مفيش فايده!محدش عايز يرد؟؟؟؟؟

**samihanwar** · 06-05-2010 03:33 PM

انا من فتره طلبت انى اعرف مكان فيوز الكلاكس بتاع النترا 2007 فين لأن الكلاكس مش شغال مع انو سليم وانا جربتو ولاقيتو شغال زى الفل
انا معنديش غطا علبه الفيوزات اللى مكتوب عليه اسماء الفيوزات اللى فى الماتور
ومفيش حد عايز يعبرنى
معقوله دى محدش عندو النترا خالص
ده والله طلب سهل خالص
كل اللى فيه هتفك الغطا بتاع علبه الفيوزات وهتلاقى مكتوب عليه من جوه اسم الفيوز ومكانو
او اى حد ابن حلال يصورلى الغطا اللى مكتوب عليه اسامى الفيوزات ومكانها
واللى انا اعرفو انو اكيد فى الكبوت
متشكر

**Hosam_Optrawy** · 06-05-2010 05:08 PM

بص ياباشا انا معنديش النترا فمش هاقدر افيدك

لكن انا دورت عالنت على الكتالوج وجبته

ولقيت ال 9 صفحات دول الخاصين بالفيوزات

يمكن يفيدوك

**حماده المصري** · 06-05-2010 05:40 PM

ياريس افتح علبه الفيوزات الي قدام في الكبوت

هتلاقي في غطا العلبه نفسه اماكن الفيوزات واساميها هتلاقي الي مكتوب عليه بالانجليزي هورن horn هوه ده وهتلاقي كمان فيوزات احتياطيه خد اي فيوز وحطه مكانه لو اشتغل الكلاكس يبقى الفيوز كان محروق يستحسن تروح عند كهربائي وانا ساكن في الهرم لو انت قريب تعالى وهوديك لحد كويس

**samihanwar** · 06-05-2010 06:35 PM

يا ريس المشكله انى مش عندى غطا العلبه

**م.محمد علاء** · 06-05-2010 06:51 PM

الحقيقه انا مش معايا إلنترا...بس انا ممكن أوضح لحضرتك كام نقطه كدا اتعرضتلهم ....
انا لقيت فجأة وبدون مقدمات الكلاكس راح فاصل...بدون أى مقدمات...
الفردتين كانوا سلام...والفيوزات كمان..
و الضفيره الكهربا كانت سليمه...
المشكله كانت من حاجه إسمها (wire air bag( او بالبلدى إسمها الفحمه...
ودي قطعه فى الدركسيون بتنقل الكهرباء والإشاره من الجسم الساكن اللي هو التابلوه الي الجسم اللي بيلف وهو الدركسيون..
القطعه دى هي اللي كانت بايظه عندي و غيرتها فى التوكيل لأن العربيه كانت عامله 1800 كم ..ولسه فى الضمان