انا روحت صيانة ال 1000 يوم الاحد الماضى وكان السيناريو كالاتى:
روحت الساعة 12.3 طبقا للميعاد قابلت مهندس الاستقبال
المهندس : صيانة 10000
انا : ايوه بس كان عندى مشاكل ما تحلتش من صيانة ال 5000 عضة المارشيدير و تظبيط الابواب وكمان حاسس ان استهلاك البنزين عالى
مهندس تانى فى الاستقبال: استهلاكها عالى يعنى كام
انا : استهلاكها بيوصل 8.8 لتر وعلى الطوالى وانا جاى 7.6
المهندس : بس ده استهلاك كويس
انا : لا مش كويس لانى اول ما استلمتها كانت على نفس الطريق الطوالى بتعمل 5.6 لتر
المهندس: اوكية اتفضل اشوفها

اول حاجة جرب المارشدير والحمد لله عمل صوت فى مرتين تجربة
وقاللى انتا الحاجات اللى طالبها كتير وهتضطر تسيبها لبكرة
انا قولت اسيبها مش مشكلة بس المهم تتظبط
وفعلا اخدتها تانى يوم والمفاجأة:
عضة المارشدير اتظبطت زى الفل الحمد لله "لأول مرة تجيب مارشدير من غير صوت ومن غير ما استنى علي الغيار"
استهلاك البنزين على الطوالى 5.4 لتر بلا مبالغة الحمد لله وبالتكيف كمان لمسافة 450 كم
تم تظبيط الابواب وبتقفل من غير رزع
بصراحة المرة دى كنت مبسوط فعلا من التوكيل
اه قبل مانسى صيانة ال 10000 كلفت 411 جنية شاملة الضريبة