط على الإثنين مع بعض و حطه جنب التاني بس اعلى شوية بحيث تكون عالية عن الأطفال و سهلة للكبار و عرف أي حد يزورك
ايه ده هوه الى بنعمله واحنا صغيرين هيطلع علينا ولا ايه بقا كنا نكون ماشين وتلاقى واحد مننا طلع يجرى نجرى كلنا علشان هوه جرس وجرى :POINTIy2[2]:
هههههههههههههههههههههه
المشكلة دى كانت عندى زمااااااااااااااااااااااا ااااااااااااااااااااااااا ن
وفعلا حاجة رخمة والارخم اننا سكنين قريب من مدرسة ابتدائى
والحمد لله مع الوقت الزرار اتشال وشوية شوية ملقناش السلك
والبيت 6 ادوار
بس فى حل حلو ممكن تدخل الزرار جوة المدخل
كانت عندي نفس المشكله
و كان بيضرب الساعه 6 الصبح و كنت فاكرهم عيال بس ماطلعوش عيال طلع الجرس بيضرب لوحده ريحت دماغي وفصلت الجرس اللى تحت