الموضوع: نقاط مضيئة وسط الظلام

المشاركة الأصلية كتبت بواسطة hussein

ياريت انتى كمان تنضمى ليهم علشان الامل فى بكره يزيد و نقدر نعمل حاجه كويسه للبلد

و لله الحمد و المنة انا عضوة في الفريقين من حوالي 3 سنين :)

جمعية تنمية المجتمع المحلى عندنا بصراحة بتحاول تذلل كل الصعاب فى المنطقه بتاعتنا
مثلا النظافة
انابيب البوتاجاز
مساعدة المحتاجين والايتام
وحاجات كتير

بالتاكيد هناك نقاط مضيئة حولنا كثيرة - بس طبعا النقاط السوداء بتخلينا معظم الوقت فى شدة الحرص و ممكن تكون انها السبب فى اننا لا نرى النقط المضيئة بسهولة .

اكيد ممكن نكون بنشوف نقاط مضيئة يوميا بس مش بناخد بالنا
يعنى لو اخدنا السيارات مثال ، لما بتمشى بسيارتك فى الطريق و تلاقى واحد بيشاورك بايديه بكل ذوق و يهدى بيسارته حتى تقوم انت بالمرور لما تكون انت مسرع مش ديه تعتبر نقطة مضيئة

لما واحد يقف فى الطريق بسيارته لما يلاقى سيدة مسنة او حتى شخص عادى عايز يعبر الشارع بس مش عارف من سيل السيارات القادم و تلاقى الشخص بيعدى الشارع و هو سعيد و يشاور بالشكر لصاحب السيارة اللى وقف ماهو صاحب السيارة ده برضه نقطة مضيئة ( طبعا ده فى اى مكان متحضر طبيعى بس فى بلدنا و اليومين دول بالذات يعتبروا نقطة مضيئة !!! )


لما تلاقى عجلة سيارتك نامت فجأة فى ا لطريق السريع و مفيش حد حواليك و تلاقى سيارة وقفتلك و تعرض عليك المساعدة مش ده نقطة مضيئة

لما مراتك تبقى سايقة السيارة و تعطل لاى سبب من الاسباب و مش عارفة تتصرف ازاى و يظهر اكثر من شخص شهم يحاول المساعدة بقدر المستطاع .

لما تبقى بتدور على مكان معين و تايه و مش عارف توصل و تحاول تسأل ( انا اشتريت جى بى اس علشان مسألش حد و برضه مفيش فايدة بأسال عن الاماكن برضه ) و تلاقى اكثر من شخص يوصفلك ازاى توصل بالتفصيل و حتى اللى معدى بالصدفة و لم تقوم انت بسؤاله و يطوع و يوصفلك .

لما يبقى فيه طفل تايه فى مكان عام او نادى او مول تجارى مثلا و تلاقى عائلة او شخص بيقفوا مع الطفل حتى يجد اهله بالسلامة .

الصراحة انا لما قرأت المشاركة الرئيسية كنت سعيد جدا فوق ما تتصورا و فكرت فى اى حاجة اكتبها بسرعة فلم اجد غير الامثلة السابقة و البقية تاتى ان شاء الله على ايدى الاعضاء الكرام

كريم ابو العلا